Yochué 16:10 - Tupanaarü Ore

¹⁰ Natürü ga Efraíü̃tanüxü̃ rü tama ínanawoxü̃ ga yema Cananéugü ga ĩane ga Guéchewa maxẽxü̃. Rü nügütanüwatama nanayexmagüxẽxẽ, natürü norü puracütanüxü̃xü̃ nayaxĩgüxẽxẽ. Rü ñu̱xma rü ta i ngẽma Cananéugü rü ngématama namaxẽ.

Yochué 16:10 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 1:29

Rü yema Efraíü̃tanüxü̃ rü ta taxucürüwa ínanawoxü̃ ga yema Canaáü̃tanüxü̃ ga ĩane ga Guéchegu ãchiü̃güxü̃. Rü yemaca̱x ga yema Canaáü̃tanüxü̃ rü yématama Efraíü̃tanüxü̃tanüwa namaxẽ.

Nüxíraxü̃xü̃ ga popera ga ãẽ̱xgacügüchiga 9:16

Yerü Faraóü̃ ga Equítuanearü ãẽ̱xgacü, rü ĩane ga Guéchegu naxücu. Rü nanadai ga guxü̃ma ga Canaáü̃tanüxü̃ ga yexma ãpatagüxü̃, rü ñu̱xũchi nayagu ga guma ĩane. Rü yemawena rü naxacü ga Charomóü̃ naxma̱xü̃ namaxã naxãmareã̱x ga guma ĩane.

Yochué 17:13

Natürü yexguma yixcüra yexera naporaegu ga Iraétanüxü̃ rü Canaáü̃cüã̱xgümaxã inacua̱xgü rü nüxü̃ nanaxütanüxẽẽgü nax yéma nayexmagüxü̃ca̱x. Natürü tama ínanawoxü̃.

Yochué 15:63

Natürü yema Yudátanüxü̃ rü taxucürüwama Yerucharéü̃wa ínanawoxü̃ ga Yebuchéugü ga yexma ãchiü̃güxü̃. Rü ngẽmaca̱x i ngẽma Yebuchéugü rü ñu̱xma rü ta wüxigu Yudátanüxü̃maxã Yerucharéü̃wa namaxẽ.

Yochué 10:33

Rü nüma ga Oráü̃ ga Guéchearü ãẽ̱xgacü rü norü churaragümaxã ĩane ga Láquiétüwa nayuxu. Natürü nüma ga Yochué rü nüxü̃ narüporamae rü guxü̃xü̃ma nadaiama, rü bai ga wüxi ga maxü̃xü̃ ga íyaxüxü̃.

Yochué 16:9

Rü nayexma ta ga ñuxre ga ĩanegü rü ĩanexacügü ga Manachétücumüanewa yexmagüne ga Efraíü̃tanüxü̃na üxü̃ne.

Yochué 17:12

Natürü ga Manachétücumüarü duü̃xü̃gü rü taxucürüwama nanayauxgü ga guma ĩanegü, yerü yema Canaáü̃cüã̱xgü rü yéma nügü ninuxũgü rü tama yéma ínachoxü̃chaü̃. Rü ñu̱xmarüta ngéma nangẽxmagü.

Nüxíraxü̃xü̃ ga popera ga ãẽ̱xgacügüchiga 9:15

Rü ñaa nixĩ ga yema puracügü ga ãẽ̱xgacü ga Charomóü̃ duü̃xü̃güxü̃ üxẽẽxü̃. Rü wüxi nixĩ ga Tupanapata ga taxü̃nearü ü, rü to nixĩ ga napataarü ü, rü waixü̃müarü mexẽẽane, rü ĩane ga Yerucharéü̃arü poxeguxü̃tapü̱xarü ü. Rü ñu̱xũchi nanamu nax yamexẽẽgüãxü̃ ga ĩanegü ga Achóx, rü Meguídu, rü Guéche.