Yochué 17:16 - Tupanaarü Ore

¹⁶ Rü yexguma ga nümagü rü ñanagürügü: —Aixcüma nixĩ i tama nagu imexü̃ i ñaa torü naane i máxpü̱xanexü̃. Natürü ngẽma Canaáü̃cüã̱xgü i ngẽma ínadoxonexü̃wa maxẽxü̃ rü nüxü̃́ nangẽxma ya carugü ya fierunaxca̱x. Rü ngẽxgumarüxü̃ ta i ngẽma duü̃xü̃gü i Bex-cheáü̃wa rü norü ĩanexacügüwa rü Yereéarü doxonexü̃wa maxẽxü̃ rü nüxü̃́ nangẽxma ya carugü ya fierunaxca̱x —ñanagürügü.

Yochué 17:16 Referans Kwoze

Nüxíraxü̃xü̃ ga popera ga ãẽ̱xgacügüchiga 4:12

Rü Baaná ga Ailúx nane rü ãẽ̱xgacü nixĩ ga Taanáxwa rü Meguíduwa rü guxü̃ma i Bex-cheáü̃ane ga Charetáü̃na ngaicamaxü̃ ga Yereéarü súrwaama yexmaxü̃. Rü Bex-cheáü̃wa inaxügü ñu̱xmata Abé-meurágu yacuáx ga Yoxmeáü̃arü yeama.

Ãẽ̱xgacügü ga guxchaxü̃güarü mexẽxẽruü̃gü 4:3

Rü nüma ga Yabíü̃ rü nüxü̃́ nayexma ga 900 ga daiwexü̃ ga fierunaxca̱x ga cowaru itúgüne. Rü 20 ga taunecü poraãcü chixri Iraétanüxü̃maxã inacua̱x. Rü yemaca̱x ga yema Iraétanüxü̃ rü düxwa Cori ya Tupanaarü ngü̃xẽẽca̱x ínacagüe.

Ãẽ̱xgacügü ga guxchaxü̃güarü mexẽxẽruü̃gü 1:19

Rü Cori ya Tupanaarü ngü̃xẽẽmaxã nüma ga Yudátanüxü̃ nayapugü ga yema máxpü̱xanexü̃. Natürü taxucürüwa nayapugü ga yema doxonexü̃, yerü yema duü̃xü̃gü ga yéma maxẽxü̃ rü nüxü̃́ nayexmagü ga carugü ga fierunaxca̱x ixĩgüne.

Ãẽ̱xgacügü ga guxchaxü̃güarü mexẽxẽruü̃gü 6:33

Rü yemawena rü guxü̃ma ga Madiáü̃tanüxü̃ rü Amaréxtanüxü̃ rü duü̃xü̃gü ga éstewaama ne ĩxü̃, rü wüxigu nangutaque̱xe. Rü natü ga Yudáü̃ nichoü̃ rü Yereéarü metachinüxü̃wa nangugü rü yexma napegü.

Norü taxre ga popera ga ãẽ̱xgacügüchiga 9:37

Rü ngẽma ngĩmachi rü Yereéanegu tá namaxã nawo̱xegü nax ngẽmaãcü taxúema nüxü̃ cuáxü̃ca̱x ya yima ngĩxchina̱xãgü —ñanagürü.

Norü taxre ga popera ga ãẽ̱xgacügüchiga 9:10

Rü ngĩma i Yechabé rü taxúetama ngĩxü̃ itata̱x. Rü ngẽma ngĩxü̃ne rü ĩane ya Yereéarü naanegu airugü tá nanangõ̱xgümare”, ñanagürü ga Tupana —ñanagürü. Rü yema orexü̃ yaxuxguwena ga gumá Tupanaarü orearü uruxü̃ rü nayawãxna ga ĩã̱x rü niña.

Nüxíraxü̃xü̃ ga popera ga ãẽ̱xgacügüchiga 21:23

Rü Yechabéchiga rü Cori ya Tupana rü ñanagürü: “Rü ngẽma airugü rü tá ngĩxü̃ nangṍmachigü i Yereéarü ĩxpemawa.

Nüxíraxü̃xü̃ ga popera ga ãẽ̱xgacügüchiga 21:1

Rü wüxi ga yatü ga ĩane ga Yereécüã̱x ga Nabúgu ãégacü rü guma ĩanewa nüxü̃́ nayexma ga wüxi ga úbanecü ga ãẽ̱xgacü ga Acáxpataarü ngaicamana.

Nüxíraxü̃xü̃ ga popera ga ãẽ̱xgacügüchiga 18:46

Rü nüma ga Cori ya Tupana rü Eríana pora naxã. Rü yexguma marü nügüna pexnagüchirugu rü ĩane ga Yereéwa naña. Rü Acáxü̃pa yéma nangu.

Yochué 19:18

Rü yema norü naanewa rü nayexmagü ga daa ĩanegü: Yereé, rü Quechuróx, rü Chunéü̃, rü Afaraíü̃, rü Chióü̃, rü Anaaráx, rü Rabíx, rü Quichióü̃, rü Ébe, rü Rémex, rü En-ganíü̃, rü En-adá, rü Bex-paché.

Yochué 17:11

Rü yexgumarüxü̃ ta Ichacáarü naanewa rü Achéarü naanewa Manachéna naxǘ ga ñuxre ga ĩanegü norü ĩanexacügümaxã. Rü daagü nixĩ: Bex-cheáü̃, rü Ibeáü̃, rü Dóx, rü Endóx, rü Taanáx, rü Meguídu, rü ñu̱xũchi guma tomaepü̱x ga ma̱xpǘnegü.

Yochué 17:15

Rü nüma ga Yochué rü nanangãxü̃ rü ñanagürü: —Dücax, pemax nax pemuxü̃ rü tama nagu peme i ngẽma máxpü̱xanexü̃ i Efraíü̃arü ixĩxü̃. Rü ngẽmaca̱x name i ngẽma naixnecüã́xü̃ i naanewa pexĩ, rü ngẽxma pexüanegü nagu i ngẽma naane i Ferechéugüarü, rü Refátanüxü̃arü ixĩxü̃ —ñanagürü.

Yochué 17:17

Rü yexguma nüma ga Yochué rü yema Yúchetaagüxü̃ ga Efraíü̃tanüxü̃xü̃, rü Manachétanüxü̃xü̃ nangãxü̃ rü ñanagürü: —Pema nax pemuxü̃ rü peporae rü taxũtáma wüxiwa tátama naane pexna naxǘ. Natürü ngẽma máxpü̱xanexü̃ i naixnecüã́xü̃ rü tá ta pexrü nixĩ. ¡Rü nagu pexüanegü! Rü ngẽma Canaáü̃cüã̱xgü rü tá ípenawoxü̃ nawa i ngẽma naane woo i nümagü rü naporae rü nüxü̃́ nangẽxma i carugü i fierunaxca̱x —ñanagürü.

Nüxíraxü̃xü̃ ga popera ga ãẽ̱xgacügüchiga 18:45

Rü naweü̃gu naxĩnagü ga Acáx, rü paxa ĩane ga Yereéwa naxũ. Rü yexgumayane rü nanaxẽãchiane, rü nibua, rü tacü ga pucü ínangu.

Yeremía 49:2

Rü nüma ya Cori ya Tupana rü ñanagürü: —Rü nawa tá nangu i ngunexü̃ nax yima Amóü̃tanüxü̃arü ĩane ya Rabáwa tá norü duü̃xü̃güxü̃ nüxü̃ chaxĩnüexẽẽxü̃ nax tagaãcü daimaxã aita naxüexü̃ i norü uanügü. Rü yima ĩane rü nachitaxü̃xica tá ngéma nayaxü. Rü ngẽma nachixü̃anearü ĩanegü rü tá ínagu. Rü ngẽxguma i ngẽma Iraétanüxü̃ rü wena tá nanayauxgü ya yima norü ĩanegü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

1 Chamué 29:1

Rü nüma ga Firitéugüarü churaragüerugü rü Aféxgu nanangutaque̱xexẽxẽ ga guxü̃ma ga norü churaragü. Rü yoxni ga nüma ga Iraétanüxü̃ rü yema natüxacü ga ĩane ga Yereéwa yexmaxü̃gu nügü nanutaque̱xe.