Yochué 2:6 - Tupanaarü Ore

⁶ Natürü ga ngĩma rü dauxnagu inaxĩgüxẽxẽ ga yema taxre, rü yexma pagüxü̃ ga línuchitüxü̃gu iyacu̱xgü.

Yochué 2:6 Referans Kwoze

Popera ga Chantiágu ümatüxü̃ 2:25

Rü yemaacü ta ngĩmaxã nangupetü ga Raá ga ngexü̃ ga naxü̃nemaxã taxexü̃. Rü Tupana ngĩxü̃ nixu nax mexü̃ naxüxü̃ ga yexguma ngĩpatawa nayauxgüãgu ga yema orearü ngeruü̃gü, rü ñu̱xũchi to ga namagu iyamugü naxcha̱xwa ga norü uanügü.

Popera ga Yudíugü ga yaxõgüxü̃ca̱x ümatüxü̃ 11:23

Rü yexguma noxri naxíragu ga Moiché rü nanatü rü naé rü tümaarü õgagu tomaepü̱x ga tauemacü itayacu̱xgü, yerü nüxü̃ tadaugü nax namexẽchixü̃ rü tama naxca̱x tamuü̃e ga yema Equítuanearü ãẽ̱xgacüarü mugü nax buxe tüxü̃ nada̱i̱xü̃.

Colosenses 3:3

Yerü yema nũxcümaü̃xü̃ ga perü maxü̃ rü marü nayu. Rü ñu̱xma rü Cristugagu Tupana pexna nanaxã i maxü̃ i ngexwaca̱xü̃xü̃.

2 Chamué 17:19

Rü yemawena ga gumá yatü naxma̱x rü yexma puchugu tanangataü̃. Rü ñu̱xũchi naétügu trigu i marü mete̱xexü̃ yexma tigüüchi. Rü yemaacü taxúema nüxü̃ tacua̱x nax yéma nayexmagüxü̃.

Ore i mexü̃ ga Matéu ümatüxü̃ 24:17

Rü ngẽma ngunexü̃gu ega texé tümapataétüwa ngẽxmagu, rü tama name i tümapatagu tayangaxi nax tümaarü ngẽmaxü̃ tayayaxuxü̃ca̱x.

Yeremía 36:26

Rü nüma ga ãẽ̱xgacü rü nanamu ga nane ga Yerameé, rü Arié nane ga Cheraía, rü Adeé nane ga Cheremía, nax Yeremíaxü̃ yayauxgüxü̃ca̱x wüxigu namaxã ga Barúx ga norü poperaarü ümatüruxü̃. Natürü nüma ga Cori ya Tupana rü inayacu̱xgü.

Norü taxre ga popera ga ãẽ̱xgacügüchiga 11:2

Natürü ga Yochebá ga ãẽ̱xgacü ga Yoráü̃acü ga Ocochíaeya̱x rü wüxi ga ucapugu Ataríacha̱xwa iyacu̱x ga Yoá ga Ocochía nane ngĩmaxã ga norü dauruxü̃. Rü yemaacü tama nayama̱xgü.

Nüxíraxü̃xü̃ ga popera ga ãẽ̱xgacügüchiga 18:13

¿Ẽ̱xna tama cumaxã nüxü̃ nixugü ga yema chaxüxü̃ ga yexguma ãẽ̱xgacü naxma̱x ga Yechabé nadaixgux ga yema Cori ya Tupanaarü orearü uruü̃gü? Rü choma ichayacu̱xgü ga 100 ga Tupanaarü orearü uruü̃gü. Rü 50 ga yemagü rü wüxi ga ãxmaxü̃gu chanamucu rü ñu̱xũchi yema to ga 50 rü to ga ãxmaxü̃gu chanamucu. Rü yemawena rü chayaxügüwemü.

Nüxíraxü̃xü̃ ga popera ga ãẽ̱xgacügüchiga 18:4

Rü nüma ga Adía nixĩ ga naétüwa nachogüxü̃ ga 100 ga Tupanaarü orearü uruü̃gü ga yexguma Acáx naxma̱x ga Yechabé nadaixchaü̃gu. Rü nüma ga Adía rü taxretücumü ga 50 gu nayatoye rü ñu̱xũchi taxre ga ãxmaxü̃gu nayacu̱xgü rü yéma nayaxüwemüaxü̃.

2 Chamué 11:2

Rü wüxi ga yáuanecü ga yexguma pewa ínadaxgu ga Dabí, rü guma napataarü doxétüxü̃gu naxĩnagü rü yexma ínixũãchixü̃. Rü yexguma guma ĩaneétü ínadawenügu, rü ngĩxü̃ nadau ga wüxi ga nge ga mexẽchicü ga yéma aiyacü.

Yochué 2:8

Rü naxü̃pa ga nax napeexü̃ ga yema ngugütaeruü̃gü, rü ngĩma ga Raá rü nawe daxũ ixĩ, rü ngĩgürügü nüxü̃:

Wenaxarü naxümatü ga Tupanaarü mugü 22:8

Rü ngẽxguma texé ngexwacaxü̃ne ya tümapata taxü̱xgu rü name nax ítanapoxeguxü̃ i naétüwa ya tümapata nax ngẽmaãcü taxúema ngéma rünguxü̃ca̱x rü ngẽmaãcü tama yatümaguãchixü̃ca̱x ega ngürüãchi texé ngéma rünguxgu rü tayu̱xgu.

Ínachoxü̃xü̃chiga 2:2

Rü ngĩma ga yema ngecü rü nüxü̃́ ixãxacü, rü guxema ngĩxacü rü tayatü. Rü yexguma tüxü̃ nada̱u̱xgu ga guxema ngĩne ga nax tamexẽchixü̃, rü tomaepü̱x ga tauemacü tüxü̃ iyacu̱x.

Yochué 2:5

Rü marü noxri nachütagu nawoegu, erü ngẽma oragu nixĩ i nawãxtaxü̃ ya daa ĩanearü poxeguxü̃arü ĩã̱x, rü tama nüxü̃ chacua̱x i ngextá nax naxĩxü̃. Natürü ngẽxguma chi ñu̱xmatama nawe pengẽgügu rü chi nüxü̃ peyangaugü —ngĩgürügü.

Yochué 2:7

Rü guma ĩanearü ãẽ̱xgacüarü churaragü rü yema taxre ga ngugütaeruü̃ca̱x nadaugü nagu ga yema nama ga natü ga Yudáü̃ ínuxtamaxü̃wa nadaxü̃. Rü yexguma yema churaragü íchoxü̃guwenatama, rü nanawãxtagü ga norü ĩã̱x ga guma ĩanearü poxeguxü̃.

Yochué 6:25

Natürü nüma ga Yochué rü tama ngĩxü̃ nima̱x ga Raá, rü ñu̱xũchi ngĩtanüxü̃ rü tama nanadai, yerü ngĩma nixĩ ga iyacu̱xgüãxü̃ ga yema Iraétanüxü̃ ga Yochué Yericúwa mugüxü̃ nax ngugütaewa naxĩxü̃ca̱x. Rü yexgumaü̃cüxü nixĩ ga yema ngĩtanüxü̃ ga Raá rü Iraétanüxü̃tanüwa namaxẽxü̃.