Yochué 2:22 - Tupanaarü Ore

²² Rü yema taxre ga ngugütaeruü̃gü rü ínama̱xpǘneanexü̃wa naxĩ rü tomaepü̱x ga ngunexü̃ yexma narücu̱xgü. Rü yoxni ga churaragü rü guxü̃anegu naxca̱x nadaugü rü taxuguma nüxü̃ nayangaugü, rü düxwa Yericúarü ĩaneca̱x nawoegumare.

Yochué 2:22 Referans Kwoze

2 Chamué 17:20

Rü yexguma yéma nangugügu ga Acharóü̃arü duü̃xü̃gü, rü yema ngecüna nacagü rü ñanagürügü: —¿Ngextá i nangẽxmagüxü̃ i Aimaá rü Yonatáü̃? —ñanagürügü. Rü ngĩma rü inangãxü̃ rü ngĩgürügü: —Nua nixĩ i nachopetüxü̃, rü natüwaama nixĩ i naxĩxü̃ —ngĩgürügü. Rü yexguma ga Acharóü̃arü duü̃xü̃gü rü naxca̱x nadaugü, natürü tama nüxü̃ inayangau. Rü yemaca̱x Yerucharéü̃ca̱x nawoegu.

Yochué 2:21

Rü ngĩma rü inangãxü̃, rü: —Marü name —ngĩgürügü. Rü yexguma ga ngĩma rü nüxü̃ irümoxẽ, rü nümagü rü ngĩxna nawoegu. Rü yemawena rü yema beü̃tánawa iyana̱i̱x ga napana̱xã ga daunütaxü̃.

Yochué 2:23

Rü yexguma ga nüma ga yema taxre ga ngugütaeruü̃gü rü ma̱xpǘneanewa narüchoü̃ rü natü ga Yudáü̃arü tocutüwa naxĩ ga Yochué íyexmaxü̃wa. Rü namaxã nüxü̃ nixugüe ga guxü̃ma ga nüxü̃ ngupetüxü̃.