Yochué 18:12 - Tupanaarü Ore

¹² Rü norü üyeane ga yema naane rü nórtewaama inaxügü ga natü ga Yudáü̃wa. Rü Yericúarü nórtewaama nada rü ínamáxpü̱xanexü̃gu nida ga oéstewaama. Rü naxnücüanexü̃ ga Bex-abéü̃wa nangu.

Yochué 18:12 Referans Kwoze

Yochué 16:1

Yema naane ga sortéuwa nüxna üxü̃ ga Yúchetaagü rü natü ga Yudáü̃arü éstewaama inaxügü meama Yericúarü natüxacügüwa. Rü yéma rü naxnücüanexü̃wa nada. Rü ñu̱xũchi nagu nida ga guma ma̱xpǘnegü ga Yericúwa ixügüne ñu̱xmata Betéwa nangu.

Yochué 7:2

Rü nüma ga Yochué rü Yericúwa inanamuãchitanü ga ñuxre ga yatügü nax ĩane ga Áiwa yangugütaegüxü̃ca̱x, rü nüxü̃́ natauxcha nax guma ĩane rü tá nagu nachocuxü̃ca̱x. Rü guma ĩane ga Ái rü ĩane ga Betéarü éstewaama nayexma ga Bex-abéü̃arü ngaicamana. Rü nümagü rü yéma naxĩ rü nayangugütaegü.

Ochéa 10:5

Rü ñu̱xma i ngẽma Chamáriaanecüã̱x i duü̃xü̃gü rü nidu̱xrue, rü naxauxe naxca̱x i ngẽma wocaxacüchicüna̱xã i Bex-abéü̃wa rütaxuxü̃. Rü naxca̱x nangechaü̃gü i duü̃xü̃gü rü ngẽma chacherdótegü erü marü narütaxu ga yema namaxã nataãẽgüxü̃.

Ochéa 5:8

¡Rü Guibeáwa peyacue ya cornéta, rü Ramáwa rü ta peyacue nax nangutaque̱xegüxü̃ca̱x i duü̃xü̃gü! ¡Rü Bex-abéü̃wa rü tagaãcü duü̃xü̃gümaxã nüxü̃ pixu nax nügü namexẽẽgüxü̃ca̱x nax daiwa naxĩxü̃ca̱x! ¡Rü Bẽyamíü̃tanüxü̃maxã nüxü̃ pixu nax nügü namexẽxẽgüxü̃ca̱x!

Ochéa 4:15

Pa Iraéanecüã̱xgüx, pema rü woo nüxü̃ picua̱xüü̃güamagu i ngẽma tupananetagü, natürü tama chanaxwa̱xe nax ngẽma Yudáanecüã̱xgü rü ta nagu naxĩxü̃ i ngẽma nacümagü i chixexü̃. ¡Rü taxṹ i nüxü̃ picua̱xüü̃güxü̃ i ngẽma naxchicüna̱xãgü i Guirigáwa rü Bex-abéü̃wa ngẽxmagüxü̃! ¡Rü taxṹ i chauégagu ipexunetaxü̃!

Yochué 6:1

Rü taxucürüwama texé Yericúarü ĩanegu taxücu rüe̱xna ítaxũxũ, yerü ga norü poxeguxü̃arü ĩã̱xgü rü narüwãxtagü nax yemaacü taxuwama nachocuxü̃ca̱x ga Iraétanüxü̃.

Yochué 2:1

Rü yexguma Chitíü̃wa nayexmagügu, rü nüma ga Yochué rü bexma inanamuãchitanü ga taxre ga ngugütaeruü̃gü, rü ñanagürü nüxü̃: —¡Ẽcü peyangugü i ngẽma naane i Yudáü̃arü tocutüwa ngẽxmaxü̃ rü ñu̱xmata yima ĩane ya Yericúwa pengugü! —ñanagürü. Rü nüma ga yema taxre rü inaxĩãchi, rü ngĩpatawa nangugü ga wüxi ga nge ga naxü̃nemaxã taxexü̃ ga Yericúgu ãpatacü. Rü Raá nixĩ ga ngĩéga. Rü ngĩma rü ngĩpatagu inapegüxẽxẽ ga yema chütaxü̃.

Yochué 8:15

Rü nüma ga Yochué rü norü churaragümaxã nibuxmüneta. Rü yema nama ga chianexü̃wa nadaxü̃gu nixü naxcha̱xwa ga yema Áiarü churaragü.

Yochué 18:11

Rü yexguma sortéu naxü̱xgu rü Bẽyamíü̃tücumüna naxǘ ga naane ga Yudátanüxü̃ane rü Yúchetanüxü̃anearü ngãxü̃wa üxü̃.

1 Chamué 13:5

Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.