Yochué 19:9 - Tupanaarü Ore

⁹ Yema naane ga Chimeóü̃arü duü̃xü̃güna üxü̃, rü Yudáarü duü̃xü̃güarü naanewa tanayauxgü, yerü yema Yudáarü duü̃xü̃güarü naane rü nataxüchi. Rü yemaca̱x yema Yudáarü duü̃xü̃güarü naanewa Chimeóü̃arü duü̃xü̃güna tanaxãgü.

Yochué 19:9 Referans Kwoze

Ínachoxü̃xü̃chiga 16:18

Rü yema duü̃xü̃gü ga rümumaexü̃ degüxü̃ rü taxuxü̃ma nüxü̃́ ínayaxü. Rü yema noxretama dexü̃ rü tama nüxü̃́ inayataxu. Rü wüxichigü ga yema duü̃xü̃ rü nanayaxu ga yema nangṍxchaü̃güxü̃xicatama.

Naanearü ügüchiga 49:7

Rü chixexü̃ namaxã chaxuegu i ngẽma norü nu i taxúema ípoxü̃xü̃. Rü ngẽmaca̱x i choma rü guxü̃ma i Iraéanearü ĩanegügu tá chanawoone i nataagü”.

Yochué 19:8

Rü ñu̱xũchi naétü namaxã nanangauxẽxẽ ga guma ĩanexacügü ñu̱xmata Baará-beéwa nangu. (Rü guma ĩane rü Ramáx nixĩ ga to ga naéga.) Rü Néguewa nayexma. Yema nixĩ ga naane ga nüxna üxü̃ ga Chimeóü̃tücumüarü duü̃xü̃gü.

Yochué 19:10

Yema norü tomaepü̱x ga naane ga sortéuãcü iyanuxü̃ rü Chaburóü̃tücumüarü duü̃xü̃güna naxǘ. Rü yema norü üyeane rü Charíxwa nangu.

Echequié 48:7

Rü Rubéü̃tücumüwena rü Yudátücumüna nanaxãgü i norü naane. Rü ngẽma naane rü éstewa tá inaxügü rü ñu̱xmata oéstewa nangu.

Iraétanüxü̃arü muxchiga 26:54

Rü ngẽma natücumügü i rümumaexü̃ rü tá nüxna cunaxã i ngẽma naane i rütamaegüxü̃. Rü ngẽma natücumügü i rünoxremaegüxü̃ rü tá nüxna cunaxã i ngẽma naane i rüxíxramaegüxü̃. Rü nae̱xpü̱x i norü mu i poperagu cuxümatüxü̃ i wüxitücumüchigü, rü ngẽxgumaepü̱x tá nixĩ i nüxna cunaxãxü̃ i norü naane.