Yochué 21:13 - Tupanaarü Ore

^13-16 Rü chacherdóte ga Aróü̃ nanegüna nanaxãgü ga Ebróü̃ namaxã ga norü wocachitaü̃gü. Rü guma ĩane rü cu̱xchicaruxü̃ nixĩ naxca̱x ga yema duü̃xü̃ ga toguexü̃ ima̱xcüraxü̃xü̃. Rü yexgumarüxü̃ ta yema Lebítanüxü̃na nanaxã ga ĩane ga Lixná namaxã ga norü wocachitaü̃gü, rü Yatíx namaxã ga norü wocachitaü̃gü, rü Etemóa namaxã ga norü wocachitaü̃gü, rü Oróü̃ namaxã ga norü wocachitaü̃gü, rü Debíx namaxã ga norü wocachitaü̃gü, rü Aíü̃ namaxã ga norü wocachitaü̃gü, rü Yutá namaxã ga norü wocachitaü̃gü, rü Bex-chemé namaxã ga norü wocachitaü̃gü. Rü guma 9 ga ĩanegü rü Yúdatanüxü̃anewa rü Chimeóü̃tanüxü̃anewa nayexmagü.

Yochué 21:13 Referans Kwoze

Yochué 15:42

Rü naigü ga ĩanegü ga yema doxonexü̃wa rü daagü nixĩ: Lixná, rü Étex, rü Acháü̃, rü Yíta, rü Achéna, rü Nechíx rü Queirá, rü Achíx, rü Marechá. Rü 9 ga ĩane nixĩ, rü naétü ga norü ĩanexacügü.

Yochué 20:7

Rü ñu̱xũchi ga nüma ga Iraétanüxü̃ rü nüxü̃ naxunetagü ga tomaepü̱x ga ĩanegü nax cu̱xchicaxü̃ruü̃gü yaxĩgüxü̃ca̱x: Rü wüxi nixĩ ga Quédex ga Gariréawa ga Netaríarü ma̱xpǘneanewa yexmane, rü nai nixĩ ga Chiquéü̃ ga Efraíü̃arü ma̱xpǘneanewa yexmane, rü nai nixĩ ga Quiriáx-abá ga Yudáarü ma̱xpǘneanewa yexmane. (Rü guma ĩane rü to ga naéga rü Ebróü̃ nixĩ.)

Yochué 10:29

Rü yéma inaxũãchi ga Yochué namaxã ga Iraétanüxü̃ rü ĩane ga Lixnáwa naxĩ rü naxca̱x ínayaxüãchi.

Ichaía 37:8

Rü nüma ga yema Achíriaanearü churaragüeru rü nüxü̃ nacuáchiga nax gumá norü ãẽ̱xgacü ga Chenáqueri rü marü ínaxũxũxü̃ ga ĩane ga Láquiwa. Rü yemaca̱x ga yema churaragüeru rü nataegu ga Yerucharéü̃wa. Rü nüxü̃ inayangau ga norü ãẽ̱xgacü ga Chenáqueri ga Lixnáca̱x íyagoõchixü̃.

Iraétanüxü̃arü muxchiga 35:6

Rü yima ĩanegü ya Lebítanüxü̃güna naxãgünetanüwa rü 6 ya ĩanegü tá nixĩ ya cu̱xchicaruü̃gü ixĩgüne nax ngẽmaãcü ngẽxma tayarücúxü̃ca̱x ya yíxema máetaxe. Rü naétü ya yimá 6 ya ĩanegü, rü nai ya 42 ya ĩanegü tá Lebítanüxü̃na naxãgü.

Yochué 21:12

Natürü guma ĩanexacügü rü norü naanegü ga Ebróü̃na ngaicamagüxü̃ rü tama yema Lebítanüxü̃na nanaxã, yerü marü Caréx ga Yeponé nanena nanaxãgü.

Norü taxre ga popera ga ãẽ̱xgacügüchiga 8:22

Natürü yixcaama ga Edóü̃cüã̱xgü rü nawa nangugüama nax nüxna ínachoxü̃xü̃ ga Yudáanecüã̱xgü nax nügümaxãtama inacua̱xgüxü̃ca̱x. Rü ñu̱xma rü ta rü ngẽmaãcütama nixĩ. Rü yexguma ta nixĩ ga ĩane ga Lixnácüã̱xgü rü ta ínanguxü̃xü̃ nüxna ga Yudáanecüã̱xgü.