Yochué 16:1 - Tupanaarü Ore

¹ Yema naane ga sortéuwa nüxna üxü̃ ga Yúchetaagü rü natü ga Yudáü̃arü éstewaama inaxügü meama Yericúarü natüxacügüwa. Rü yéma rü naxnücüanexü̃wa nada. Rü ñu̱xũchi nagu nida ga guma ma̱xpǘnegü ga Yericúwa ixügüne ñu̱xmata Betéwa nangu.

Yochué 16:1 Referans Kwoze

Yochué 18:12

Rü norü üyeane ga yema naane rü nórtewaama inaxügü ga natü ga Yudáü̃wa. Rü Yericúarü nórtewaama nada rü ínamáxpü̱xanexü̃gu nida ga oéstewaama. Rü naxnücüanexü̃ ga Bex-abéü̃wa nangu.

Yochué 8:15

Rü nüma ga Yochué rü norü churaragümaxã nibuxmüneta. Rü yema nama ga chianexü̃wa nadaxü̃gu nixü naxcha̱xwa ga yema Áiarü churaragü.

Yochué 15:61

Rü yema ínanaxnücüanexü̃wa rü guma ĩanegü ga nayauxgüne rü daagü nixĩ: Bex-arabá, rü Midíü̃ rü Checacá, rü Nixcháü̃, rü ĩane ga Yucüra, rü En-gádi. Rü 6 ga ĩane nixĩ, rü naétü ga norü ĩanexacügü.

1 Chamué 30:27

Rü norü ãmare naxca̱x yéma namugü ta ga yema ãẽ̱xgacügü ga Betéwa yexmagüxü̃, rü ĩane ga Ramóx ga Négueanewa yexmagüxü̃, rü Yatíxwa yexmagüxü̃, rü Aroéwa yexmagüxü̃, rü Chimóxwa yexmagüxü̃, rü Etemóawa yexmagüxü̃.

Naanearü ügüchiga 35:24

Rü gumá taxre ga Raquéwaü̃gücü rü Yúche rü Bẽyamíü̃ nixĩ.

Yochué 18:5

Rü ngẽma yatügü rü chanaxwa̱xe i 7 gu nax yayauxyegüãxü̃ i ngẽma naane. Natürü taxũtáma namaxã nanangauxẽẽgü i ngẽma Yudátanüxü̃arü naane i súrwaama ngẽxmaxü̃ rü ngẽma Yúchetaagüarü naane i nórtewaama ngẽxmaxü̃.

Ãẽ̱xgacügü ga guxchaxü̃güarü mexẽxẽruü̃gü 1:22

Rü Efraíü̃tanüxü̃ rü ñu̱xũchi Manachétanüxü̃ rü inaxĩãchi nax ĩane ya Betéxü̃ yapugüxü̃. Rü nüma ga Cori ya Tupana rü nüxü̃ narüngü̃xẽxẽ.

Ãẽ̱xgacügü ga guxchaxü̃güarü mexẽxẽruü̃gü 1:23

Rü guma ĩane rü noxri rü Lúx nixĩ ga naéga. Rü guma ĩanewa nanamugü ga ngugütaeruü̃gü rü Cori ya Tupana nüxü̃ narüngü̃xẽxẽ.

Echequié 48:5

Rü Manachétücumüwena rü Efraíü̃tücumüna nanaxãgü i norü naane. Rü ngẽma naane rü éstewa tá inaxügü rü ñu̱xmata oéstewa nangu.