Yochué 18:8 - Tupanaarü Ore

⁸ Rü nüma ga yema yatügü ga nüxü̃ naxunetagüxü̃ nax ngugütaewa tá naxĩxü̃ rü marü nügü ínamexẽẽgü nax naxĩãchixü̃ca̱x. Rü nüma ga Yochué rü ñanagürü nüxü̃: —¡Nawa pexĩ i ngẽma naane rü meama peyayauxyeanechigü! ¡Rü pewoegu ega marü pexü̃́ nagu̱xgu nax peyayauxyeanexü̃! Rü nua Chilówa rü Cori ya Tupanape̱xewa tá sortéuãcü ichayanu i ngẽma naane —ñanagürü.

Yochué 18:8 Referans Kwoze

Romanos 14:19

Rü ngẽmaca̱x, ¡ngĩxã pora taxü nax yigü ingechaxügüxü̃ca̱x rü yigü rüngü̃xẽẽgüxü̃ca̱x nax yexeraãcü Cristuaxü̃́ yaxõgüxü̃ca̱x rü naxügüxü̃ca̱x i ngẽma norü ngúchaü̃ ixĩxü̃!

Yochué 18:10

Rü nüma ga Yochué rü yexguma Chilówa Tupanape̱xewa sortéuãcü inayanu ga yema naane nüxü̃ ga yema Iraétücumügü.

1 Chamué 14:41

Rü yexguma ga Chaú rü tagaãcü ñanagürü: —Pa chorü Cori ya Iraétanüxü̃arü Tupanax, ¿tü̱xcüü̃ tama curü duü̃xü̃xü̃ cungãxü̃ i ñu̱xma? Rü yima taxre ya nutagü ya Uríü̃ rü Tumíü̃wa tá cupe̱xewa naxca̱x tadau nax texé chixexü̃ üxü̃. Rü ngẽxguma choma rüe̱xna chaune ya Yonatáü̃ yixĩxgu i chixexü̃ taxüxü̃ rü tá ínanexechi ya yimá nuta ya Uríü̃. Rü ngẽxguma ngẽma curü duü̃xü̃gü ya Iraécüã̱xgü nixĩ i chixexü̃ ügüxü̃ rü tá ínanexechi ya yimá nuta ya Tumíü̃ —ñanagürü. Rü yexguma naxca̱x nadaugügu rü Yonatáü̃gu rü Chaúgu nangu. Rü duü̃xü̃güwa rü nataxuma ga yema pecadu.

Yochué 18:6

Rü ngẽxguma marü 7 gu yayauxyegüãgu i ngẽma naane rü chanaxwa̱xe i chauxü̃tawa nanangegü i ngẽma 7 i naanegüchiga. Rü choma rü tá Tupanape̱xewa sortéuãcü ichayanu i ngẽma naane.

Yochué 18:1

Rü yexguma Iraétanüxü̃ namaxã icua̱xgügu ga yema naane rü guxü̃ma ga nümagü ga Iraétanüxü̃ rü Chilógu nangutaque̱xe nax yexma inachitaü̃güxẽẽxü̃ca̱x ga Tupanapata.

Yochué 15:1

Rü yema naane ga sortéuãcü Yudátanüxü̃na üxü̃ rü Edóü̃arü üyeanewa nangu. Rü norü súrwaama nida ñu̱xmata yema naxnücüane ga Chíü̃gu ãégaxü̃wa nangu.

Yochué 13:7

¡Rü yanu i ngẽma naane nüxü̃ i ngẽma 9 tücumü i Iraétanüxü̃, rü ñu̱xũchi ngẽma ngãxü̃tücumü i Manachétanüxü̃! —ñanagürü ga Tupana.

Naanearü ügüchiga 13:17

¡Rü inachi rü nagu rüxũ i guxü̃ma i norü ma̱x rü norü tatachinü i ñaa naane, erü choma rü tá cuxna chanaxã! —ñanagürü.

Yochué 18:9

Rü nüma ga yema yatügü rü inaxĩãchi rü nawa naxĩ ga guxü̃ma ga yema naane. Rü yema Yochué namaxã nüxü̃ ixuxü̃rüxü̃ rü 7 gu nayayauxyegü ga yema naane, rü ñu̱xũchi poperagu nanaxümatügü. Rü yexgumarüxü̃ ta nanaxümatügü ga naégagü ga guma ĩanegü ga wüxichigü ga yema 7 ga naanewa yexmagüne. Rü yemawena rü Chilóca̱x nawoegu ga Yochué íyexmaxü̃wa.

Ichaía 34:17

Rü wüxichigü i ngẽma naeü̃gü rü namaxã nüxü̃ nixunetachigü i nachicachigü. Rü yima naxme̱xmaxã nixĩ i nüxü̃ yaxunetachigüxü̃ i ngẽma naanechigü. Rü guxü̃gutáma ngéma nangẽxmagüecha, rü ñu̱xũchi guxü̃gutáma ngéma namaxẽ.