Yochué 17:1 - Tupanaarü Ore1 Rü ñaa nixĩ ga yema naane ga Yúche nane ga yacü ga Manachéarü duü̃xü̃gü yauxgüxü̃. Rü yexguma namaxü̃gu ga Moiché rü Manaché nane ga yacü ga Maquítanüxü̃na nanaxã ga Garaáxane rü Bacháü̃ane ga natü ga Yudáü̃arü éstewaama yexmaxü̃. Rü nüma ga Maquí rü Garaáxnatü nixĩ rü daiwa napora. Gade chapit la |
Rü yemaacü ga Moiché rü yema Gáxtanüxü̃na, rü Rubéü̃tanüxü̃na, rü Yúche nane ga Manachétanüxü̃arü ngãxü̃tücumüna nanaxã ga yema naane ga Amoréugüarü ãẽ̱xgacü ga Chióü̃arü naane rü yema Bacháü̃arü ãẽ̱xgacü ga Óxarü naane. Rü yema naanemaxã nüxna nanaxã ga guma ĩanegü ga nawa yexmagüne rü ñu̱xũchi yema wocachitaü̃gü ga guma ĩanegüna ügüxü̃.
Rü yema ngãxü̃tücumü ga Manachétanüxü̃ rü Moiché rü Bacháü̃anewa nüxna nanaxã ga norü naane. Rü yema to ga ngãxü̃tücumü ga Manachétanüxü̃ rü Yochué rü norü naane nüxna naxã natanüwa ga yema Iraétanüxü̃ ga natü ga Yudáü̃arü oéstewaama yexmagüxü̃. Rü yema Manachétanüxü̃ ga nüxíra naane Moiché nüxna ãxü̃ rü Yochué rü mexü̃ namaxã naxuegu rü yemaacü ínayamugü.
Rü choma ya Cori ya Tupana rü nüxü̃ chixu rü ñacharügü: —Ñaa tá nixĩ i norü üyeanechigü i ngẽma naane i tá nayauxgüxü̃ i ngẽma 12 tücumü i Iraétanüxü̃. Rü ngẽma Yúchena üxü̃ rü taxre i naane tá nixĩ. Rü choma rü marü perü o̱xigümaxã chanaxuegu nax nüxna chanaxãxü̃ i ñaa nachixü̃ane. Rü ñu̱xma rü chanaxwa̱xe nax nawüxiguxü̃ i norü ta i wüxichigü i ngẽma naane i pegü pinuxü̃, erü ñaa nachixü̃ane i pexna chaxãxü̃ rü woetama perü nixĩ.