Yochué 21:43 - Tupanaarü Ore

⁴³ Rü yemaacü nixĩ ga Cori ya Tupana ga Iraétanüxü̃na naxãxü̃ ga guxü̃ma ga yema naane ga norü o̱xigümaxã naxueguxü̃. Rü nümagü ga Iraétanüxü̃ rü nagu naxãchiü̃güxü̃ rü nawa namaxẽ.

Yochué 21:43 Referans Kwoze

Naanearü ügüchiga 13:15

Rü choma rü tá cuxna chanaxã i guxü̃ma i ngẽma naane i nüxü̃ cudauxü̃. Rü guxü̃gutáma cuxrü rü cutaagüarü tá nixĩ.

Naanearü ügüchiga 28:4

¡Tupana rü cuxü̃ rü cutaagüxü̃ nangü̃xẽẽxü̃, yema curü o̱xi ga Abraáü̃maxã naxueguxü̃rüxü̃, nax ngẽmaãcü norü yora pixĩgüxü̃ca̱x i ñaa naane i ñu̱xmax nawa imaxẽxü̃ ñoma duü̃xü̃gü i to i nachixü̃anewa ne ĩxü̃rüxü̃! —ñanagürü.

Wiyaegü 44:3

Rü tama tümaarü poramaxã rü tümanegümaxã nixĩ ga tanayauxgüxü̃ ga ñaa naane. Natürü yema curü poragagu rü curü ngü̃xẽẽgagu nixĩ ga nawa tangugüxü̃ ga yema naane. Yerü cuma rü tüxü̃ cungechaü̃ rü tümamaxã cumecüma.

Wenaxarü naxümatü ga Tupanaarü mugü 11:31

Pemax rü marü pichoü̃chaü̃ i ngẽma natü i Yudáü̃ nax nagu pichocuxü̃ca̱x i ngẽma naane i perü Cori ya Tupana tá pexna ãxü̃. Rü ngẽxguma tá marü peyapuxgu rü nawa pemaxẽgu i ngẽma naane, ¡rü nagu pexĩ i guxü̃ma i ngẽma mugü rü ucu̱xẽgü i ñu̱xma pexna chaxãxü̃!

Ínachoxü̃xü̃chiga 3:8

Rü ngẽmaca̱x nixĩ i ñu̱xma ícharüxĩxü̃ nax Equítuanecüã̱xme̱xẽwa íchananguxü̃xẽẽxü̃ca̱x i ngẽma chorü duü̃xü̃gü. Rü ngẽma naane i nawa tá chanagagüxü̃, rü wüxi i naane i taxü̃ rü mexü̃ nixĩ. Rü ngéma rü meama narüxügü i naguxü̃raü̃xü̃ i nanetügü. Rü õna taguma nataxu. Rü ngẽma naanegu nixĩ i naxãchiü̃güxü̃ i Canaáü̃tanüxü̃ rü Itítanüxü̃, rü Amoréutanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Wenaxarü naxümatü ga Tupanaarü mugü 17:14

Rü ngẽxguma tá marü nagu pechocuxgu rü penapuxgu rü nawa pemaxẽgu i ngẽma naane i Cori ya perü Tupana tá pexna ãxü̃, rü ngürüãchi tá penaxwa̱xe nax pexü̃́ nangẽxmaxü̃ i wüxi i ãẽ̱xgacü i réi nax pemaxã inacuáxü̃ca̱x, naxrüxü̃ i ngẽma togü i nachixü̃anegü.

Naanearü ügüchiga 12:7

Rü yema nachicawa rü Cori ya Tupana rü Abráü̃ca̱x nango̱x. Rü ñanagürü nüxü̃: —Ñaa naane tá nixĩ i cutaagüna chaxãxü̃ —ñanagürü. Rü yexguma ga Abráü̃ rü yexma Tupanaégagu nanaxü ga wüxi ga ãmarearü guruxü̃ yerü yéma nixĩ ga naxca̱x nangóxü̃.

Wenaxarü naxümatü ga Tupanaarü mugü 34:4

Rü nüma ga Cori ya Tupana rü ñanagürü Moichéxü̃: —Ñaa nixĩ i ngẽma naane ga curü o̱xigü ga Abraáü̃, rü Ichaá, rü Acóbumaxã nüxü̃ chixuxü̃ rü tá nataagüna chaxãxü̃. Rü ngẽmaca̱x chanaxwa̱xe nax cuxetümaxãxü̃chi nüxü̃ cudauxü̃, rü woo i cuma rü taxũtáma nawa cungu —ñanagürü.

Iraétanüxü̃arü muxchiga 33:53

¡Rü penapu i ngẽma nachixü̃ane! ¡Rü ngẽxma nagu pexãchiü̃gü! Erü chomatama pexna chanaxã nax pema nawa pemaxẽxü̃ca̱x.

Yochué 21:42

Rü guxü̃nema ga guma ĩanegü rü wocachitaü̃maxã ínixüegugü.

Neemía 9:8

Rü cuma nüxü̃ cucua̱x nax wüxi ga yatü ga aixcüma cuxü̃́ yaxõxü̃ nax yixĩxü̃. Rü wüxi ga uneta namaxã cuxü nax nataagüna tá cunaxãxü̃ ga yema naane ga nawa nayexmagüxü̃ ga Canaáü̃tanüxü̃, rü Itítanüxü̃, rü Amoréutanüxü̃, rü Ferechéutanüxü̃, rü Yebuchéutanüxü̃, rü Guerguechéutanüxü̃. Rü cuyanguxẽxẽ ga yema curü uneta, erü cuma rü guxü̃guma cuyanguxẽxẽ i ngẽma nüxü̃ quixuxü̃.

Neemía 9:24

Rü nüma ga torü o̱xigü rü nagu nachocu ga yema Canaáü̃ane rü nanapugü. Rü nape̱xegu cunamaachitanüxẽxẽ ga yema duü̃xü̃gü ga yema naanegu ãchiü̃güxü̃. Rü yema norü ãẽ̱xgacügü rü wüxigu namaxã ga yema duü̃xü̃gü ga yema naanewa maxẽxü̃ rü torü o̱xigüme̱xẽwa cunayexmagüxẽxẽ nax nüma nanaxwa̱xegüxü̃ namaxã naxügüxü̃ca̱x.

Wenaxarü naxümatü ga Tupanaarü mugü 12:29

Rü ngẽxguma Cori ya Tupana nadaiãgu i ngẽma duü̃xü̃gütücumügü nawa i ngẽma naane i tá penapuxü̃, rü ngẽxguma nawa pemaxẽgu i pema, rü tá penaxwa̱xe nax pexuãẽgüxü̃ nax tama nagu pexĩxü̃ i ngẽma nacümagü i ngẽma duü̃xü̃gü i ñu̱xma ngẽma naanewa maxẽxü̃, rü bai i nüxü̃ picua̱xüü̃güxü̃ i norü tupananetagü.

Yochué 1:6

¡Rü cugü írüpora rü taxṹ i cugü cutaeguxü̃! Erü cuma tá nixĩ i nüxü̃ cuyanuxü̃ i norü naane i ñaa duü̃xü̃gü, yerü yema nixĩ ga perü o̱xigümaxã nüxü̃ chixuxü̃.

Ãẽ̱xgacügü ga guxchaxü̃güarü mexẽxẽruü̃gü 11:24

Rü ngẽxguma chi Quemó, ya curü tupana ta̱xacü cuxna ãxgu, rü chi cuxrü nixĩ rü cuxü̃́ nachu̱xu. ¿Tama ẽ̱xna aixcüma yixĩxü̃ i ngẽma? Rü ngẽxgumarüxü̃ ta nixĩ i toma nax toxrü yixĩxü̃ i ngẽma naane i torü Cori ya Tupana toxna ãxü̃.

1 Chamué 12:8

Rü yexguma Acóbu rü ñu̱xũchi natanüxü̃ Equítuanewa ngugügu, rü mucü ga taunecü yéma nayexmagügu ga guxema pexrü o̱xigü, rü nüma ga Equítuanecüã̱xgü rü chixri tümamaxã inacua̱x. Rü yemaca̱x Cori ya Tupanana nacagüe. Rü nüma ga Cori ya Tupana rü Moichéxü̃ rü ñu̱xũchi Aróü̃xü̃ yéma namugü nax Equítuanewa ínanguxü̃xẽẽãxü̃ca̱x ga yema pexrü o̱xigü. Rü ñaa nachicawa nanangugüxẽxẽ.

Norü taxre ga to ga popera ga ãẽ̱xgacügüchiga ümatüxü̃ 20:8

Rü yexguma marü nua ñaa nachicawa tamaxẽgu ga torü o̱xigü rü cuxca̱x tanaxü ga wüxi ga cupata ga taxü̃ne nax nawa cumaxã tidexagüxü̃ca̱x. Rü ñatagürügü:

Wiyaegü 105:8

Rü woo chi 1,000 i natücumü i tataagü ngupetügu, rü nüma ya Tupana rü tagutáma nüxü̃ inayarüngüma i norü uneta ga noxri Abraáü̃maxã nüxü̃ yaxuxü̃, rü nawena nane ga Ichaámaxã nüxü̃ yaxuxü̃, rü yemawena Acóbumaxã rü ta nüxü̃ yaxuxü̃ nax guxü̃gutáma nüxü̃ nangü̃xẽẽxü̃ i nataagü i Iraétanüxü̃.

Yeremía 32:23

Natürü yexguma torü o̱xigü ñaa naanewa ngugügu rü nayauxgüãgu, rü tama cuga naxĩnüe rü tama nagu naxĩ ga yema ucu̱xẽgü ga namaxã nüxü̃ quixuxü̃. Rü taxuxü̃ma naxügü ga yema namaxã nüxü̃ quixuxü̃. Rü ngẽmagagu toxca̱x ícunangu̱xẽxẽ i guxü̃ma i ngẽma guxchaxü̃gü i ñu̱xma nawa tangexmagüxü̃.