Yochué 18:4 - Tupanaarü Ore

⁴ Rü ñu̱xma rü chanaxwa̱xe i wüxitücumüwachigü nüxü̃ pexuneta i tomaepü̱x i yatü nax choma chanamuãchitanüxü̃ca̱x nax yangugügüãxü̃ca̱x i ngẽma naane i tauxta inuxü̃. Rü ngẽxguma nawoegu̱xgu rü chanaxwa̱xe i chomaxã nüxü̃ nixugüe i ngẽma naanechiga nax ngẽmaãcü nüxü̃ chacuáxü̃ca̱x nax ñuxãcü tá ichayanuxü̃ i ngẽma naane.

Yochué 18:4 Referans Kwoze

Yochué 18:9

Rü nüma ga yema yatügü rü inaxĩãchi rü nawa naxĩ ga guxü̃ma ga yema naane. Rü yema Yochué namaxã nüxü̃ ixuxü̃rüxü̃ rü 7 gu nayayauxyegü ga yema naane, rü ñu̱xũchi poperagu nanaxümatügü. Rü yexgumarüxü̃ ta nanaxümatügü ga naégagü ga guma ĩanegü ga wüxichigü ga yema 7 ga naanewa yexmagüne. Rü yemawena rü Chilóca̱x nawoegu ga Yochué íyexmaxü̃wa.

Yochué 18:6

Rü ngẽxguma marü 7 gu yayauxyegüãgu i ngẽma naane rü chanaxwa̱xe i chauxü̃tawa nanangegü i ngẽma 7 i naanegüchiga. Rü choma rü tá Tupanape̱xewa sortéuãcü ichayanu i ngẽma naane.

Yochué 18:3

Rü yexguma ga Yochué rü yema Iraétanüxü̃xü̃ ñanagürü: —¿Ta̱xacü nixĩ i ípenanguxẽxẽxü̃ rü tama marü nagu pechocuxü̃ i ngẽma naane ga Cori ya perü o̱xigüarü Tupana pexna ãxü̃?

Yochué 4:2

—Ngẽma 12 i Iraétanüxü̃tücumüwa rü ¡ẽcü wüxitücumüwachigü rü nüxü̃ naxuneta ya wüxi ya yatü!

Yochué 3:12

Rü ngẽmaca̱x, Pa Duü̃xü̃güx ¡rü nüxü̃ pexuneta i 12 i yatü! Rü ngẽma 12 i Iraétücumüwachigü, rü tá nüxü̃ pexuneta i wüxi.

Iraétanüxü̃arü muxchiga 13:2

—¡Ẽcü, Canaáü̃anewa namugü i 12 i yatügü nax ngéma yangugütaegüxü̃ca̱x, erü ngẽma naane tá nixĩ i pexna chaxãxü̃ i pema i Iraétanüxü̃! ¡Rü wüxitücumüwachigü rü namuãchi i ngẽma norü ãẽ̱xgacü ixĩxü̃! —ñanagürü ga Tupana.

Iraétanüxü̃arü muxchiga 1:4

Rü ngẽxgumarüxü̃ ta rü wüxitücumüwachigü rü tá naxca̱x peca i wüxi i yatü i woetama ngẽmatücumüwa ãẽ̱xgacü ixĩxü̃ nax pexü̃ nangü̃xẽẽxü̃ca̱x.

Yochué 18:5

Rü ngẽma yatügü rü chanaxwa̱xe i 7 gu nax yayauxyegüãxü̃ i ngẽma naane. Natürü taxũtáma namaxã nanangauxẽẽgü i ngẽma Yudátanüxü̃arü naane i súrwaama ngẽxmaxü̃ rü ngẽma Yúchetaagüarü naane i nórtewaama ngẽxmaxü̃.

Miquéa 2:5

—Natürü ngẽxguma nachixü̃aneca̱x nawoegu̱xgu i chorü duü̃xü̃gü rü pema i ñu̱xma diẽruã̱xgüxe rü tá pengearü naaneã̱x i natanüwa —ñanagürü ya Tupana.