Yochué 15:21 - Tupanaarü Ore

^21-25 Rü guma ĩanegü ga nayauxgüne nawa ga naane ga súrwaama üxü̃ ga Edóü̃maxã íyaxüyeanexü̃wa rü daagü nixĩ: Caxcheé, rü Édex, rü Yagúx, rü Quiná, rü Dimoná, rü Adadá, rü Quéde, rü Achóx, rü Ixnáü̃, rü Chíx, rü Téreü̃, rü Bearóx, rü Achóx-adatá, rü Querióx, rü Eróü̃. Rü to ga naéga nixĩ ga Achóx.

Yochué 15:21 Referans Kwoze

Naanearü ügüchiga 35:21

Rü nüma ga Iraé ga Acóbugu ãégacü rü ínixũãma rü yema daxũtaechica ga Édexarü yéama nangu.

Neemía 11:25

Rü nümaxü̃ ga Yudátanüxü̃ rü daa ĩanegügu naxãchiü̃gü: Quiriáx-abágu, rü Dibóü̃gu, rü Yecacheégu,

Ore i mexü̃ ga Márcu ümatüxü̃ 3:8

Rü yexguma nüxü̃ nacuáchigagügu ga guxü̃ma ga yema mexü̃gü ga naxüxü̃ ga Ngechuchu, rü naxca̱x naxĩtaque̱xe ga muxü̃ma ga duü̃xü̃gü ga Yudéaanecüã̱x, rü Yerucharéü̃cüã̱x, rü Iduméaanecüã̱x, rü Yudáü̃arü tocutücüã̱x rü Tíruanecüã̱x rü Chidóü̃anecüã̱x.

Yochué 15:20

Ñaagü nixĩ ga yema naanegü ga nayauxgüxü̃ ga Yudáarü duü̃xü̃gü. Rü yema naane nixĩ ga nügü yanuxü̃ ga Yudátanüxü̃ nae̱xpü̱x ga ñuxre nax yixĩxü̃ ga norü mu.

2 Chamué 23:20

Rü Benaía ga Yoiadá nane ga ĩane ga Caxcheécüã̱x, rü yatü ga poracü nixĩ rü muxü̃ma ga dai ga ãũcümaxü̃wa narüporamae. Rü nüma nixĩ ga nadaiaxü̃ ga guma taxre ga Moáanecüã̱x ga Arié nanegü. Rü wüxi ga ngunexü̃ ga yexguma gáuxü̃ rüyixgu rü yemacha̱xwa wüxi ga ãxmaxü̃gu naxücu rü yexma aixepegu nayama̱x ga wüxi ga leóü̃.

Yochué 19:1

Yema norü taxre ga naane ga sortéuãcü iyanuxü̃ rü Chimeóü̃tücumüarü duü̃xü̃güna naxǘ. Yema naane rü Yudáarü duü̃xü̃güarü naanearü aixepewa nayexma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:28

Rü yema Chimeóü̃tanüxü̃ rü naxãchiü̃ nagu ga ĩanegü ga Bechéba, rü Moradá, rü Achá-chuá, rü Birá, rü Écheü̃, rü Toráx, rü Betué, rü Ormá, rü Chicáx, rü Bex-macabóx, rü Achá-chuchíü̃, rü Bex-birái, rü Chaaraíü̃. Rü gumagü nixĩ ga norü ĩanegü rü ñu̱xmata Dabí ãẽ̱xgacüwa nguxgu.