Biblia Todo Logo
Bib sou entènèt

- Piblisite -




Yochué 17:7 - Tupanaarü Ore

7 Rü yema naane ga Manachétanüxü̃ yauxgüxü̃ rü Achéwa inaxügü ñu̱xmata Mixmetáxwa nangu. Rü Mixmetáx rü ĩane ga Chiquéü̃arü to̱xma̱xtawa nayexma. Rü yéma rü súrwaama nada ñu̱xmata natüxacü ga Tapúawa yexmaxü̃wa nangu.

Gade chapit la Kopi




Yochué 17:7
15 Referans Kwoze  

Rü Efraíü̃arü naanearü ma̱xpǘneanexü̃wa yexmagüne ga ĩanegüwa rü nüxna ne naxãgü ga ĩane ga Chiquéü̃ namaxã ga norü wocachitaü̃gü. Rü guma ĩane rü cu̱xchicaruxü̃ nixĩ naxca̱x ga yema togue tüxü̃ ima̱xcüraxü̃xü̃. Rü naigü ga ĩanegü ga nüxna naxãgüne rü daagü nixĩ: Guéche namaxã ga norü wocachitaü̃gü, rü Quixchaíü̃ namaxã ga norü wocachitaü̃gü, rü Bex-oróü̃ namaxã ga norü wocachitaü̃gü. Rü guxü̃wama rü 4 ga ĩanegü nixĩ ga nüxna naxãgüne norü wocachitaü̃maxãchigü.


Rü yexgumarüxü̃ ta guxü̃ma ga naxü̃nachitaxü̃gümaxã nüxna nanaxã ga ĩane ga Chiquéü̃ ga cu̱xchicaxü̃ ixĩxü̃ne ga Efraíü̃arü máxpü̱xanexü̃wa yexmane. Rü nai ga ĩane ga nüxna naxãgüne nixĩ ga Guéche, guxü̃ma ga norü naxü̃nachitaxü̃gümaxã.


Rü nüma ga Yeruboáü̃ rü wenaxarü nanamexẽxẽ ga guma ĩane ga Chiquéü̃ ga Efraíü̃arü ma̱xpǘneanewa yexmane. Rü gumagu naxãchiü̃ ga nüma ga ãẽ̱xgacü ga Yeruboáü̃. Rü guma Chiquéü̃ namexẽẽguwena rü nanamexẽxẽ ga guma ĩane ga Penué.


Rü nüma ga Charomóü̃ nane ga Roboáü̃ rü ĩane ga Chiquéü̃wa naxũ yerü guxü̃ma ga Iraéanecüã̱xgü yéma naxĩ nax yéma ãẽ̱xgacüxü̃ yangucuchixẽẽgüãxü̃ca̱x.


Nüma ga Abimeréx ga Yedeóü̃ nane, rü Chiquéü̃wa naxũ nax norü mamatanüxü̃maxã yanadexaxü̃ca̱x rü ñanagürü nüxü̃:


Rü gumá Yúchechina̱xãgü ga Iraétanüxü̃ Equítuanewa ne naxü̃ne rü Chiquéü̃anegu nayata̱xgü nagu ga yema naane ga Acóbu, Amóx nanegüxü̃tawa 100 tachinü ga diẽrugu naxca̱x taxexü̃. Rü nüma ga Amóx rü Chiquéü̃natü nixĩ. Rü yixcama ga yema naane rü Yúchetaagüna naxǘ.


Rü nüma ga Yochué rü Chiquéü̃gu nanangutaque̱xexẽxẽ ga guxü̃ma ga duü̃xü̃gü ga Iraétanüxü̃, wüxigu namaxã ga yema natücumüchigüarü ãẽ̱xgacügü, rü ãẽ̱xgacügü ga guxchaxü̃arü mexẽẽruü̃gü, rü yema churaragüarü ãẽ̱xgacügü. Rü yéma Tupanape̱xewa ñanagürü: —Yimá tórü Tupana i yixema i Iraétanüxü̃ rü ñanagürü: “Nũxcüma ga nüma ga Téra rü nanegü ga Abraáü̃ rü Nacóx ga perü o̱xigü ixĩgücü, rü taxtü ga Eufrátecutügu naxãchiü̃gü. Rü yéma nixĩ ga tupananetagüxü̃ yacua̱xüü̃güxü̃.


Rü ñu̱xũchi ga nüma ga Iraétanüxü̃ rü nüxü̃ naxunetagü ga tomaepü̱x ga ĩanegü nax cu̱xchicaxü̃ruü̃gü yaxĩgüxü̃ca̱x: Rü wüxi nixĩ ga Quédex ga Gariréawa ga Netaríarü ma̱xpǘneanewa yexmane, rü nai nixĩ ga Chiquéü̃ ga Efraíü̃arü ma̱xpǘneanewa yexmane, rü nai nixĩ ga Quiriáx-abá ga Yudáarü ma̱xpǘneanewa yexmane. (Rü guma ĩane rü to ga naéga rü Ebróü̃ nixĩ.)


Rü nüma ga Iraé rü nanangãxü̃, rü ñatagürü: —¡Ẽcü íyadau i cuenexẽgü rü ngẽma carnérugü! ¡Rü ñu̱xũchi nataegu nax chomaxã nüxü̃ quixuxü̃ca̱x nax ñuxãcü ínangupetüxü̃! —ñatagürü. Rü yemaacü Ebróü̃wa inaxũãchi ga Yúche ga Chiquéü̃wa nax naxũxü̃.


Rü wüxi ga ngunexü̃gu rü ĩane ga Chiquéü̃arü ngaicamana naxĩ ga Yúcheeneegü nax yexma maxẽ ne yadaugüxü̃ca̱x naxca̱x ga nanatüarü carnérugü.


Rü nüma ga Ebéutanüxü̃ ga Amóx ga guma ĩanearü ãẽ̱xgacü nane ga Chiquéü̃ ngĩxü̃ nadau. Rü ngĩxü̃ niyaxu rü ngĩmaxã namaxü̃.


Yerü naxacügü ga Manachétanüxü̃ rü ngĩxna nanaxãgü ga naane yema iyatüxü̃rüxü̃tama. Rü yema Garaáxarü naane rü yema togü ga Manachétaagüca̱x nixĩ.


Rü woo ga yema Tapúaarü naane rü Manachétanüxü̃arü nixĩ, natürü nüma ga guma ĩane ga Tapúa ga Manachéarü naane íxüyéxü̃wa yexmane, rü Efraíü̃tanüxü̃güna naxǘ.


Rü cumax, Pa Tupanax, rü cupatawa quidexa rü ñacurügü: —Ngẽma naane i Chiquéü̃wa ngẽxmaxü̃ rü tá ichayanu nüxü̃ i chorü duü̃xü̃gü. Rü ngẽxgumarüxü̃ tá ta ichayanu i ngẽma naane i metachinüxü̃ i Chucóxwa ngẽxmaxü̃.


Swiv nou:

Piblisite


Piblisite