Yochué 20:9 - Tupanaarü Ore

⁹ Rü gumagü nixĩ ga ĩanegü ga nüxü̃ naxunetagüne nax cu̱xchicaxü̃ruxü̃ yaxĩgüxü̃ca̱x naxca̱x ga guxü̃ma ga Iraétanüxü̃ rü yema duü̃xü̃gü ga to ga nachixü̃anecüã̱xgü ga yexma Iraétanüxü̃tanügu ãchiü̃güxü̃. Rü guma ĩanegü nixĩ ga mexü̃ne nax nagu yacúxü̃ ga yema toguxexü̃ ima̱xcüraxü̃xü̃, nax yemaacü tama yama̱xgüãxü̃ca̱x ga yema yuxü̃tanüxü̃ naxü̃pa nax duü̃xü̃güpe̱xewa nagagüãxü̃ nax nüxna nacagüxü̃ca̱x.

Yochué 20:9 Referans Kwoze

Iraétanüxü̃arü muxchiga 35:15

Rü yima 6 ya ĩanegü rü cu̱xchicaruü̃gü tá nixĩ naxca̱x i ngẽma Iraétanüxü̃, rü ñu̱xũchi ngẽma to i nachixü̃anecüã̱xgü i marü ñuxgumama petanügu ãxchiü̃güxü̃ rü ngẽma ngexwaca petanügu ãxchiü̃güxü̃. Rü ngẽxma tá nixĩ i yanacúxü̃ i ngẽma máetacüraxü̃xü̃.

Yochué 20:6

Rü yíxema ngẽxma rücúxe rü tanaxwa̱xe nax yima ĩane ya cu̱xchicaxü̃ruü̃wa tangexmaechaxü̃, rü taxuacüma ítaxũxũ nawa ya yima ĩane ñu̱xmatáta guxü̃ma i duü̃xü̃güpe̱xewa taxũ nax tüxna nacagüxü̃ca̱x. Rü ngéma tá tangexmaecha ñu̱xmatáta nayu̱x i ngẽma chacherdótegüarü ãẽ̱xgacü ixĩxü̃ ga yexguma yema tüxü̃ ngupetügu. Rü ngẽxgumaxica tátama nixĩ i namexü̃ nax ítaxũxũxü̃ rü naxca̱x tataeguxü̃ ya tümapata ya tümaarü ĩanewa ngẽxmane —ñanagürü ga Tupana.

Yochué 20:4

Rü yíxema nagu yarücúxe ya wüxi ya yima ĩanegü ya cu̱xchicaxü̃ruxü̃ ixĩgüne, rü ngẽxguma yima ĩanearü ĩã̱xwa tanguxgu, rü yima ĩanearü ãẽ̱xgacügümaxã tá tügü tixu. Rü ngẽxguma i nüma i ngẽma ãẽ̱xgacügü rü tá tüxü̃ nimucuchigü rü tá tüxna nanaxã i wüxi i tümachica i nagu tá taxãchiü̃xü̃.

Iraétanüxü̃arü muxchiga 35:13

Rü yima ĩanegü ya Tupana pexna naxãgünetanüwa rü 6 tá nixĩ ya cu̱xchicaruü̃gü ixĩgüne. Rü 3 tá nixĩ i Yudáü̃arü éstewa ngẽxmagüne, rü 3 tá nixĩ i Canaáü̃anewa ngẽxmagüne.

Yochué 20:8

Rü natü ga Yudáü̃arü tocutüwa ga metachinüxü̃ ga naxnücüane ga Yericúarü éstewaama rü nüxü̃ naxunetagü ga Béche ga Rubéü̃tanüxü̃arü naanewa yexmane. Rü Gáxtanüxü̃arü naanewa rü nüxü̃ naxuneta ga Ramóx ga Garaáxanewa yexmane. Rü Manachétanüxü̃arü naanewa rü nüxü̃ naxuneta ga Goráü̃ ga Bacháü̃anewa yexmane.