Yochué 20:1 - Tupanaarü Ore

^1-2 Tupana rü Yochuémaxã nidexa rü ñanagürü: —¡Namaxã idexa i Iraétanüxü̃ rü namaxã nüxü̃ ixu nax nüxü̃ naxunetagüxü̃ca̱x ya ĩanegü ya cu̱xchicaxü̃ruxü̃gü ixĩgüne, yema Moichémaxã nüxü̃ chixuxü̃rüxü̃!

Yochué 20:1 Referans Kwoze

Yochué 7:10

Rü nüma ga Cori ya Tupana rü Yochuéxü̃ nangãxü̃ rü ñanagürü: —¡Inachi! ¿Ta̱xacü ngéma cuxü i ñaxtüanegu cunangücuchixü̃?

Yochué 6:2

Natürü nüma ga Cori ya Tupana rü Yochuéxü̃ ñanagürü: —Choma rü marü cuxna chanaxã ya Yericú norü ãẽ̱xgacümaxã rü norü churaragümaxã.

Yochué 5:14

Rü nüma ga yema yatü ga yexma chíxü̃ rü Yochuéxü̃ nangãxü̃ rü ñanagürü: —Choma rü taxúetanüxü̃ chixĩ. Nua chaxũ nax Cori ya Tupanaarü churaragüeru chixĩxü̃ca̱x —ñanagürü. Rü yexguma ga nüma ga Yochué rü nape̱xegu waixü̃müanegu nayangücuchi. Rü nüxna naca rü ñanagürü: —Pa Corix, choma i curü duü̃xü̃ nax chixĩxü̃ ¿rü ta̱xacü nixĩ i chomaxã nüxü̃ quixuxchaü̃xü̃? —ñanagürü.

Ínachoxü̃xü̃chiga 21:13

Natürü ngẽxguma texé wüxíexü̃ ima̱xcüraxü̃gu rü woetama Tupana ngẽmaãcü tümamaxã nanaxuegu nax ngẽmaãcü tayuxü̃ca̱x, rü tá cumaxã nüxü̃ chixu nax ngextá tá yanacúxü̃ nax tama yama̱xgüãxü̃ca̱x.

Iraétanüxü̃arü muxchiga 35:10

—¡Iraétanüxü̃maxã nüxü̃ ixu i ñaa ore!: “Rü ngẽxguma natü i Yudáü̃ pichoü̃gu nax Canaáü̃anegu pechocuxü̃ca̱x, rü penaxwa̱xe nax ñuxre ya ĩanegüxü̃ tá pexunetaxü̃ cu̱xchicaruü̃gü nax ngẽmaãcü yima ĩanegügu tayarücúxü̃ca̱x ya yíxema máetacüraxü̃xe.

Yochué 19:51

Rü yema nixĩ ga yema naanegü ga nümagü ga chacherdóte ga Ereachá, rü Yochué, rü Iraétücumügüarü ãẽ̱xgacügü sortéuãcü Tupanape̱xewa nüxü̃ inuxü̃ ga yema Iraétücumügü. Rü Chilówa ga Tupanapataarü ücuwa nixĩ ga nüxü̃ yanuãxü̃ ga yema naanegü. Rü yemaacü nanaxügü ga yema naanearü nu.

Iraétanüxü̃arü muxchiga 35:9

Rü nüma ya Cori ya Tupana rü Moichéxü̃ ñanagürü:

Wenaxarü naxümatü ga Tupanaarü mugü 19:1

Rü ngẽxguma marü Tupana nadaixgu i ngẽma duü̃xü̃gü i ñu̱xma ngẽma naane ya Tupana pexna ãxchaü̃xü̃wa maxẽxü̃, rü pema tá nixĩ i nawa pemaxẽxü̃ ya yima ĩanegü rü napatagü i ngẽma duü̃xü̃gü.