Yochué 16:5 - Tupanaarü Ore

⁵ Rü yema Efraíü̃tanüxü̃arü naanearü üyeane rü Atarú-adáxwa inaxügü ga éstewaama. Rü ínadaãchi ñu̱xmata guma ĩane ga Dauxü̃wa Yexmane ga Bex-oróü̃wa nangu.

Yochué 16:5 Referans Kwoze

Yochué 18:13

Rü yéma rü inida rü ĩane ga Lúxarü súrwaama nadapetü. (Rü guma ĩane rü Beté nixĩ ga to ga naéga.) Rü yéma rü narüdae, rü ñu̱xmata Atarú-adáxwa nangu. Rü yéma narüdae ñu̱xmata nawa nangu ga guma ma̱xpǘne ga ĩane ga Bex-oróü̃arü súrwaama yexmane. Rü guma ĩane ga Bex-oróü̃ rü guma ma̱xpǘnepechinüwa nayexma.

Yochué 16:2

Rü Beté rü to ga naéga rü Lúx nixĩ. Rü guma ĩanewa rü inida rü Arquítanüxü̃arü naanewa nadapetü ñu̱xmata Atarúwa nangu. Rü yéma rü oéstewaama nada. Rü Yapéxtanüxü̃arü naanewa narüdae ñu̱xmata Bex-oróü̃wa nangu. Rü yéma rü nadapetü ñu̱xmata Guéchewa nangu. Rü yéma rü inida ñu̱xmata Már Mediteráneugu nayacua̱x ga yema üyeane.

Yochué 10:10

Rü nüma ga Cori ya Tupana rü poraãcü yema Amoréutanüxü̃xü̃ namuü̃exẽxẽ nape̱xewa ga Iraétanüxü̃. Rü yemaca̱x ga Yochuéarü churaragü rü ĩane ga Gabaóü̃gu nanadai ga muxü̃ma. Rü ñu̱xũchi nawe nangẽgü nagu ga yema nama ga Bex-oróü̃wa nadaxü̃. Rü nayadaietanü ga yema Amoréutanüxü̃ ñu̱xmata ĩanegü ga Achecá rü Machedáwa nangugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:24

Rü Cheerá ga Beriáacü rü inaxü ga guma ĩane ga Bex-oróü̃ ga doxonewa yexmane, rü guma ĩane ga Bex-oróü̃ ga ma̱xpǘnewa yexmane. Rü ñu̱xũchi inaxü ta ga guma ĩane ga Uchéü̃-cheerá.

Echequié 48:5

Rü Manachétücumüwena rü Efraíü̃tücumüna nanaxãgü i norü naane. Rü ngẽma naane rü éstewa tá inaxügü rü ñu̱xmata oéstewa nangu.

2 Chamué 2:9

Rü yéma chíxü̃maxã nanabaeru nax ãẽ̱xgacü yixĩxü̃ca̱x ga Garaáxanewa, rü Guechuríanewa, rü Yereéanewa, rü Efraíü̃anewa, rü Bẽyamíü̃anewa, rü guxü̃ma ga Iraéanewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:28

Rü yema Efraíü̃tanüxü̃arü naanegü rü ĩanegü ga nawa namaxẽxü̃ nixĩ ga Beté, rü Naaráü̃ ga éstewaama, rü Guéche ga oéstewaama, rü Chiquéü̃ ñu̱xmata Ayágu yacuá. Rü guxü̃nema ga guma ĩanegügu rü norü ĩanexacügügu nixĩ ga naxãchiü̃güxü̃ ga yema Efraíü̃tanüxü̃.