Yochué 19:15 - Tupanaarü Ore

¹⁵ Yema naanewa rü nayexmagü ga 12 ga ĩanegü rü naétü ga norü ĩanexacügü ga nügüarü ngaicamawa yexmagüne. Rü yema ĩanegütanüwa nayexma ga Catáx, rü Naará, rü Chimróü̃, rü Idalá, rü Beréü̃.

Yochué 19:15 Referans Kwoze

Yochué 11:1

Rü yexguma Yabíü̃ ga Achóxarü ãẽ̱xgacü nüxü̃ cuáchigagu ga yema nüxü̃ ngupetüxü̃ ga yema ĩanegü ga daiãcuxü̃, rü norü orearü ngeruü̃güxü̃ namuãchitanü naxca̱x ga yema togü ga ãẽ̱xgacügü nax nügü nangü̃xẽẽgüxü̃ca̱x. Rü yema ãẽ̱xgacügü ga naxca̱x yéma namugaxü̃ rü ñaagü nixĩ: Ĩane ga Madóü̃arü ãẽ̱xgacü ga Yobáx, rü Chimróü̃arü ãẽ̱xgacü, rü Axcháarü ãẽ̱xgacü, rü guxü̃ma ga ãẽ̱xgacügü ga ínamáxpü̱xanexü̃wa yexmagüxü̃ ga nórtewaama, rü guxü̃ma ga ãẽ̱xgacügü ga natü ga Yudáü̃arü Dóxraanewa yexmagüxü̃ ga naxtaxa ga Quinérexarü súrwaama ügüxü̃, rü yema ãẽ̱xgacügü ga Dóxarü Dóxraanewa yexmagüxü̃ ga oéstewaama, rü yema Cananéugü ga éstewaama rü oéstewaama yexmagüxü̃, rü yema Amoréutanüxü̃, rü Itítagü, rü Ferechéugü, rü Yebuchéugü ga ma̱xpǘneanegu ãchiü̃güxü̃, rü Ebéugü ga ma̱xpǘne ga Ermóü̃gu ãchiü̃güxü̃ ga Mispáarü naanewa yexmagüxü̃.

2 Chamué 23:15

Rü Dabí rü yexma nita̱xawa rü ñanagürü: —Chierüx texé nua choxü̃ yaxãxẽẽgu namaxã i norü dexá ya yima puchu ya Beréü̃ca̱x ixücuxü̃wa ngẽxmacü —ñanagürü.

Rux 1:19

Rü yemaacü ga yema taxre rü ngĩgümaxã namagu ixĩ, rü ñu̱xmata Beréü̃wa nangugü. Rü yexguma Beréü̃gu nachocuxgu, rü guxü̃ma ga yema duü̃xü̃gü rü naba̱i̱xãchiãẽgü. Rü yema ĩanecüã̱x ga ngexü̃gü rü ngĩgürügügü: —¿Tama ẽ̱xna ñaa iyixĩ i Noemí? —ngĩgürügügü.

Ãẽ̱xgacügü ga guxchaxü̃güarü mexẽxẽruü̃gü 1:30

Rü yexgumarüxü̃ ta ga Chaburóü̃tanüxü̃ rü taxucürüwa ínanawoxü̃ ga yema Canaáü̃tanüxü̃ ga Quitóü̃gu rü Naarágu ãchiü̃güxü̃. Rü yemaca̱x ga yema Canaáü̃tanüxü̃ rü yexmatama Chaburóü̃tanüxü̃tanügu naxãchiü̃gü rü norü puracütanüxü̃ nixĩgü.

Yochué 12:20

Chimróü̃-meróü̃arü ãẽ̱xgacü, rü Axcháarü ãẽ̱xgacü, rü

Yochué 19:14

Rü norü nórtecüwawa rü Anatóü̃guama ínadaeguãchi ga yema üyeane rü Yeté-elarü doxonexü̃wa nayarügo.

Yochué 19:16

Rü yema nixĩ ga yema naane ga Chaburóü̃tücumüarü duü̃xü̃güna üxü̃ norü ĩanegümaxã rü norü ĩanexacügümaxã.

Ãẽ̱xgacügü ga guxchaxü̃güarü mexẽxẽruü̃gü 12:8

Yetéwena rü Ixcháü̃ ga Beréü̃cüã̱x nixĩ ga Iraétanüxü̃arü ãẽ̱xgacü.

Ãẽ̱xgacügü ga guxchaxü̃güarü mexẽxẽruü̃gü 17:7

Rü yexgumaü̃cüxü rü Yudáanearü ĩane ga Beréü̃wa nayexma ga wüxi ga ngextü̱xücü ga tama yémacüã̱x ixĩcü. Rü nüma rü Lebítanüxü̃ nixĩ.