Yochué 19:51 - Tupanaarü Ore

⁵¹ Rü yema nixĩ ga yema naanegü ga nümagü ga chacherdóte ga Ereachá, rü Yochué, rü Iraétücumügüarü ãẽ̱xgacügü sortéuãcü Tupanape̱xewa nüxü̃ inuxü̃ ga yema Iraétücumügü. Rü Chilówa ga Tupanapataarü ücuwa nixĩ ga nüxü̃ yanuãxü̃ ga yema naanegü. Rü yemaacü nanaxügü ga yema naanearü nu.

Yochué 19:51 Referans Kwoze

Yochué 18:10

Rü nüma ga Yochué rü yexguma Chilówa Tupanape̱xewa sortéuãcü inayanu ga yema naane nüxü̃ ga yema Iraétücumügü.

Yochué 14:1

Rü nüma ga Yochué rü gumá chacherdóte ga Ereachá, rü ñu̱xũchi yema Iraétanüxü̃arü ãẽ̱xgacügü nixĩ ga nüxü̃ yanuxü̃ ga yema Canaáü̃arü naane.

Yochué 18:1

Rü yexguma Iraétanüxü̃ namaxã icua̱xgügu ga yema naane rü guxü̃ma ga nümagü ga Iraétanüxü̃ rü Chilógu nangutaque̱xe nax yexma inachitaü̃güxẽẽxü̃ca̱x ga Tupanapata.

Ore i mexü̃ ga Cuáü̃ ümatüxü̃ 17:2

Erü marü choxna cuxãga nax guxü̃ma i duü̃xü̃gümaxã ichacuáxü̃ca̱x rü nax chanamaxẽxẽẽxü̃ca̱x i guxü̃ma i duü̃xü̃gü i choxna cumugüxü̃.

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!

Ore i mexü̃ ga Matéu ümatüxü̃ 20:23

Rü Ngechuchu nanangãxü̃ rü ñanagürü nüxü̃: —Aixcüma tá nixĩ i chauxrüxü̃ ngúxü̃ pingegüxü̃. Natürü ngẽma chorü tügünecüwawa rü chorü to̱xwecüwawa nax perütogüxü̃ca̱x, rü tama cho̱xme̱xwa nangẽxma nax pexna chanaxãxü̃. Rü Chaunatüme̱xẽwa nixĩ nax nangẽxmaxü̃ i ngẽma, rü nüma tá tüxna nanaxã ya yíxema tümaca̱x íyixĩxẽ —ñanagürü.

Wiyaegü 78:60

Rü nüxna nixũ ga guma napata ga naxchirunaxca̱x ga duü̃xü̃gütanüwa yexmane ga Chilówa.

1 Chamué 1:3

Rü guxcüma ga taunecügu rü nüma ga Ercaná rü wüxigu naxma̱xgümaxã guma ĩane ga Chilówa naxũũxü̃ nax Tupana ya Guxãétüwa Ngẽxmacüxü̃ yanacua̱xüü̃xü̃ca̱x, rü naxca̱x yaguãxü̃ca̱x ga norü ãmare. Rü gumá ĩanewa nayexma ga chacherdóte ga Erí ga taxre ga nanegü nüxü̃́ yexmacü. Rü nümagü rü ta chacherdótegü nixĩgü. Rü wüxi rü Oní nixĩ ga naéga, rü yema to rü Fineéx nixĩ ga naéga.

Ãẽ̱xgacügü ga guxchaxü̃güarü mexẽxẽruü̃gü 21:21

¡Rü ngéma pengugütaegü! Rü ngẽxguma ngĩxü̃ pedaugügu i ngẽma Chilócüã̱x i pacügü nax ínachoxü̃xü̃ nax ñaãchixü̃wa naxĩxü̃ca̱x rü ngẽxguma i pemax rü tá ípechoxü̃ i ngẽma ípicu̱xgüxü̃wa. Rü wüxíechigü i pema rü wüxica̱x tá pengĩ̱x rü ngĩmaxã tá pechixü̃anewa pexĩ.

Ãẽ̱xgacügü ga guxchaxü̃güarü mexẽxẽruü̃gü 21:19

Natürü wüxichigü ya taunecügu rü nangẽxma i taxü̃ i peta i Cori ya Tupanaca̱x naxügüxü̃ i Chilówa i Betéarü nórtewa rü nama i Beté rü Chiquéü̃wa daxü̃arü éstewa, rü Lebonáarü súrwa —ñanagürügü.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Ngechuchuarü ngúexü̃gü ga yamugüxü̃arü puracüchiga 13:19

Rü yemawena Tupana nanadai ga 7 ga natücumügü ga Canaáü̃anecüã̱xgü nax tórü o̱xigüna naxããxü̃ca̱x ga yema naanegü nax tümaarü yaxĩgüxü̃ca̱x

Yochué 20:1

Tupana rü Yochuémaxã nidexa rü ñanagürü: —¡Namaxã idexa i Iraétanüxü̃ rü namaxã nüxü̃ ixu nax nüxü̃ naxunetagüxü̃ca̱x ya ĩanegü ya cu̱xchicaxü̃ruxü̃gü ixĩgüne, yema Moichémaxã nüxü̃ chixuxü̃rüxü̃!