Yochué 17:5 - Tupanaarü Ore

⁵ Rü yemaacü ga yema Manachétanüxü̃ rü nanayauxgü ga 10 ga naanegü naétü ga yema naanegü ga Garaáx, rü Bacháü̃ ga natü ga Yudáü̃arü éstewaama yexmagüxü̃.

Yochué 17:5 Referans Kwoze

Yochué 17:14

Rü yema Yúchetaagü rü Yochuéxü̃ ñanagürügü: —Tupana rü poraãcü toxü̃ narüngü̃xẽxẽ rü ñu̱xma rü tamu. ¿Rü tü̱xcüü̃ toxna cunaxã i wüxitama i naane? —ñanagürügü.

Yochué 13:11

Rü nanayauxgü ta ga Garaáxane, rü Guechuréuane, rü Maacáane, rü naétü ga guma ma̱xpǘne ga Ermóü̃, rü guxü̃ma ga Bacháü̃ane ñu̱xmata Chacáwa nangu. Rü namaxã nangau ga yema naanegü ga Bacháü̃anearü ãẽ̱xgacü ga Óx namaxã icuáxü̃. Rü nüma ga Óx rü Atarúwa rü Edréiwa ãẽ̱xgacü nixĩ. Rü yexguma Moiché yema Refátanüxü̃xü̃ rüporamaegu rü ínawoxü̃ãgu ga yema naanewa rü nüma ga Óx nixĩ ga Refátanüxü̃ ga nawa iyacuáxü̃.

Yochué 17:4

Rü yemaca̱x ga ngĩmagü rü naxü̃tawa ixĩ ga chacherdóte ga Ereachá rü Yochué rü ĩanegüarü ãẽ̱xgacügü rü namaxã nüxü̃ iyarüxugüe i ñaa ore, rü ngĩgürügügü: —Nüma ga Cori ya Tupana rü Moichémaxã nüxü̃ nixu nax toxna penaxãxü̃ i naane ngẽma totanüxü̃na penaxãxü̃rüxü̃ —ngĩgürügügü. Rü yexguma ga nüma ga Yochué rü ngĩxna tanaxã ga naane yema ngĩnatütanüxü̃na naxããxü̃rüxü̃. Yerü yema nixĩ ga Cori ya Tupanaarü mu.

Yochué 17:6

Yerü naxacügü ga Manachétanüxü̃ rü ngĩxna nanaxãgü ga naane yema iyatüxü̃rüxü̃tama. Rü yema Garaáxarü naane rü yema togü ga Manachétaagüca̱x nixĩ.

Yochué 22:7

Rü yema ngãxü̃tücumü ga Manachétanüxü̃ rü Moiché rü Bacháü̃anewa nüxna nanaxã ga norü naane. Rü yema to ga ngãxü̃tücumü ga Manachétanüxü̃ rü Yochué rü norü naane nüxna naxã natanüwa ga yema Iraétanüxü̃ ga natü ga Yudáü̃arü oéstewaama yexmagüxü̃. Rü yema Manachétanüxü̃ ga nüxíra naane Moiché nüxna ãxü̃ rü Yochué rü mexü̃ namaxã naxuegu rü yemaacü ínayamugü.

Echequié 48:4

Rü Netarítücumüwena rü Manachétücumüna nanaxãgü i norü naane. Rü ngẽma naane rü éstewa tá inaxügü rü ñu̱xmata oéstewa nangu.