Yochué 20:7 - Tupanaarü Ore

⁷ Rü ñu̱xũchi ga nüma ga Iraétanüxü̃ rü nüxü̃ naxunetagü ga tomaepü̱x ga ĩanegü nax cu̱xchicaxü̃ruü̃gü yaxĩgüxü̃ca̱x: Rü wüxi nixĩ ga Quédex ga Gariréawa ga Netaríarü ma̱xpǘneanewa yexmane, rü nai nixĩ ga Chiquéü̃ ga Efraíü̃arü ma̱xpǘneanewa yexmane, rü nai nixĩ ga Quiriáx-abá ga Yudáarü ma̱xpǘneanewa yexmane. (Rü guma ĩane rü to ga naéga rü Ebróü̃ nixĩ.)

Yochué 20:7 Referans Kwoze

Yochué 21:11

Yema Yudátanüxü̃arü naane ga ínamáxpü̱xanexü̃wa nüxna nanaxã ga guma ĩane ga Quiriáx-abá guxü̃ma ga norü wocachitaü̃gümaxã. Rü guma ĩane nixĩ ga tachanexü̃ ga yatü ga Anáxtaagüarü ĩane ga taxü̃ne. (Rü Ebróü̃ nixĩ ga to ga naéga.)

Ore i mexü̃ ga Luca ümatüxü̃ 1:39

Rü yema ngunexü̃gügu rü María rü paxãma nawa ixũ ga guma ĩane ga Chacaríapata nawa yexmane ga Yudéaanearü máxpüxanexü̃wa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:76

Rü Netarítanüxü̃arü naanewa nüxna nanaxãgü ga ĩanegü ga Quédex ga Gariréaanewa yexmane, rü Amóü̃ rü Quiriataíü̃, guxü̃nema ga norü naxü̃nachitaxü̃gümaxã.

Yochué 21:32

Rü Netarítanüxü̃arü ĩanetanüwa rü tomaepü̱x ga ĩanegü nixĩ ga nüxna naxãgüne noxrütama wocachitaü̃gümaxãchigü. Rü guma ĩanegü rü daagü nixĩ: Quédex ga ĩane ga cu̱xchicaruxü̃ ixĩxü̃ne ga Gariréaanewa yexmane, rü ñu̱xũchi Amó-dox, rü Catáü̃.

Yochué 21:21

Rü Efraíü̃arü naanearü ma̱xpǘneanexü̃wa yexmagüne ga ĩanegüwa rü nüxna ne naxãgü ga ĩane ga Chiquéü̃ namaxã ga norü wocachitaü̃gü. Rü guma ĩane rü cu̱xchicaruxü̃ nixĩ naxca̱x ga yema togue tüxü̃ ima̱xcüraxü̃xü̃. Rü naigü ga ĩanegü ga nüxna naxãgüne rü daagü nixĩ: Guéche namaxã ga norü wocachitaü̃gü, rü Quixchaíü̃ namaxã ga norü wocachitaü̃gü, rü Bex-oróü̃ namaxã ga norü wocachitaü̃gü. Rü guxü̃wama rü 4 ga ĩanegü nixĩ ga nüxna naxãgüne norü wocachitaü̃maxãchigü.

Yochué 21:13

Rü chacherdóte ga Aróü̃ nanegüna nanaxãgü ga Ebróü̃ namaxã ga norü wocachitaü̃gü. Rü guma ĩane rü cu̱xchicaruxü̃ nixĩ naxca̱x ga yema duü̃xü̃ ga toguexü̃ ima̱xcüraxü̃xü̃. Rü yexgumarüxü̃ ta yema Lebítanüxü̃na nanaxã ga ĩane ga Lixná namaxã ga norü wocachitaü̃gü, rü Yatíx namaxã ga norü wocachitaü̃gü, rü Etemóa namaxã ga norü wocachitaü̃gü, rü Oróü̃ namaxã ga norü wocachitaü̃gü, rü Debíx namaxã ga norü wocachitaü̃gü, rü Aíü̃ namaxã ga norü wocachitaü̃gü, rü Yutá namaxã ga norü wocachitaü̃gü, rü Bex-chemé namaxã ga norü wocachitaü̃gü. Rü guma 9 ga ĩanegü rü Yúdatanüxü̃anewa rü Chimeóü̃tanüxü̃anewa nayexmagü.

Yochué 14:15

Rü yema nüxíraxü̃xü̃ ga naéga ga guma ma̱xpǘne ga Ebróü̃ rü Quiriáx-abá nixĩ; yerü nüma ga Abá rü Anáxtanüxü̃tanüwa itaégacüüxü̃ nixĩ. Rü yemawena rü marü tama nügü nadai ga yema naanewa.

Norü taxre ga to ga popera ga ãẽ̱xgacügüchiga ümatüxü̃ 10:1

Rü nüma ga Charomóü̃ nane ga Roboáü̃ rü ĩane ga Chiquéü̃wa naxũ yerü guxü̃ma ga Iraéanecüã̱xgü yéma naxĩ nax yéma ãẽ̱xgacüxü̃ yangucuchixẽẽgüãxü̃ca̱x.

Iraétanüxü̃arü muxchiga 35:6

Rü yima ĩanegü ya Lebítanüxü̃güna naxãgünetanüwa rü 6 ya ĩanegü tá nixĩ ya cu̱xchicaruü̃gü ixĩgüne nax ngẽmaãcü ngẽxma tayarücúxü̃ca̱x ya yíxema máetaxe. Rü naétü ya yimá 6 ya ĩanegü, rü nai ya 42 ya ĩanegü tá Lebítanüxü̃na naxãgü.

Wenaxarü naxümatü ga Tupanaarü mugü 4:41

Rü yexguma ga Moiché rü nüxü̃ naxuneta ga tomaepü̱x ga ĩanegü ga natü ga Yudáü̃arü éstewa yexmagüne nax yíxema máetacüraxü̃xe ngexnerüxüne ya yima ĩanegügu tayarücúxü̃ca̱x rü taxuxü̃ma tüxü̃ üpetüxü̃ca̱x.

Yochué 12:22

Quédexarü ãẽ̱xgacü, rü ĩane ga Yoxneáü̃ ga Carméruarü ma̱xpǘnewa yexmanearü ãẽ̱xgacü, rü

Yochué 20:8

Rü natü ga Yudáü̃arü tocutüwa ga metachinüxü̃ ga naxnücüane ga Yericúarü éstewaama rü nüxü̃ naxunetagü ga Béche ga Rubéü̃tanüxü̃arü naanewa yexmane. Rü Gáxtanüxü̃arü naanewa rü nüxü̃ naxuneta ga Ramóx ga Garaáxanewa yexmane. Rü Manachétanüxü̃arü naanewa rü nüxü̃ naxuneta ga Goráü̃ ga Bacháü̃anewa yexmane.

Yochué 15:13

Rü nüma ga Yochué rü Yudátanüxü̃arü naanewa nixĩ ga Caréx ga Yeponé nanena tanaxãxü̃ ga naane. Yerü yemaacü nixĩ ga Cori ya Tupana ga namuaxü̃. Rü guma ĩane ga nüxna naxãxü̃ne nixĩ ga Quiriáx-abá. Rü to ga naéga nixĩ ga Ebróü̃. Rü noxri guma nixĩ ga Anáxarü ĩane ga taxü̃ne ga nawa nayexmagüne ga nataagü.

Yochué 19:35

Rü ĩanegü ga ípoxegugüne ga nüxna ügünegütanüwa nayexma ga Chidíü̃, rü Chéx rü Amá rü Racáx rü Quinérex, rü Adamá, rü Ramá, rü Achóx, rü Quédex, rü Edréi, rü En-achóx, rü Iróü̃, rü Midáx-éx, rü Oréü̃, rü Bex-anáx, rü Bex-chemé. Rü guxü̃wama rü 19 ga ĩanegü nixĩ rü naétü ga norü ĩanexacügü.

Yochué 24:1

Rü nüma ga Yochué rü Chiquéü̃gu nanangutaque̱xexẽxẽ ga guxü̃ma ga duü̃xü̃gü ga Iraétanüxü̃, wüxigu namaxã ga yema natücumüchigüarü ãẽ̱xgacügü, rü ãẽ̱xgacügü ga guxchaxü̃arü mexẽẽruü̃gü, rü yema churaragüarü ãẽ̱xgacügü. Rü yéma Tupanape̱xewa ñanagürü: —Yimá tórü Tupana i yixema i Iraétanüxü̃ rü ñanagürü: “Nũxcüma ga nüma ga Téra rü nanegü ga Abraáü̃ rü Nacóx ga perü o̱xigü ixĩgücü, rü taxtü ga Eufrátecutügu naxãchiü̃gü. Rü yéma nixĩ ga tupananetagüxü̃ yacua̱xüü̃güxü̃.

Ãẽ̱xgacügü ga guxchaxü̃güarü mexẽxẽruü̃gü 9:1

Nüma ga Abimeréx ga Yedeóü̃ nane, rü Chiquéü̃wa naxũ nax norü mamatanüxü̃maxã yanadexaxü̃ca̱x rü ñanagürü nüxü̃:

Nüxíraxü̃xü̃ ga popera ga ãẽ̱xgacügüchiga 12:1

Rü nüma ga Charomóü̃ nane ga Roboáü̃ rü ĩane ga Chiquéü̃wa naxũ yerü guxü̃ma ga Iraéanecüã̱xgü yéma naxĩ nax yéma ãẽ̱xgacüxü̃ yangucuchixẽẽgüãxü̃ca̱x.