Yochué 21:4 - Tupanaarü Ore

⁴ Rü nanaxügü ga wüxi ga sortéu. Rü yema Lebítanüxü̃ ga Queáxtaagü nixĩ ga nüxíra sortéuãcü nayauxgüxü̃ ga norü ĩanegü. Rü yema Queáxtaagü rü chacherdóte ga Aróü̃tanüxü̃ nixĩgü. Rü nüxna nanaxã ga 13 ga ĩanegü. Rü guma ĩanegü rü Yudátanüxü̃arü naanewa, rü Chimeóü̃tanüxü̃arü naanewa, rü Bẽyamíü̃tanüxü̃arü naanewa nayexmagü.

Yochué 21:4 Referans Kwoze

Yochué 24:33

Rü yexguma nayu̱xgu ga Ereachá ga Aróü̃ nane rü ĩane ga Guibeá ga Efraíü̃anearü ma̱xpǘneanexü̃gu nayata̱xgü. Rü guma ĩane rü Ereachá nane ga Fineéxarü nixĩ.

Iraétanüxü̃arü muxchiga 3:27

Rü yema Amráü̃tanüxü̃, rü Ichátanüxü̃, rü Ebróü̃tanüxü̃, rü Uchiétanüxü̃, rü yemagü rü Queáxtanüxü̃ nixĩgü.

Yochué 21:3

Rü yexguma ga yema Iraétanüxü̃arü ãẽ̱xgacügü rü Lebítanüxü̃na nanaxãgü ga ĩanegü rü norü wocachitaü̃gü, yema Cori ya Tupana nüxü̃ ixuxü̃ãcü.

Yochué 21:5

Rü yema togü ga Queáxtanüxü̃na nanaxãgü ga 10 ya ĩanegü. Rü guma ĩanegü rü Efraíü̃tanüxü̃arü naanewa, rü Dáü̃tanüxü̃arü naanewa, rü yema ngãxü̃tücumü ga Manachétanüxü̃arü naanewa nayexmagü.

Ínachoxü̃xü̃chiga 6:16

Rü Lebí rü 137 ga taunecü namaxü̃. Rü ñaagü nixĩ ga naégagü ga nanegü ga yamaexü̃wa inaxügü rü bumaexü̃wa nangu: Rü Guerchóü̃, rü Queáx, rü Merarí nixĩgü.

Ínachoxü̃xü̃chiga 6:20

Rü Amráü̃ rü natücü ga Yocabémaxã naxãxma̱x. Rü ngĩma ga Yocabé rü namaxã ixãxacü ga Aróü̃, rü Moiché. Rü nüma ga Amráü̃ rü 137 ga taunecü nixĩ ga namaxü̃xü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:39

Rü yexguma nawiyaegügu rü Emáü̃arü tügünecüwagu nachi ga natanüxü̃ ga Achá. Rü Achá rü Berequía nane nixĩ, rü Berequía rü Chimá nane nixĩ,