Yochué 2:4 - Tupanaarü Ore

⁴ Natürü ga ngĩma rü inangãxü̃ rü ngĩgürügü: —Aixcüma nixĩ i taxre i yatü i chauxü̃tawa nangugüxü̃, natürü tama nüxü̃ chacua̱x i ngextácüã̱x yixĩgüxü̃.

Yochué 2:4 Referans Kwoze

Norü taxre ga popera ga ãẽ̱xgacügüchiga 6:19

Rü yexguma ga Erichéu rü ínaxũxũ ga napatawa rü yema Chíriaanearü churaragüxü̃ ñanagürü: —Pa Churaragüx, rü ípetüe rü tama daa nixĩ ya yima ĩane ya naxca̱x pedauxü̃ne. Rü ẽcü ¡nua chowe perüxĩ! Rü tá naxü̃tawa pexü̃ chagagü i ngẽma yatü i naxca̱x pedauxü̃ —ñanagürü. Rü ĩane ga Chamáriawa nanagagü.

Ínachoxü̃xü̃chiga 1:19

Rü yexguma ga ngĩmagü rü inangãxü̃ rü ngĩgürügügü: —Erü ngẽma Iraétanüxü̃ i ngexü̃gü rü tama Equítuanecüã̱x i ngexü̃gürüxü̃ nixĩgü. Rü ngexü̃gü i paxãma íxraxacügüxü̃ nixĩgü, rü taxũta ngéma ngĩxü̃tawa tangugügu rü marü ixíraxacügü —ngĩgürügügü.

Popera ga Chantiágu ümatüxü̃ 2:25

Rü yemaacü ta ngĩmaxã nangupetü ga Raá ga ngexü̃ ga naxü̃nemaxã taxexü̃. Rü Tupana ngĩxü̃ nixu nax mexü̃ naxüxü̃ ga yexguma ngĩpatawa nayauxgüãgu ga yema orearü ngeruü̃gü, rü ñu̱xũchi to ga namagu iyamugü naxcha̱xwa ga norü uanügü.

Yochué 2:3

Rü yemaca̱x ga gumá ãẽ̱xgacü rü yema nge ga Raáxü̃tawa namuga rü ñanagürü: —¡Ínamuxü̃ i ngẽma yatügü i cuxü̃tawa ngugüxü̃ erü ngẽma rü ngugütaewa nua naxĩ! —ñanagürü.

Yochué 2:5

Rü marü noxri nachütagu nawoegu, erü ngẽma oragu nixĩ i nawãxtaxü̃ ya daa ĩanearü poxeguxü̃arü ĩã̱x, rü tama nüxü̃ chacua̱x i ngextá nax naxĩxü̃. Natürü ngẽxguma chi ñu̱xmatama nawe pengẽgügu rü chi nüxü̃ peyangaugü —ngĩgürügü.

Yochué 6:17

Rü tá peyanaxoxẽxẽ i daa ĩane namaxã i guxü̃ma i ta̱xacü i nawa ngẽxmaxü̃, erü ngẽmaãcü nixĩ i Cori ya Tupana nüxü̃ ixuxü̃. Rü ngẽma Raá i naxü̃nemaxã taxexü̃xica tátama iyixĩ i taxũtáma ngĩxü̃ pima̱xcü rü woo i ngẽma duü̃xü̃gü i ngĩpatawa ngẽxmagüxü̃. Yerü ngĩma nixĩ ga iyacu̱xgüãxü̃ ga yema taxre ga yatügü ga ngugütaewa yéma imugüxü̃.

Yochué 6:25

Natürü nüma ga Yochué rü tama ngĩxü̃ nima̱x ga Raá, rü ñu̱xũchi ngĩtanüxü̃ rü tama nanadai, yerü ngĩma nixĩ ga iyacu̱xgüãxü̃ ga yema Iraétanüxü̃ ga Yochué Yericúwa mugüxü̃ nax ngugütaewa naxĩxü̃ca̱x. Rü yexgumaü̃cüxü nixĩ ga yema ngĩtanüxü̃ ga Raá rü Iraétanüxü̃tanüwa namaxẽxü̃.