Yochué 2:9 - Tupanaarü Ore

⁹ —Choma nüxü̃ chacua̱x rü Cori ya Tupana pexna nanaxã i ñaa naane, rü ngẽmaca̱x i toma rü poraãcü tamuü̃e. Rü ñu̱xma rü guxü̃ma i duü̃xü̃gü i daa ĩanecüã̱x rü poraãcü pexü̃ namuü̃e.

Yochué 2:9 Referans Kwoze

Ínachoxü̃xü̃chiga 23:27

Rü ngẽma nachixü̃anegü i nawa pechopetüetanüxü̃ rü choma rü tá muü̃ natanüwa íchanguxẽxẽ nax pexü̃ namuü̃exü̃ca̱x rü pexcha̱xwa yabuxmüxü̃ca̱x.

Wenaxarü naxümatü ga Tupanaarü mugü 2:25

Rü ñu̱xmawena rü tá muü̃ naxca̱x íchanguxẽxẽ i guxü̃ i nachixü̃anecüã̱x i ñoma i naanewa ngẽxmagüxü̃ nax pexü̃ namuü̃exü̃ca̱x. Rü ngẽxguma pechigaxü̃ naxĩnüegu rü muü̃maxã tá nidu̱xruxe rü tá poraãcü nanaxĩ̱xãchiãẽgü”, ñanagürü.

Ngu̱xẽẽtaeruü̃arü ore 8:12

Rü ngẽma duü̃xü̃ i chixexü̃ rü mue̱xpü̱xcüna chixexü̃ naxü rü woo mucüma ya taunecü namaxü̃gu, natürü nüxü̃ chacua̱x ya yíxema Tupanaxü̃ ngechaü̃xe rü ngẽma chixexü̃ üxü̃arü yexera mexü̃wa tá tangexma.

Wiyaegü 115:16

Rü Cori ya Tupanaarü nixĩ i daxũguxü̃ i naane, natürü duü̃xü̃güna nanaxã i ñoma i naane.

Wiyaegü 112:10

Rü ngẽma chixexü̃ ügüxü̃ rü nanue ega nüxü̃ nadaugügu. Rü norü numaxã nixü̃́xchapütagü. Natürü ngẽma norü ĩnü i ngẽma chixexü̃arü üruü̃gü rü tá nagu nayarüchixe.

Yox 19:25

Rü choma rü nüxü̃ chacua̱x rü yimá choxü̃ ípoxü̃cü rü namaxü̃. Rü nüma tá nixĩ i chauétüwa nachogüxü̃ i ñoma i naanewa.

Yochué 2:11

Rü yexguma yemaxü̃ tacua̱xgügu rü poraãcü tamuü̃e, rü taxúema tügü ítarüpora nax pemaxã tügü tadaixü̃ca̱x. Erü yimá Cori ya perü Tupana rü guxãétüwa nangẽxma i daxũguxü̃ i naanewa rü ñoma i naanewa.

Naanearü ügüchiga 35:5

Rü yexguma inaxĩãchigu ga Betéwa nax naxĩxü̃ca̱x, rü Tupana rü nanamuü̃xẽxẽ ga guxü̃ma ga yema ĩanegücüã̱x ga Chiquéü̃arü ngaicamana yexmagüxü̃ nax tama Acóbu nanegüwe nangegüxü̃ca̱x.

Ore i mexü̃ ga Matéu ümatüxü̃ 20:15

¿Tama ẽ̱xna name i ngẽma choma chanaxwa̱xexü̃ãcü ngĩmaxã nax chaxüxü̃ i chorü diẽru? ¿Rü ẽ̱xna quixãũxãchi erü ngẽmaãcü chamecüma?” ñanagürü.

Naúü̃ 2:10

Rü Nínibe rü tá nagu napogüe rü nataxutama i duü̃xü̃gü. Rü nachicaxicatama ínayaxü. Rü norü duü̃xü̃gü rü poraãcü tá namuü̃e. Rü tá nidu̱xruxparagü. Rü tá ningearü poraã̱x, rü tá nayacho̱xõchichametügü.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Norü taxre ga popera ga ãẽ̱xgacügüchiga 7:6

Rü yema ngupetüxü̃ nixĩ ga nüma ga Cori ya Tupana rü yema Chíriaarü churaragüxü̃ nüxü̃ naxĩnüxẽxẽ ga naga ga caru ga dairuü̃gü rü naga ga cowarugü rü naga ga muxũchixü̃ ga churaragü. Rü yemaca̱x nüma ga Chíriaarü churaragü nagu narüxĩnüe rü nüma ga Iraéanearü ãẽ̱xgacü rü Itítanüxü̃arü ãẽ̱xgacüarü ngü̃xẽẽca̱x ínacaxü̃ rü Equítuanearü ãẽ̱xgacüarü ngü̃xẽẽca̱x ínacaxü̃ nax yemamaxã naxca̱x íyaxü̃ãchixü̃ca̱x.

Norü taxre ga popera ga ãẽ̱xgacügüchiga 5:15

Rü yexguma ga nüma ga Naamáü̃ rü guxü̃ma ga yema namücügü rü Erichéuxü̃tawa naxĩ. Rü yexguma Erichéuxü̃tawa nangugügu, rü nüma ga Naamáü̃ rü ñanagürü nüxü̃: —Ñu̱xma waxi nixĩ i aixcüma chayaxõxü̃ rü guxü̃wama i ñoma i naanewa rü nataxuma i to ya Tupana, rü yimá Iraéanecüã̱xgüarü Tupanaxicatama nixĩ ya aixcüma Tupana ixĩcü. Rü ngẽmaca̱x cuxü̃ chachixewe nax choxü̃́ cunayaxuxü̃ i ñaa wüxi i ãmare i cuxna chaxãxchaü̃xü̃ —ñanagürü.

2 Chamué 17:10

Rü woo ngẽma curü churaragü i nügü írüporaexü̃ rü ñoma leóü̃ idüxraxü̃rüxü̃ ixĩgüxü̃ rü tá poraãcü nüxü̃ ínayamuü̃ãchitanü, erü guxü̃ma i Iraéanecüã̱xgü rü nüxü̃ nacua̱xgü rü cunatü rü norü churaragü rü nax naporaexüchixü̃.

Ãẽ̱xgacügü ga guxchaxü̃güarü mexẽxẽruü̃gü 7:14

Rü namücü rü nanangãxü̃ rü ñanagürü: —Ngẽma rü Yedeóü̃ ya Iraétanüxü̃ ya Yoá nanechiga nixĩ. Rü norü Cori ya Tupana rü tá nanaporaexẽxẽ i ngẽma Yedeóü̃arü churaragü nax tórü churaragüxü̃ naporamaegüxü̃ca̱x —ñanagürü.

Wenaxarü naxümatü ga Tupanaarü mugü 32:8

Rü wüxi ga ngunexü̃gu ga Cori ya Tupana ya Guxãétüwa Ngẽxmacü, rü nayatoye ga duü̃xü̃gü rü wüxitücumüchigüna nanaxã ga norü naane nax yéma nayexmagüxü̃ca̱x. Rü ñu̱xũchi nüxü̃ naxuneta ga norü naanegüarü üyeanegü. Natürü natanüwa ga yema togü ga natücumügü, rü nüma ga Cori ya Tupana rü noxrüxü̃ nüxü̃ naxuneta ga Iraétanüxü̃, yerü woetama norü duü̃xü̃gü nixĩgü ga yema Acóbutanüxü̃.

Wenaxarü naxümatü ga Tupanaarü mugü 28:10

Rü ngẽxguma i guxü̃ma i togü i nachixü̃anecüã̱xgü i ñoma i naanewa ngẽxmagüxü̃ rü tá nüxü̃ nadaugü nax pemax rü aixcüma Cori ya Tupanaarü duü̃xü̃gü pixĩgüxü̃, rü ngẽmaca̱x tá pexü̃ namuü̃e.

Wenaxarü naxümatü ga Tupanaarü mugü 11:25

Rü taxúetama texé pexü̃ ítayachaxãchigüxẽxẽ. Rü yimá Cori ya perü Tupanagagu rü tá pexü̃ namuü̃e i guxü̃ma i ngẽma duü̃xü̃gü i ngextá ípechopetüetanüxü̃wa, ngẽma nüma pemaxã nüxü̃ yaxuxü̃rüxü̃.

Ínachoxü̃xü̃chiga 18:11

Rü ñu̱xmax rü nüxü̃ chacua̱x nax nüma ya Cori ya Tupana rü guxü̃ma i tupananetagüétüwa nangẽxmaxü̃, yerü nüma ya Tupana rü Iraétanüxü̃xü̃ ínanguxü̃xẽxẽ naxme̱xwa ga yema duü̃xü̃gü ga nagu idaucüraxü̃güxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 11:31

Rü yema nge ga Yericúcüã̱x ga Raá rü woo noxri wüxi i ngexü̃ i naxü̃nemaxã taxexü̃ nax iyixĩxü̃, natürü Tupanaaxü̃́ iyaxõ. Rü yexguma yéma nangugügu ga yema taxre ga Iraétanüxü̃ ga bexma ngugütaewa yéma ĩxü̃, rü ngĩma iyixĩ ga nüxü̃ nangü̃xẽẽxü̃. Rü yemaca̱x tama iyu naxrüxü̃ ga yema togü ga Yericúcüã̱x ga tama Tupanaga ĩnüexü̃.

Iraétanüxü̃arü muxchiga 20:14

Rü Moiché rü Cadéwa inanamuãchitanü ga ñuxre ga duü̃xü̃gü nax Edóü̃anearü ãẽ̱xgacümaxã nüxü̃ yanaxugüexü̃ca̱x ga ore ga ñaxü̃: —Cuenexẽgü i Iraétanüxü̃ rü ñaa ore cuxca̱x nua namugü: “Cuma rü meama nüxü̃ cucua̱x i ngẽma guxchaxü̃gü i nawa tachopetüxü̃.

Iraétanüxü̃arü muxchiga 20:24

—Aróü̃ rü tá paxa nayu, rü ngẽmaca̱x taxũtáma nawa nangu i ngẽma naane i choma Iraétanüxü̃na chaxãxü̃, yerü yexguma natüxacü ga Meribáxü̃tawa peyexmagügu ga pema rü tama chauga pexĩnüe.

Yochué 2:8

Rü naxü̃pa ga nax napeexü̃ ga yema ngugütaeruü̃gü, rü ngĩma ga Raá rü nawe daxũ ixĩ, rü ngĩgürügü nüxü̃:

Yochué 2:24

Rü ñanagürügü: —Nüma ya Cori ya Tupana rü marü tüxna nanaxã i guxü̃ma i ngẽma naane. Rü ngẽmaca̱x i guxü̃ma i ngẽma nachixü̃anecüã̱x i duü̃xü̃gü rü poraãcü tüxü̃ namuü̃e —ñanagürügü.

Yochué 9:9

Rü nümagü rü Yochuéxü̃ nangãxü̃gü rü ñanagürügü: —Yáxü̃wa ne taxĩ, erü nachigaxü̃ taxĩnüe ya Cori ya perü Tupana. Rü nüxü̃ tacuáchiga ga yema Equítuanewa naxüxü̃, rü ñuxãcü natü i Yudáü̃arü tocutüwa pexü̃ nangü̃xẽẽxü̃ nax penada̱i̱xü̃ca̱x ga yema taxre ga ãẽ̱xgacü ga Amoréutanüxü̃arü ga Chióü̃ ga Ebóü̃wa ãẽ̱xgacü ixĩcü, rü Óx ga Bacháü̃wa ãẽ̱xgacü ixĩcü ga Atarúgu maxü̃cü.

Yochué 9:24

Rü nümagü rü Yochuéxü̃ nangãxü̃gü rü ñanagürügü: —Rü ngẽmaãcü pemaxã nüxü̃ tixu erü poraãcü pexü̃ tamuü̃e erü nagu tarüxĩnüe nax toxü̃ pedaixü̃. Yerü nüxü̃ tacuáchigagü ya yimá perü Cori ya Tupana rü norü duü̃ ga Moichéxü̃ namu nax pexna naxããxü̃ i guxü̃ma i ñaa naane rü nadaiaxü̃ i guxü̃ma i duü̃xü̃gü i ñaa naanegu ãchiü̃güxü̃.

Ichaía 23:5

Rü ngẽxguma ngẽma Equítuanecüã̱xgü nüxü̃ cuáxchigagügu i ngẽma Tíruarü türemaxã ngupetüxü̃ rü poraãcü nangechaxü̃gü rü nüxü̃́ nangu̱x.

Yochué 5:1

Rü guxü̃ma ga norü ãẽ̱xgacügü ga Amoréugü ga natü ga Yudáü̃cutüarü éstewaama yexmagüxü̃, rü norü ãẽ̱xgacügü ga Cananéugü ga Már ga Mediteráneuarü ngaicamana yexmagüxü̃ rü nüxü̃ nacuáchigagü ga Cori ya Tupana rü nayapayetamaxẽẽãxü̃ ga natü ga Yudáü̃ nax yachoü̃xü̃ca̱x ga Iraétanüxü̃. Rü nümagü ga yema ãẽ̱xgacügü rü poraãcü namuü̃e ga yemaxü̃ nacuáchigagügu, rü yemaca̱x tama Iraétanüxü̃maxã nügü nadaixchaü̃.

Yochué 6:2

Natürü nüma ga Cori ya Tupana rü Yochuéxü̃ ñanagürü: —Choma rü marü cuxna chanaxã ya Yericú norü ãẽ̱xgacümaxã rü norü churaragümaxã.

Neemía 6:16

Rü torü uanügü rü guxü̃ma ga yema togü ga nachixü̃anecüã̱x ga torü ngaicamana yexmagüxü̃ rü nüxü̃ nacuáchigagü ga marü nax yanguxü̃ ga guma ĩanearü poxeguxü̃tápü̱x. Rü yemaca̱x ga nümagü rü poraãcü namuü̃e rü nixãneãchitanü yerü nüxü̃ nicua̱xãchitanü ga yema puracü ga taxüxü̃ rü Tupanaarü ngü̃xẽẽmaxã nax yanguxü̃.

Ester 8:17

Rü guxü̃ma ga Achuéruchixü̃anegüwa rü ĩanegüwa ga ngextá ínanguxü̃wa ga yema mu ga ãẽ̱xgacü unagüxü̃, rü nüma ga Yudíugü rü poraãcü nataãẽgü, rü nanaxüchigagü ga yema ngunexü̃. Rü muxü̃ma ga yema togü ga duü̃xü̃gü rü nügü nixugüe nax Yudíugü yixĩgüxü̃, yerü poraãcü yema Yudíugüxü̃ namuü̃e.