Yochué 17:11 - Tupanaarü Ore

¹¹ Rü yexgumarüxü̃ ta Ichacáarü naanewa rü Achéarü naanewa Manachéna naxǘ ga ñuxre ga ĩanegü norü ĩanexacügümaxã. Rü daagü nixĩ: Bex-cheáü̃, rü Ibeáü̃, rü Dóx, rü Endóx, rü Taanáx, rü Meguídu, rü ñu̱xũchi guma tomaepü̱x ga ma̱xpǘnegü.

Yochué 17:11 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:29

Rü yema Manachétaagüme̱xẽwa nayexma ga ĩanegü ga Bex-cheáü̃, rü Taanáx, rü Meguídu, rü Dóx, namaxã ga norü ĩanexacüchigü. Rü yema ĩanegüwa nixĩ ga namaxẽxü̃ ga nataagü ga Yúche ga Iraé nane.

Norü taxre ga popera ga ãẽ̱xgacügüchiga 9:27

Rü yemaxü̃ nada̱u̱xgu ga Ocochía ga Yudáanearü ãẽ̱xgacü, rü ĩane ga Bex-agáü̃ca̱x niña nagu ga yema nama ga ĩane ga Gúruwa daxü̃. Natürü nüma ga Yeú rü nawe nangẽ rü norü churaragüxü̃ namu nax yama̱xgüãxü̃ca̱x. Rü guma ĩane ga Ibeáü̃arü ngaicamagu nüxü̃ nayangaugü, rü yexma naweü̃gutama nanapi̱xẽẽgü. Natürü ga nüma rü niñaama rü ñu̱xmata ĩane ga Meguíduwa nangu. Rü yexma nayu.

Ãẽ̱xgacügü ga guxchaxü̃güarü mexẽxẽruü̃gü 5:19

Rü yema Canaáü̃tanüxü̃arü ãẽ̱xgacügü rü ĩane ga Taanáxwa nangugü napechinüwa ga yema natü ga Chiyóü̃ ga Meguíduwa daxü̃. Rü yexma Iraétanüxü̃maxã nügü nadai, natürü taxuxü̃ma ga diẽrumaxã rü yemaxü̃gümaxã nawoegu.

Ãẽ̱xgacügü ga guxchaxü̃güarü mexẽxẽruü̃gü 1:27

Yema Manachétanüxü̃ rü taxucürüwa guma ĩanegü ga Bex-cheáü̃wa rü Taanáxwa rü Dóxwa rü Ibeáü̃wa rü ñu̱xũchi Meguíduwa ínanawoxü̃ ga yema duü̃xü̃gü ga guma ĩanegüwa maxẽxü̃. Rü woo ga guma ĩanegüarü ngaicamawa yexmagüxü̃ ga ĩanexacügüarü duü̃xü̃gü rü taxucürüwa ínanawoxü̃. Rü yemaacü ga yema Canaáü̃tanüxü̃ rü yématama namaxẽ.

Yochué 12:23

ĩane ga Dóx ga Nafóx Dóxanewa yexmanearü ãẽ̱xgacü, rü ĩane ga Goíü̃ ga Guirigáanewa yexmaxnearü ãẽ̱xgacü, rü ĩane ga Tircháarü

Nüxíraxü̃xü̃ ga popera ga ãẽ̱xgacügüchiga 9:15

Rü ñaa nixĩ ga yema puracügü ga ãẽ̱xgacü ga Charomóü̃ duü̃xü̃güxü̃ üxẽẽxü̃. Rü wüxi nixĩ ga Tupanapata ga taxü̃nearü ü, rü to nixĩ ga napataarü ü, rü waixü̃müarü mexẽẽane, rü ĩane ga Yerucharéü̃arü poxeguxü̃tapü̱xarü ü. Rü ñu̱xũchi nanamu nax yamexẽẽgüãxü̃ ga ĩanegü ga Achóx, rü Meguídu, rü Guéche.

1 Chamué 31:10

Rü yemawena rü norü tupana ga Atarépatagu nananucu ga guma naxnegü ga Chaú. Rü naxü̃ne rü ĩane ga Bex-cháü̃arü poxeguxü̃tápü̱xwa nanatuxẽẽgü.

1 Chamué 28:7

Rü yemaca̱x ga Chaú rü norü churaragüxü̃ namu rü ñanagürü: —¡Ẽcü ngĩxca̱x peda̱u̱x i wüxi i nge i nüxü̃ cua̱xcü nax yuetaca̱x nangemaxü̃, nax ngéma chaxũxü̃ca̱x, rü ngĩxna chayaca̱xaxü̃ca̱x! —ñanagürü. Rü nüma ga churaragü rü nanangãxü̃gü rü ñanagürügü: —Rü Endóxwa ingẽxma i wüxi i nge i nüxü̃ cua̱xcü nax yuetaca̱x nangemaxü̃ —ñanagürügü.

Chacaría 12:11

Rü ngẽma ngunexü̃gu rü ĩane ya Yerucharéü̃wa rü tá taxü̃ i ngechaü̃ ínangu yexguma Yudáanearü ãẽ̱xgacü ga Adáx-rimóü̃ ga Meguíduarü doxonexü̃gu yu̱xgurüxü̃.

Norü taxre ga to ga popera ga ãẽ̱xgacügüchiga ümatüxü̃ 35:22

Natürü nüma ga Yochía rü tama inaxĩnüchaü̃ nax Tupana yixĩxü̃ ga Necáuwa idexacü. Rü yemaca̱x nügü nanatoraxü̃xẽxẽ rü Meguíduarü doxonexü̃wa naxũ nax yexma Necáumaxã nügü nada̱i̱xü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:70

Rü ngãxü̃tücumü ga Manachétanüxü̃arü naanewa nüxna nanaxã ga ĩanegü ga Anéx rü Bireáü̃ guxü̃ma ga norü naxü̃nachitaxü̃gümaxã. Rü guma nixĩ ga ĩanegü ga togü ga Queáxtanüxü̃na naxãgüne.

Yochué 16:9

Rü nayexma ta ga ñuxre ga ĩanegü rü ĩanexacügü ga Manachétücumüanewa yexmagüne ga Efraíü̃tanüxü̃na üxü̃ne.

Yochué 12:21

Taanáxarü ãẽ̱xgacü, rü Meguíduarü ãẽ̱xgacü, rü

Yochué 17:10

Rü yema Efraíü̃arü naane rü natüxacüarü súrwaama naxǘ, rü yema Manachéarü naane rü natüxacüarü nórtewaama naxǘ. Rü yema norü üyeane rü Már Mediteráneugu nayacua̱x. Rü to ga naanegü ga Manachéanemaxã yaxüyexü̃ nixĩ ga Achétanüxü̃arü naane ga nórtewaama, rü Ichacátanüxü̃arü naane ga éstewaama.

Yochué 17:16

Rü yexguma ga nümagü rü ñanagürügü: —Aixcüma nixĩ i tama nagu imexü̃ i ñaa torü naane i máxpü̱xanexü̃. Natürü ngẽma Canaáü̃cüã̱xgü i ngẽma ínadoxonexü̃wa maxẽxü̃ rü nüxü̃́ nangẽxma ya carugü ya fierunaxca̱x. Rü ngẽxgumarüxü̃ ta i ngẽma duü̃xü̃gü i Bex-cheáü̃wa rü norü ĩanexacügüwa rü Yereéarü doxonexü̃wa maxẽxü̃ rü nüxü̃́ nangẽxma ya carugü ya fierunaxca̱x —ñanagürügü.

Yeremía 49:2

Rü nüma ya Cori ya Tupana rü ñanagürü: —Rü nawa tá nangu i ngunexü̃ nax yima Amóü̃tanüxü̃arü ĩane ya Rabáwa tá norü duü̃xü̃güxü̃ nüxü̃ chaxĩnüexẽẽxü̃ nax tagaãcü daimaxã aita naxüexü̃ i norü uanügü. Rü yima ĩane rü nachitaxü̃xica tá ngéma nayaxü. Rü ngẽma nachixü̃anearü ĩanegü rü tá ínagu. Rü ngẽxguma i ngẽma Iraétanüxü̃ rü wena tá nanayauxgü ya yima norü ĩanegü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.