Yochué 17:10 - Tupanaarü Ore

¹⁰ Rü yema Efraíü̃arü naane rü natüxacüarü súrwaama naxǘ, rü yema Manachéarü naane rü natüxacüarü nórtewaama naxǘ. Rü yema norü üyeane rü Már Mediteráneugu nayacua̱x. Rü to ga naanegü ga Manachéanemaxã yaxüyexü̃ nixĩ ga Achétanüxü̃arü naane ga nórtewaama, rü Ichacátanüxü̃arü naane ga éstewaama.

Yochué 17:10 Referans Kwoze

Yochué 17:9

Rü yéma rü narüdae, rü súrwaama nada ga norü üyeane ñu̱xmata natüxacü ga Canáwa nangu. Rü yemaacü ga guma Efraíü̃arü ĩanegü rü Manachéarü ĩanetanüwa nayexmagü rü woo ga yema üyeane ga yema natüxacüarü nórtewaama üxü̃ rü Manachéarü nixĩ ñu̱xmata Már Mediteráneuwa nangu.

Yochué 17:11

Rü yexgumarüxü̃ ta Ichacáarü naanewa rü Achéarü naanewa Manachéna naxǘ ga ñuxre ga ĩanegü norü ĩanexacügümaxã. Rü daagü nixĩ: Bex-cheáü̃, rü Ibeáü̃, rü Dóx, rü Endóx, rü Taanáx, rü Meguídu, rü ñu̱xũchi guma tomaepü̱x ga ma̱xpǘnegü.