Yochué 18:10 - Tupanaarü Ore

¹⁰ Rü nüma ga Yochué rü yexguma Chilówa Tupanape̱xewa sortéuãcü inayanu ga yema naane nüxü̃ ga yema Iraétücumügü.

Yochué 18:10 Referans Kwoze

Colosenses 1:12

Rü ngẽmaãcü penaxwa̱xe nax taãẽãcüma Tanatü ya Tupanana moxẽ pexãgüxü̃, erü nüma pexü̃ nimexẽẽgü nax pema rü ta penayauxgüxü̃ca̱x i ngẽma mexü̃gü i nüma tá nüxna naxãxü̃ i ngẽma norü duü̃xü̃gü ixĩgüxü̃.

Ngechuchuarü ngúexü̃gü ga yamugüxü̃arü puracüchiga 13:19

Rü yemawena Tupana nanadai ga 7 ga natücumügü ga Canaáü̃anecüã̱xgü nax tórü o̱xigüna naxããxü̃ca̱x ga yema naanegü nax tümaarü yaxĩgüxü̃ca̱x

Yochué 18:6

Rü ngẽxguma marü 7 gu yayauxyegüãgu i ngẽma naane rü chanaxwa̱xe i chauxü̃tawa nanangegü i ngẽma 7 i naanegüchiga. Rü choma rü tá Tupanape̱xewa sortéuãcü ichayanu i ngẽma naane.

Ngechuchuarü ngúexü̃gü ga yamugüxü̃arü puracüchiga 26:18

Rü cuxü̃ chamu nax ngẽma duü̃xü̃güxü̃ choxü̃ cucua̱xẽẽxü̃ca̱x rü nüxü̃ naxoexü̃ca̱x i nacüma i chixexü̃gü rü chauga naxĩnüexü̃ca̱x. Rü cuxü̃ chamu nax Chatanáme̱xẽwa ícunanguxü̃xẽẽxü̃ca̱x i ngẽma duü̃xü̃gü nax chowe naxĩxü̃ca̱x rü choxü̃́ yaxõgüãxü̃ca̱x nax choma nüxü̃́ nüxü̃ icharüngümaxü̃ca̱x i norü pecadugü, rü nüxü̃́ nangẽxmaxü̃ca̱x i nachica natanüwa i guxü̃ma i chorü duü̃xü̃gü i üünegüxü̃”, ñanagürü choxü̃ ga Cori.

Ore i mexü̃ ga Cuáü̃ ümatüxü̃ 17:2

Erü marü choxna cuxãga nax guxü̃ma i duü̃xü̃gümaxã ichacuáxü̃ca̱x rü nax chanamaxẽxẽẽxü̃ca̱x i guxü̃ma i duü̃xü̃gü i choxna cumugüxü̃.

Ore i mexü̃ ga Matéu ümatüxü̃ 27:35

Rü yexguma marü curuchawa yapotagüãguwena, rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax ngexü̃rüüxü̃ ga Ngechuchuchiru tá nayauxgüxü̃ ga wüxichigü.

Echequié 48:29

Rü ngẽma tá nixĩ i ngẽma naane i pema i Iraétanüxü̃ i sortéuãcü pegü pinuxü̃. Rü ngẽma naane rü guxü̃gutáma perü nixĩ, rü ngẽmaãcü tá nixĩ i pegü peyanuxü̃ i ngẽma naane. Rü choma ya Cori ya Tupana nixĩ i pemaxã nüxü̃ chixuxü̃ i ngẽma —ñanagürü.

Echequié 47:22

Rü ngẽma tá nixĩ i ngẽma naane i woetama pexna üxü̃. Rü ngẽma naane rü ngẽxgumarüxü̃ tá ta nüxna naxü i ngẽma to i nachixü̃anecüã̱x i petanüwa maxẽxü̃ rü ixãxacügüxü̃. Rü pema rü tá penaxwa̱xe nax ñoma Iraétanüxü̃rüü̃ãcütama nüxü̃ pengechaxü̃güxü̃ ñoma Iraéanegutama nabuexü̃rüxü̃. Rü ngẽxguma pema nax Iraétanüxü̃ pixĩgüxü̃ pegütücumüxü̃ peyanuxgu i ngẽma naane, rü nüxna rü tá ta penaxã i norü naane i ngẽma to i nachixü̃anecüã̱x i petanüwa maxẽxü̃.

Ucu̱xẽgüchiga 18:18

Ngẽma guxchaxü̃gü rü name nixĩ i Tupaname̱xẽgu tanaxǘ, rü ngẽmaãcü tá inarüxo nax duü̃xü̃gü nügü choxü̃gagüxü̃.

Wiyaegü 61:5

Rü cumax, Pa Chorü Tupanax, rü marü nüxü̃ cuxĩnü i chorü unetagü i cumaxã nüxü̃ chixuxü̃. Rü cuma rü marü choxna cunaxã i wüxi i nachica natanüwa i ngẽma duü̃xü̃gü i cuxü̃ ngechaxü̃güxü̃.

Wiyaegü 47:4

Rü nümatama ya Cori ya Tupana nixĩ ga nüxü̃ naxunetaxü̃ i ñaa norü naane nax guxü̃gutáma tóxrü yixĩxü̃ca̱x. Rü ñaa naanemaxã tataãẽgü i yixema i Acóbutanüxü̃ nax Tupana poraãcü tüxü̃ ngechaü̃güxü̃.

Yochué 19:51

Rü yema nixĩ ga yema naanegü ga nümagü ga chacherdóte ga Ereachá, rü Yochué, rü Iraétücumügüarü ãẽ̱xgacügü sortéuãcü Tupanape̱xewa nüxü̃ inuxü̃ ga yema Iraétücumügü. Rü Chilówa ga Tupanapataarü ücuwa nixĩ ga nüxü̃ yanuãxü̃ ga yema naanegü. Rü yemaacü nanaxügü ga yema naanearü nu.

Yochué 18:8

Rü nüma ga yema yatügü ga nüxü̃ naxunetagüxü̃ nax ngugütaewa tá naxĩxü̃ rü marü nügü ínamexẽẽgü nax naxĩãchixü̃ca̱x. Rü nüma ga Yochué rü ñanagürü nüxü̃: —¡Nawa pexĩ i ngẽma naane rü meama peyayauxyeanechigü! ¡Rü pewoegu ega marü pexü̃́ nagu̱xgu nax peyayauxyeanexü̃! Rü nua Chilówa rü Cori ya Tupanape̱xewa tá sortéuãcü ichayanu i ngẽma naane —ñanagürü.

Iraétanüxü̃arü muxchiga 34:16

Rü yemawena ga Cori ya Tupana rü Moichémaxã nidexa rü ñanagürü nüxü̃: —Nüma ya chacherdóte ya Ereachá rü Yochué i Núü̃ nane tá nixĩ i pexü̃ yanuxü̃ i ngẽma naane.

Yochué 18:9

Rü nüma ga yema yatügü rü inaxĩãchi rü nawa naxĩ ga guxü̃ma ga yema naane. Rü yema Yochué namaxã nüxü̃ ixuxü̃rüxü̃ rü 7 gu nayayauxyegü ga yema naane, rü ñu̱xũchi poperagu nanaxümatügü. Rü yexgumarüxü̃ ta nanaxümatügü ga naégagü ga guma ĩanegü ga wüxichigü ga yema 7 ga naanewa yexmagüne. Rü yemawena rü Chilóca̱x nawoegu ga Yochué íyexmaxü̃wa.

Yochué 18:11

Rü yexguma sortéu naxü̱xgu rü Bẽyamíü̃tücumüna naxǘ ga naane ga Yudátanüxü̃ane rü Yúchetanüxü̃anearü ngãxü̃wa üxü̃.

Yeremía 7:12

Rü dücax, ípeyadau i nachica ga guma chopata ga Chilówa yexmane. Rü yema nixĩ ga nachica ga nüxíra nüxü̃ chaxunetaxü̃ nax yéma chayexmaxü̃ca̱x. ¡Rü dücax, nüxü̃ peda̱u̱x ga yema namaxã chaxüxü̃ ga yema nachica nagagu ga yema chixexü̃ ga chorü duü̃xü̃gü ga Iraétanüxü̃ ügüxü̃!

Miquéa 2:5

—Natürü ngẽxguma nachixü̃aneca̱x nawoegu̱xgu i chorü duü̃xü̃gü rü pema i ñu̱xma diẽruã̱xgüxe rü tá pengearü naaneã̱x i natanüwa —ñanagürü ya Tupana.

Yochué 14:2

Rü yema naane rü sortéuãcü nixĩ ga nüxü̃ yanuaxü̃ ga yema 9 tücumü ga Iraétanüxü̃ rü yema ngãxü̃tücumü ga Manachétanüxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Yochué 14:5

Rü yemaacü nixĩ ga Yochué iyanuãxü̃ ga yema naane nüxü̃ ga Iraétanüxü̃. Yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Yochué 23:4

Choma rü wüxitücumüchigüna chanaxã ga yema naane ga nagu pinguchigüxü̃. Rü tama yema naane ga marü penapu̱xuxü̃xica nixĩ ga pexü̃ chinuxü̃, natürü namaxã chanangauxẽxẽ i ngẽma naane i taxũta penapuxü̃ i natü i Yudáü̃wa naxügü i éstewa, rü ñu̱xmata már i Mediteráneuwa nangu i oéstewaama.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:5

Rü sortéuãcü nüxü̃ nayanu ga yema puracü ga namaxã iyacuáchigüxü̃ yerü natanüwa ga yema Ereachátanüxü̃, rü nayexma ga norü ãẽ̱xgacügü ga meama nüxü̃ icuáxü̃ nax Tupanaarü puracü naxügüxü̃. Rü yexgumarüxü̃ ta ga Itamátanüxü̃tanüwa nayexma ga norü ãẽ̱xgacügü ga meama nüxü̃ icuáxü̃ nax Tupanaarü puracü naxügüxü̃.

Neemía 11:1

Rü yema Iraétanüxü̃arü ãẽ̱xgacügü rü ĩane ga Yerucharéü̃gutama naxãpatagü. Rü yema togü ga Iraétanüxü̃ rü sortéu naxca̱x naxügü nax nüxü̃ nacua̱xgüxü̃ca̱x rü texégü tá tixĩ ya ĩane ya üünene ya Yerucharéü̃gu ãpatagüxe. Rü ngẽma 10 i nügütanüxü̃wachigü rü wüxitücumü tá nixĩ ya yima ĩane ya üünene ya Yerucharéü̃gu ãpatagüxü̃ rü ngẽma togü i 9 tücumü rü naigü ya ĩanewa tá naxĩ nax ngẽxma yaxãpatagüxü̃ca̱x.