Yochué 2:12 - Tupanaarü Ore

¹² Rü ngẽmaca̱x pexna chaca rü ñu̱xmatama chanaxwa̱xe i Tupanaégagu chomaxã nüxü̃ pixu rü mea tá namaxã pechopetü i chautanüxü̃, ngẽxgumarüxü̃ i choma nax meama pexü̃ chayaxuxü̃rüxü̃. ¡Rü choxna penaxã i wüxi i cua̱xruxü̃ nax ngẽmawa nüxü̃ chacuáxü̃ca̱x nax aixcümaxü̃ chomaxã pixuxü̃!

Yochué 2:12 Referans Kwoze

Yochué 2:18

Natürü ngẽxguma marü ñaa naanegu tachocu̱xgu, rü ñaa beü̃tána ga nawa toxü̃ ícurüchü̱xegüxü̃wa tá cunatunütaxẽxẽ i ñaa napana̱xã i daunütaxü̃. Rü daa cupatagu tá tüxü̃ cunutaque̱xe ya cunatü rü cué rü cuenexẽgü rü guxãma ya cunatütanüxü̃.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:8

Erü yíxema tama mea nüxna dauxe ya tümanatü rü tümaé rü tümatanüxü̃ rü tama aixcüma Tupanaaxü̃́ tayaxõ. Rü wüxi i tama yaxõxü̃arü yexera chixexü̃ tixĩ.

Romanos 1:31

Rü tama inarüxĩnüechaü̃. Rü tama aixcüma nayanguxẽxẽ i ngẽma nüxü̃ yaxugüxü̃. Rü taxúexü̃ma nangechaü̃gü. Rü tama toguã̱x nüxü̃́ tangechaü̃tümüü̃gü.

Ore i mexü̃ ga Márcu ümatüxü̃ 14:44

Rü Yúda ga ínaxuaxü̃xü̃ rü marü yema duü̃xü̃gümaxã nanamexẽxẽ, rü ñanagürü: —Ngẽma nüxü̃ chachúxuxü̃ nixĩ ya Ngechuchu. Rü ngẽma tá nixĩ i piyauxgüxü̃ rü mea peyanáiãcüma peyagagüxü̃ —ñanagürü.

Yeremía 12:16

Rü aixcüma nixĩ ga nümagü ga noxri chorü duü̃xü̃güxü̃ nangúexẽẽxü̃ nax Baáxégagu inaxunetagüxü̃ca̱x. Natürü i ñu̱xma rü chorü duü̃xü̃gütanüwa tá chanangexmagüxẽxẽ i ngẽma duü̃xü̃gü ega aixcüma yaxõgüãgu i chorü ore i chorü duü̃xü̃gütanüwa ngẽxmaxü̃ rü aixcüma chauégagu inaxunetagügu rü ñagügu: “Tupana ya Maxü̃cüégagu cumaxã nüxü̃ chixu”, ñagügu.

Ester 8:6

Rü ngẽmaca̱x taxucürüwa yáxna namaxã chaxĩnü i ngẽma chixexü̃ i chautanüxü̃maxã naxueguxü̃ nax nadaixchaü̃ãxü̃ —ngĩgürügü.

Norü taxre ga to ga popera ga ãẽ̱xgacügüchiga ümatüxü̃ 36:13

Rü naétü tama nayanguxẽxẽ ga norü uneta ga Tupanaégagu Babiróniaanearü ãẽ̱xgacü ga Nabucudonochómaxã nüxü̃ yaxuxü̃ nax nüxü̃ tá nangü̃xẽẽxü̃. Rü nüma ga Chedequía rü poraãcü nügü nanuxẽxẽ nax tama Cori ya Iraétanüxü̃arü Tupanaga naxĩnüxü̃ca̱x.

1 Chamué 30:15

Rü yexguma ga Dabí rü nüxna naca rü ñanagürü: —¿Cunaxwa̱xexü̃ nax ngẽma ngĩ́ta̱xa̱xgüxü̃ íngẽxmagüxü̃wa choxü̃ cugaxü̃? —ñanagürü. Rü yexguma ga nüma ga Equítuanecüã̱x rü Dabíxü̃ nangãxü̃ rü ñanagürü: —Ngẽxguma Tupanaégagu chomaxã nüxü̃ quixuxgu nax taxũtáma choxü̃ quimáxü̃, rü taxũtáma nüxna choxü̃ cumuxü̃ i chorü cori, rü ngẽma ínangexmagüxü̃wa tá cumaxã chaxũ —ñanagürü.

Yochué 9:15

Rü yexguma ga Yochué rü yema Gabaóü̃cüã̱xmaxã mexü̃ ga ĩnüwa nangu, rü namaxã nüxü̃ nixu nax taxũtáma nadaiaxü̃. Rü yema togü ga Iraétanüxü̃arü ãẽ̱xgacügü rü Tupanaégagu Yochuérüü̃tama mexü̃gu yema Gabaóü̃cüã̱xmaxã narüxĩnüe.

Yochué 2:13

Rü chanaxwa̱xe i guxü̃ma i tümaarü ngẽmaxü̃gümaxã tüxü̃ pengechaü̃ ya chorü papa, rü chorü mama, rü chauenexẽgü, rü chaueya̱xgü. ¡Rü taxṹ i toxü̃ pedaixü̃! —ngĩgürügü.

Ínachoxü̃xü̃chiga 12:13

Rü yimá nagü rü wüxi i cua̱xruxü̃ tá nixĩ nawa ya yima pepata i nawa pengẽxmagüxü̃. Rü ngẽxguma nüxü̃ chada̱u̱xgu ya yimá nagü i perü ĩã̱xwa, rü tá nüxü̃ chaxüpetümare rü petanüwa rü taxúetama tayu i ngẽxguma yumaxã chanapoxcuegu i ngẽma Equítuanecüã̱x i duü̃xü̃gü.

Naanearü ügüchiga 24:9

Rü yexguma ga gumá norü duü̃ rü norü cori ga Abraáü̃perematüü̃gu naxǘxme̱x, rü namaxã nüxü̃ nixu rü tá nax yangu̱xẽẽãxü̃ ga yema namuaxü̃.

Naanearü ügüchiga 21:23

¡Rü ngẽmaca̱x, nua Tupanape̱xewa chomaxã naxuegu nax tagutáma ta̱xacürü chixexü̃ chomaxã, rü chaunegümaxã, rü chautaagümaxã cuxüxü̃. Rü ngẽxgumarüxü̃ ta chomaxã naxuegu nax guxü̃gutáma mea chomaxã quixĩxü̃ ga yema choma nax cumaxã chamecümaxü̃rüxü̃! Rü ngẽxgumarüxü̃ ta chanaxwa̱xe nax namaxã cumecümaxü̃ i ñaa duü̃xü̃gü i ñaa nachixü̃ane i nawa cuyamaxü̃xü̃wa maxẽxü̃ —ñanagürü ga Abimeréx.

Naanearü ügüchiga 40:14

Rü ngẽxguma ngẽmaãcü tá yanguxgu rü chanaxwa̱xe i cuxü̃́ changechaü̃tümüxü̃. ¡Rü choxna nacua̱xãchi, rü Faraóü̃maxã choxü̃ ixu nax choxü̃ ínamuxũchixü̃ca̱x i nua!

Yochué 2:19

Natürü ngẽxguma chi ngexerüxüxe cuchiü̃wa íxũxũ̱xgu rü tümagagutátama nixĩ ega tayu̱xgux, rü marü taxũtáma togagu nixĩ. Natürü ngẽxguma chi ngexerüxüxe cuchiü̃wa ngẽxmaxexü̃ yama̱xgügu, rü ngẽxguma rü tá togagu nixĩ.

Yochué 6:22

Rü nüma ga Yochué rü yema taxre ga ngugütaewa ĩxü̃maxã nüxü̃ nixu rü ñanagürü: —¡Ẽcü ngĩpatawa pexĩ i ngẽma nge i Raá i naxü̃nemaxã taxexü̃ rü guxü̃ma i ngĩtanüxü̃maxã nua ngĩxü̃ pega, yema ngĩmaxã ipexunetaxü̃rüxü̃! —ñanagürü.

Ãẽ̱xgacügü ga guxchaxü̃güarü mexẽxẽruü̃gü 1:24

Rü yexguma yema ngugütaeruü̃gü nüxü̃ daugügu ga wüxi ga yatü ga guma ĩanewa ixũxũxü̃ rü ñanagürügü nüxü̃: —Ngẽxguma tá tomaxã nüxü̃ quixuxgu nax ñuxãcü tichoxcuxü̃ nawa ya daa ĩane rü toma rü taxũtáma cuxü̃ tima̱x —ñanagürügü.