Yochué 14:9 - Tupanaarü Ore

⁹ Rü yexguma ga nüma ga Moiché rü meama chomaxã naxüga rü ñanagürü choxü̃: “Ngẽma naane ga nawa cunguxü̃ rü cuxrütátama nixĩ rü cutaagüarü tá nixĩ, erü aixcüma naga cuxĩnü ya tórü Cori ya Tupana”, ñanagürü.

Yochué 14:9 Referans Kwoze

Yochué 1:3

Rü yema marü Moichémaxã nüxü̃ chixuxü̃rüxü̃, rü choma rü tá pexna chanaxã i guxü̃ma i ngẽma naane i nawa tá pengagüxü̃.

Wenaxarü naxümatü ga Tupanaarü mugü 1:36

Natürü ya Caréx ya Yeponé nanexicata nixĩ ya nüxü̃ daucü, rü nüxna rü nanegüna tá nixĩ i chanaxãxü̃ i ngẽma naane ga marü nawa nangaxü̃, yerü nüma rü aixcüma mea chauga naxĩnü”, ñanagürü ga Tupana.

Iraétanüxü̃arü muxchiga 13:22

Rü yema chianexü̃ ga Néguewaama nachocu rü ñu̱xmata ĩane ga Ebróü̃wa nangugü. Rü guma ĩanegu nixĩ ga naxãchiü̃güxü̃ ga Aimáü̃tanüxü̃, rü Checháitanüxü̃ rü Tarmáitanüxü̃ ga Anáxtaagü ixĩgüxü̃. Rü guma ĩane ga Ebróü̃ rü marü nũxcüma naxü. Rü marü 7 ga taunecü nüxíra naxü naxü̃pa ga guma ĩane ga Choáü̃ ga Equítuanewa yexmane.

Wenaxarü naxümatü ga Tupanaarü mugü 11:24

Rü guxü̃ma i ngẽma naane i nawa pengugüxü̃ rü pengagüxü̃ rü pexrü tá nixĩ. Rü ngẽma perü üyeane i súrwaama rü chianexü̃wa tá inaxügü rü ñu̱xmatáta Líbanuanewa nangu i nórtewa. Rü éstewa rü natü ya Eufrátewa tá inaxügü rü ñu̱xmatáta Már i Mediteráneuwa nangu i oéstewaama.

Yochué 14:10

Rü ñu̱xma rü marü 45 ga taunecü nangupetü nax Cori ya Tupana rü Moichémaxã nüxü̃ yaxuxü̃ ga yema ore ga yexguma Iraétanüxü̃ ínachianexü̃wa iyexmagügu. Rü yema chomaxã inaxunetaxü̃ca̱x rü ñu̱xma rü ta chamaxü̃ woo 85 ya taunecü choxü̃́ ngẽxmaxü̃.

Ãẽ̱xgacügü ga guxchaxü̃güarü mexẽxẽruü̃gü 1:20

Rü Caréxna naxǘ ga guma ĩane ga Ebróü̃, yema Moiché nüxü̃ ixuxü̃rüxü̃. Rü nüma ga Caréx rü guma ĩanewa ínanawoxü̃ ga nataagü ga yema tomaepü̱x ga Anáx nanegü.

Wiyaegü 37:9

Erü ngẽma duü̃xü̃gü i chixexü̃gu rüxĩnüexü̃ rü tá ínawoxü̃ nawa i ñaa nachixü̃ane. Natürü ngẽma duü̃xü̃gü i Cori ya Tupanaaxü̃́ yaxõgüxü̃ tá nixĩ i nayauxgüxü̃ i ñaa nachixü̃ane.