Yochué 18:1 - Tupanaarü Ore

¹ Rü yexguma Iraétanüxü̃ namaxã icua̱xgügu ga yema naane rü guxü̃ma ga nümagü ga Iraétanüxü̃ rü Chilógu nangutaque̱xe nax yexma inachitaü̃güxẽẽxü̃ca̱x ga Tupanapata.

Yochué 18:1 Referans Kwoze

Yochué 19:51

Rü yema nixĩ ga yema naanegü ga nümagü ga chacherdóte ga Ereachá, rü Yochué, rü Iraétücumügüarü ãẽ̱xgacügü sortéuãcü Tupanape̱xewa nüxü̃ inuxü̃ ga yema Iraétücumügü. Rü Chilówa ga Tupanapataarü ücuwa nixĩ ga nüxü̃ yanuãxü̃ ga yema naanegü. Rü yemaacü nanaxügü ga yema naanearü nu.

1 Chamué 1:3

Rü guxcüma ga taunecügu rü nüma ga Ercaná rü wüxigu naxma̱xgümaxã guma ĩane ga Chilówa naxũũxü̃ nax Tupana ya Guxãétüwa Ngẽxmacüxü̃ yanacua̱xüü̃xü̃ca̱x, rü naxca̱x yaguãxü̃ca̱x ga norü ãmare. Rü gumá ĩanewa nayexma ga chacherdóte ga Erí ga taxre ga nanegü nüxü̃́ yexmacü. Rü nümagü rü ta chacherdótegü nixĩgü. Rü wüxi rü Oní nixĩ ga naéga, rü yema to rü Fineéx nixĩ ga naéga.

Yochué 22:9

Rü yemaacü ga Rubéü̃tanüxü̃, rü Gáxtanüxü̃, rü yema ngãxü̃tücumü ga Manachétanüxü̃ rü nüxna nixĩgachitanü ga yema togü ga Iraétanüxü̃ ga Chilówa ga Canaáü̃anewa yexmagüxü̃. Rü yemaacü naxca̱x nawoegu ga napatagü rü naanegü ga Garaáxarü naanewa yexmagüxü̃, yema Cori ya Tupana Moichémaxã nüxü̃ ixuxü̃rüxü̃.

Wiyaegü 78:66

Rü yema namaxã rüxuanügüxü̃ narüporamae rü nayabuxmüxẽxẽ. Rü yemaacü guxü̃guma nanaxãneexẽxẽ.

Nüxíraxü̃xü̃ ga popera ga ãẽ̱xgacügüchiga 14:2

Rü nümax ga Yeruboáü̃ rü naxma̱xü̃ ñanagürü: —¡Cugü natoraxü̃xẽxẽ nax ngẽmaãcü taxúema cuxü̃ cuáxü̃ca̱x nax chauxma̱x quixĩxü̃! ¡Rü ñu̱xũchi Chilówa naxũ, rü napatawa naxũ ya Tupanaarü orearü uruxü̃ ixĩcü ya Aía! Yerü nüma nixĩ ga choxü̃ naxunetaxü̃ nax ãẽ̱xgacü chixĩxü̃ i ñaa nachixü̃anewa.

Nüxíraxü̃xü̃ ga popera ga ãẽ̱xgacügüchiga 2:27

Rü yemaacü ga Charomóü̃ rü Abiatáxü̃ ínamuxũchi ga chacherdótewa. Rü yemaacü ningu ga yema Chilówa nüxü̃ yaxuxü̃ ya Tupana nax yema Erítanüxü̃ rü taxũtáma guxü̃gu chacherdóte yaxĩgüxü̃.

1 Chamué 1:24

Rü yexguma marü yamaieãguwena ga gumá bucü rü Cori ya Tupanapatawa inaga ga ĩane ga Chilówa. Rü yexgumarüxü̃ ta yéma ínagagü ga tomaepü̱x ga wocaxacü ga iyatüxü̃, rü wüxiwetaxü̃ ga trigu, rü wüxi ga tü̃xü̃acu ga bínu.

Ãẽ̱xgacügü ga guxchaxü̃güarü mexẽxẽruü̃gü 18:31

Rü yema naxchicüna̱xã ga Micaía üxü̃ rü Dáü̃tanüxü̃wa nayexma. Rü gucü ga gumá taunecügü ga Cori ya Tupanapata Chilówa yexmagu, rü gumáepü̱x ga taunecü nixĩ ga Dáü̃tanüxtanüwa nayexmaxü̃ ga yema naxchicüna̱xã ga Micaía üxü̃.

Nüxíraxü̃xü̃ ga popera ga ãẽ̱xgacügüchiga 14:4

Rü yemaacü ínaxü ga Yeruboáü̃ naxma̱x. Rü ngĩgü imexẽxẽ rü ñu̱xũchi Chilówa ixũ rü Aíapatawa ingu. Natürü ga Aía rü marü tama tüxü̃ nadau yerü guma naxetügü rü nixogü, yerü marü nayaxüchi.

Ãẽ̱xgacügü ga guxchaxü̃güarü mexẽxẽruü̃gü 21:19

Natürü wüxichigü ya taunecügu rü nangẽxma i taxü̃ i peta i Cori ya Tupanaca̱x naxügüxü̃ i Chilówa i Betéarü nórtewa rü nama i Beté rü Chiquéü̃wa daxü̃arü éstewa, rü Lebonáarü súrwa —ñanagürügü.

Ngechuchuarü ngúexü̃gü ga yamugüxü̃arü puracüchiga 7:45

Rü yexguma nayu̱xguwena ga Moiché, rü Yochué ningucuchi ga ãẽ̱xgacü nax yixĩxü̃. Rü tórü o̱xigü rü nua tórü naanewa nanangegü ga gumá ĩpata ga naxchirunaxca̱x ga yexguma Yochuémaxã napugüãgu ga ñaa naane nüxna ga yema duü̃xü̃gü ga Tupana íwoxü̃xü̃ nape̱xewa ga tórü o̱xigü. Rü núma nayexma ga gumá ĩpata rü ñu̱xmata Dabí ingucuchigu nax ãẽ̱xgacü yixĩxü̃.

Yochué 18:2

Natürü nayexmaama ga 7 tücumü ga Iraétanüxü̃ ga taxũta norü naane yauxgüxü̃.

Yochué 18:8

Rü nüma ga yema yatügü ga nüxü̃ naxunetagüxü̃ nax ngugütaewa tá naxĩxü̃ rü marü nügü ínamexẽẽgü nax naxĩãchixü̃ca̱x. Rü nüma ga Yochué rü ñanagürü nüxü̃: —¡Nawa pexĩ i ngẽma naane rü meama peyayauxyeanechigü! ¡Rü pewoegu ega marü pexü̃́ nagu̱xgu nax peyayauxyeanexü̃! Rü nua Chilówa rü Cori ya Tupanape̱xewa tá sortéuãcü ichayanu i ngẽma naane —ñanagürü.

Yochué 22:12

Rü yexguma marü nüxü̃ nacua̱xgügu ga yema togü ga Iraétanüxü̃ rü Chilógu nangutaque̱xegü nax Rubéü̃tanüxü̃maxã, rü Gáxtanüxü̃maxã, rü yema ngãxü̃tücumü ga Manachétanüxü̃maxã nügü nada̱i̱xü̃ca̱x.

2 Chamué 7:6

Rü yexguma noxritama Equítuanewa íchananguxü̃xẽẽ̱xgu ga Iraétanüxü̃, rü yexgumacürüwa rü taguma wüxi ga ĩpata ga mürapewanaxca̱xtüü̃wa chayexma, natürü ĩpata ga naxchirunaxca̱xtüü̃wa nixĩ ga chayexmaxü̃.

Neemía 9:24

Rü nüma ga torü o̱xigü rü nagu nachocu ga yema Canaáü̃ane rü nanapugü. Rü nape̱xegu cunamaachitanüxẽxẽ ga yema duü̃xü̃gü ga yema naanegu ãchiü̃güxü̃. Rü yema norü ãẽ̱xgacügü rü wüxigu namaxã ga yema duü̃xü̃gü ga yema naanewa maxẽxü̃ rü torü o̱xigüme̱xẽwa cunayexmagüxẽxẽ nax nüma nanaxwa̱xegüxü̃ namaxã naxügüxü̃ca̱x.

Wiyaegü 78:60

Rü nüxna nixũ ga guma napata ga naxchirunaxca̱x ga duü̃xü̃gütanüwa yexmane ga Chilówa.

Yeremía 26:9

¿Rü ta̱xacüca̱x Cori ya Tupanaégagu nüxü̃ quixu nax daa Tupanapata rü guma Chilówa yexmanerüxü̃ tá nagu napogüexü̃, rü nüxü̃ quixu rü daa ĩane rü tá nagu napogüexü̃ rü taxuxü̃táma i duü̃xü̃gü marü nawa maxẽxü̃? —ñanagürügü nüxü̃. Rü guxü̃ma ga duü̃xü̃gü rü Yeremíaca̱x nibuxmü ga guma Tupanapatawa.

Yochué 22:19

Rü ngẽxguma ngẽma naane i pexna üxü̃ tama pexca̱x namexgux nax ngéma Tupanaxü̃ picua̱xüü̃güxü̃, rü name i torü naanewa pexĩ i Tupanapata íngẽxmaxü̃wa. ¡Rü naxca̱x peda̱u̱x i wüxi i nachica i torü naanewa nax ngéma pemaxẽxü̃ca̱x, natürü taxṹ i Cori ya Tupanamaxã penuexü̃! Rü ngẽxguma tá nüxna pixĩgachigu rü toma rü táta nitoguãchi. Rü ngẽmaca̱x tama name nax penaxüxü̃ i to i ãmarearü guruxü̃ naétü i ngẽma tórü Cori ya Tupanaarü ãmarearü guruxü̃.

Ãẽ̱xgacügü ga guxchaxü̃güarü mexẽxẽruü̃gü 21:12

Yéma duü̃xü̃gü ga Yabécüã̱xtanüwa rü nayemagü ga 400 ga paxü̃gü ga taguma yatü nüxü̃ cuáxü̃. Rü Canaáü̃anearü ĩane ga Chilówa ngĩxü̃ nagagü ga Iraétanüxü̃ íyexmagüxü̃wa.