Yochué 16:4 - Tupanaarü Ore

⁴ Rü yema nixĩ ga naanegü ga nayauxgüxü̃ ga Manachétücumü rü Efraíü̃tücumü ga Yúchetaagü ixĩgüxü̃.

Yochué 16:4 Referans Kwoze

Yochué 17:14

Rü yema Yúchetaagü rü Yochuéxü̃ ñanagürügü: —Tupana rü poraãcü toxü̃ narüngü̃xẽxẽ rü ñu̱xma rü tamu. ¿Rü tü̱xcüü̃ toxna cunaxã i wüxitama i naane? —ñanagürügü.

Yochué 16:5

Rü yema Efraíü̃tanüxü̃arü naanearü üyeane rü Atarú-adáxwa inaxügü ga éstewaama. Rü ínadaãchi ñu̱xmata guma ĩane ga Dauxü̃wa Yexmane ga Bex-oróü̃wa nangu.

Naanearü ügüchiga 41:52

Rü guma rübumaecü ga nane rü Efraíü̃gu nanaxüéga, yerü ñanagürü: —Tupana rü ñaa nachixü̃ane i nawa ngúxü̃ chingexü̃wa choxna nanamu ya chaune —ñanagürü.

Yochué 14:4

Rü yema Yúchetaagü rü taxretücumü nixĩ, rü yema nixĩ ga Manachétanüxü̃ rü Efraíü̃tanüxü̃. Natürü ga Lebítanüxü̃ rü taxuxü̃ma ga naane nüxna naxã. Rü ĩanegüxica nüxna naxãgü nax nawa namaxẽxü̃ca̱x. Rü guma ĩanegü rü nüxü̃́ nayexmagü ga norü naanegü nax nawa nayaexẽẽãxü̃ca̱x ga norü wocagü rü carnérugü.

Yochué 18:5

Rü ngẽma yatügü rü chanaxwa̱xe i 7 gu nax yayauxyegüãxü̃ i ngẽma naane. Natürü taxũtáma namaxã nanangauxẽẽgü i ngẽma Yudátanüxü̃arü naane i súrwaama ngẽxmaxü̃ rü ngẽma Yúchetaagüarü naane i nórtewaama ngẽxmaxü̃.

Echequié 47:13

Rü choma ya Cori ya Tupana rü nüxü̃ chixu rü ñacharügü: —Ñaa tá nixĩ i norü üyeanechigü i ngẽma naane i tá nayauxgüxü̃ i ngẽma 12 tücumü i Iraétanüxü̃. Rü ngẽma Yúchena üxü̃ rü taxre i naane tá nixĩ. Rü choma rü marü perü o̱xigümaxã chanaxuegu nax nüxna chanaxãxü̃ i ñaa nachixü̃ane. Rü ñu̱xma rü chanaxwa̱xe nax nawüxiguxü̃ i norü ta i wüxichigü i ngẽma naane i pegü pinuxü̃, erü ñaa nachixü̃ane i pexna chaxãxü̃ rü woetama perü nixĩ.