Yochué 2:1 - Tupanaarü Ore

¹ Rü yexguma Chitíü̃wa nayexmagügu, rü nüma ga Yochué rü bexma inanamuãchitanü ga taxre ga ngugütaeruü̃gü, rü ñanagürü nüxü̃: —¡Ẽcü peyangugü i ngẽma naane i Yudáü̃arü tocutüwa ngẽxmaxü̃ rü ñu̱xmata yima ĩane ya Yericúwa pengugü! —ñanagürü. Rü nüma ga yema taxre rü inaxĩãchi, rü ngĩpatawa nangugü ga wüxi ga nge ga naxü̃nemaxã taxexü̃ ga Yericúgu ãpatacü. Rü Raá nixĩ ga ngĩéga. Rü ngĩma rü ngĩpatagu inapegüxẽxẽ ga yema chütaxü̃.

Yochué 2:1 Referans Kwoze

Popera ga Yudíugü ga yaxõgüxü̃ca̱x ümatüxü̃ 11:31

Rü yema nge ga Yericúcüã̱x ga Raá rü woo noxri wüxi i ngexü̃ i naxü̃nemaxã taxexü̃ nax iyixĩxü̃, natürü Tupanaaxü̃́ iyaxõ. Rü yexguma yéma nangugügu ga yema taxre ga Iraétanüxü̃ ga bexma ngugütaewa yéma ĩxü̃, rü ngĩma iyixĩ ga nüxü̃ nangü̃xẽẽxü̃. Rü yemaca̱x tama iyu naxrüxü̃ ga yema togü ga Yericúcüã̱x ga tama Tupanaga ĩnüexü̃.

Popera ga Chantiágu ümatüxü̃ 2:25

Rü yemaacü ta ngĩmaxã nangupetü ga Raá ga ngexü̃ ga naxü̃nemaxã taxexü̃. Rü Tupana ngĩxü̃ nixu nax mexü̃ naxüxü̃ ga yexguma ngĩpatawa nayauxgüãgu ga yema orearü ngeruü̃gü, rü ñu̱xũchi to ga namagu iyamugü naxcha̱xwa ga norü uanügü.

Ore i mexü̃ ga Matéu ümatüxü̃ 1:5

Rü Charmóü̃ rü Boónatü nixĩ. Rü Raá iyixĩ ga naé. Rü Boó rü Obéxnatü nixĩ, rü naé rü Rux iyixĩ. Rü Obéx rü Ichaxínatü nixĩ.

Iraétanüxü̃arü muxchiga 25:1

Rü yexguma Chitíü̃gu naxãchiü̃gügu ga Iraétanüxü̃, rü yema norü yatügü rü inanaxügüe ga Moáanecüã̱xgüarü ngexü̃gümaxã nax namaxẽxü̃.

Efesios 5:5

Rü aixcüma pemaxã nüxü̃ chixu rü ngẽxguma texé nai i ngexü̃maxã rü ẽ̱xna nai ya yatümaxã tamaxü̃gu, rüẽ̱xna ta̱xacürü ãũãchixü̃ Tupanape̱xewa taxü̱xgu, rü ẽ̱xna taxaügu (rü yíxema ngẽma nacüma tüxü̃́ ngẽxmaxe rü düxwa namaxã tatupanaã̱x) rü taxucürüwama taxãchica i ngextá tórü Cori ya Cristu rü Tanatü ya Tupana ãẽ̱xgacü íixĩxü̃wa.

Ore i mexü̃ ga Matéu ümatüxü̃ 10:16

Dücax, choma rü ñoma carnérugü i airugü i düraexü̃tanüwa imugüxü̃rüxü̃ pexü̃ chamugü. ¡Rü ngẽmaca̱x penaxwa̱xe i ãxtapegürüxü̃ pexuãẽgü, natürü muxtucugürüxü̃ taxuxü̃ma i chixexü̃ pexügü!

Yochué 3:1

Rü moxü̃ãcü pa̱xmamaxü̃chi rü nüma ga Yochué rü guxü̃ma ga Iraétanüxü̃maxã Chitíü̃wa inaxĩãchi ñu̱xmata natü ga Yudáü̃anacüwa nangugü. Rü naxü̃pa ga nax yachoü̃xü̃ rü yexmatama napegü.

Iraétanüxü̃arü muxchiga 13:2

—¡Ẽcü, Canaáü̃anewa namugü i 12 i yatügü nax ngéma yangugütaegüxü̃ca̱x, erü ngẽma naane tá nixĩ i pexna chaxãxü̃ i pema i Iraétanüxü̃! ¡Rü wüxitücumüwachigü rü namuãchi i ngẽma norü ãẽ̱xgacü ixĩxü̃! —ñanagürü ga Tupana.

Ãẽ̱xgacügü ga guxchaxü̃güarü mexẽxẽruü̃gü 18:17

Rü nüma ga yema Micaíaarü chacherdóte rü ĩã̱xwa nayexma namaxã ga yema 600 ga churaragü. Rü yexgumayane ga yema 5 ga ngugütaewa ĩxü̃ rü nichocu nawa ga guma Micaíapata. Rü nanayauxgü ga yema naxchicüna̱xã ga diẽrumümaxã tüxünexü̃ rü yema efóx. Rü nanade ta ga guma ĩpatacüã̱xarü tupanachicüna̱xãgü.

Ãẽ̱xgacügü ga guxchaxü̃güarü mexẽxẽruü̃gü 18:2

Rü yemaca̱x ga Dáü̃tanüxü̃ rü ĩanegü ga Choráwa rü Etaóü̃wa inanamuãchitanü ga 5 ga yatügü ga iporaexü̃ nax to ga naaneca̱x yadaugüxü̃ca̱x rü cúãcü nangugüanegüãxü̃ca̱x. Rü yema 5 ga ngugütaeruü̃gü rü Efraíü̃tanüxü̃arü naane ga máxpü̱xanexü̃wa naxĩ. Rü Micaíapatawa nangugü. Rü yema chütaxü̃ rü yexma napegü.

Yochué 5:10

Rü nüma ga Iraétanüxü̃ rü Guirigágu napegü. Rü meama guma tauemacüarü 14 arü yáuanecü inanaxügüe ga nax naxüchigagüãxü̃ ga Üpetüchiga ga Yericúarü doxonexü̃wa.

Iraétanüxü̃arü muxchiga 33:49

Rü yemaacü ga yema Iraétanüxü̃ rü Yudáü̃cutüwa nayexmagü ga Moáanearü metachinüxü̃wa. Rü ĩane ga Bex-yechimóxwa inaxügü rü ñu̱xmata ĩane ga Abé-chitíü̃wa nangu nax naxüãcuaneãxü̃.

Ãẽ̱xgacügü ga guxchaxü̃güarü mexẽxẽruü̃gü 18:14

Rü nümagü ga yema 5 ga yatügü ga Láiarü naanewa ngugütaewa ne ĩxü̃ rü namücügüxü̃ ñanagürügü: —¿Nüxü̃ pecuáxü̃ nax ta̱xacü ngẽxmaxü̃ ya daa ĩwa? Daa ĩpatawa rü nangẽxma i wüxi i efóx rü ñuxre i tupanachicüna̱xãgü rü ñu̱xũchi wüxi i naxchicüna̱xã i naiwa üxü̃ i diẽrumümaxã tüxünexü̃. ¿Rü ta̱xacü tá pexüxü̃ i ñu̱xma? —ñanagürügü.

Yochué 1:18

Rü guxãma ya yíxema tama cuga ĩnüxe i ngẽxguma toxü̃ cumu̱xgu rü tá tayu. Rü ngẽma cuxna naxca̱x taca̱xaxü̃xicatama nixĩ nax cuporaxü̃ rü taguma curümaãchixü̃ —ñanagürügü.

Yochué 2:2

Natürü nayexmaama ga wüxi ga duü̃xü̃ ga Yericúarü ãẽ̱xgacümaxã nüxü̃ ixuxü̃, rü ñanagürü nüxü̃: —Ñuxre i Iraétanüxü̃ nua nangugü i ngewa̱xarü chütaxü̃gu nax yangugügüãxü̃ca̱x i ñaa naane —ñanagürü.

Miquéa 6:5

¡Pa Chorü Duü̃xü̃güx, nüxna pecua̱xãchie i ngẽma Baláx ga Moáarü ãẽ̱xgacü nagu rüxĩnüxü̃, rü ñu̱xũchi yema norü ngãxü̃ ga Balaáü̃ ga Beúx nane nüxna ãxü̃! Rü yexguma Chitíü̃wa pengugügu nax Guirigáwaama pexĩxü̃ca̱x, rü choma nixĩ ga pora pexna chaxãxü̃ nax nüxü̃ perüporamaegüxü̃ca̱x ga perü uanügü —ñanagürü ya Tupana.

Naanearü ügüchiga 42:9

Rü yexguma ga Yúche rü nüxna nacua̱xãchi ga yema ü̃pa nagu naxãnegüxü̃ ga naenexẽgüchiga ixĩxü̃. Rü ñanagürü nüxü̃: —Pemax rü tochixü̃anearü ngugütaeruü̃gü pixĩgü. Rü pema rü nua ngugütaewa pexĩ nax naxca̱x pedaugüxü̃ca̱x nax ngextá pexü̃́ natauxchaxü̃ nax toechita pichocuxü̃ca̱x nawa i ñaa naane —ñanagürü.

Naanearü ügüchiga 42:16

¡Rü wüxíe táegu nax tayagaxü̃ca̱x! Rü yíxema nuxã rüchoxe rü tá tapoxcue. Rü ngẽmawa tá nüxü̃ chacua̱x rü aixcüma yixĩ i ngẽma chomaxã nüxü̃ pixuxü̃. Rü ngẽxguma taxũtáma aixcüma yixĩxgu, rü ngẽmawa tá nüxü̃ chacua̱x nax ngugütaewa nua pexĩmarexü̃. Rü Faraóü̃égagu pemaxã nüxü̃ chixu i ngẽma —ñanagürü.

Iraétanüxü̃arü muxchiga 13:1

Rü nüma ga Cori ya Tupana rü Moichémaxã nidexa rü ñanagürü:

Ãẽ̱xgacügü ga guxchaxü̃güarü mexẽxẽruü̃gü 1:23

Rü guma ĩane rü noxri rü Lúx nixĩ ga naéga. Rü guma ĩanewa nanamugü ga ngugütaeruü̃gü rü Cori ya Tupana nüxü̃ narüngü̃xẽxẽ.