Yochué 19:10 - Tupanaarü Ore

¹⁰ Yema norü tomaepü̱x ga naane ga sortéuãcü iyanuxü̃ rü Chaburóü̃tücumüarü duü̃xü̃güna naxǘ. Rü yema norü üyeane rü Charíxwa nangu.

Yochué 19:10 Referans Kwoze

Yochué 18:11

Rü yexguma sortéu naxü̱xgu rü Bẽyamíü̃tücumüna naxǘ ga naane ga Yudátanüxü̃ane rü Yúchetanüxü̃anearü ngãxü̃wa üxü̃.

Yochué 18:6

Rü ngẽxguma marü 7 gu yayauxyegüãgu i ngẽma naane rü chanaxwa̱xe i chauxü̃tawa nanangegü i ngẽma 7 i naanegüchiga. Rü choma rü tá Tupanape̱xewa sortéuãcü ichayanu i ngẽma naane.

Naanearü ügüchiga 49:13

“Rü Chaburóü̃ rü márcutügu tá naxãpata. Rü ngéma tá nangẽxma i türegü i wapurugü nawa ngugüxü̃. Rü ngẽma norü naanearü üye rü tá Chidóü̃wa nangu”.

Yochué 19:9

Yema naane ga Chimeóü̃arü duü̃xü̃güna üxü̃, rü Yudáarü duü̃xü̃güarü naanewa tanayauxgü, yerü yema Yudáarü duü̃xü̃güarü naane rü nataxüchi. Rü yemaca̱x yema Yudáarü duü̃xü̃güarü naanewa Chimeóü̃arü duü̃xü̃güna tanaxãgü.

Yochué 19:11

Rü oéstewaama nada ñu̱xmata Mararáwa nangu. Rü yéma rü inida ñu̱xmata Dabéchewa nangu. Rü yema natüxacü ga Yoxneáü̃arü to̱xma̱xtawa yexmaxü̃gu nayacua̱x.

Echequié 48:26

Rü Ichacátücumüwena rü Chaburóü̃tücumüna nanaxãgü i norü naane. Rü ngẽma naane rü éstewa tá inaxügü rü ñu̱xmata oéstewa nangu.

Naanearü ügüchiga 35:23

Rü Acóbu nanegü rü 12 nixĩ. Rü gumá Léawaü̃gücü rü Rubéü̃ nixĩ ga Acóbu nane ga yacü. Rü naenexẽgü nixĩ ga Chimeóü̃, rü Lebí, rü Yudá, rü Ichacá, rü Chaburóü̃.