Yochué 14:8 - Tupanaarü Ore

⁸ Natürü ga yema togü ga chomücügü rü nüxü̃ nixu nax naxãũcümaxü̃, rü yemaacü duü̃xü̃güxü̃ namuü̃exẽxẽ, rü yemaca̱x ínayaxoetanüãchi ga nagu nax nachocuxü̃ ga ñaa naane. Natürü ga choma rü tama nüxü̃ icharüngüma ga Tupanaarü uneta rü nagu charüxĩnüecha.

Yochué 14:8 Referans Kwoze

Iraétanüxü̃arü muxchiga 14:24

Rü yimá chorü duü̃ ya Caréxicatama nixĩ ya mexü̃gu rüxĩnücü rü aixcüma chauga ĩnücü. Rü ngẽmaca̱x yimáxü̃xicatatama nixĩ i ngẽxma chaxücuxẽẽxü̃ nawa i ngẽma naane ga yangugüxü̃. Rü ngẽma nataagü rü ngẽxma tá naxãchiü̃gü.

Wenaxarü naxümatü ga Tupanaarü mugü 1:36

Natürü ya Caréx ya Yeponé nanexicata nixĩ ya nüxü̃ daucü, rü nüxna rü nanegüna tá nixĩ i chanaxãxü̃ i ngẽma naane ga marü nawa nangaxü̃, yerü nüma rü aixcüma mea chauga naxĩnü”, ñanagürü ga Tupana.

Yochué 14:14

Rü yemaacü nixĩ ga Ebróü̃arü naane ga Caréxarü yixĩxü̃, rü ñu̱xma rü ta rü nataagüarü yixĩxü̃. Yerü nüma ga Caréx rü aixcüma Cori ya Iraétanüxü̃arü Tupanaga naxĩnü.

Iraétanüxü̃arü muxchiga 13:31

Natürü ga yema togü ga namücügü rü nanangãxü̃gü rü ñanagürügü nüxü̃: —Tama nixĩ i namexü̃ nax namaxã yigü ida̱i̱xü̃ i ngẽma duü̃xü̃gü, erü nüma rü tá tüxü̃ narüporamaegü —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:4

Rü yema nixĩ ga duü̃xü̃gü ga tama ñoma ga naanearü ngúchaü̃ i chixexü̃maxã nügü ãũãchiarü maxü̃ã̱xgüxü̃ rü tama nüxü̃ rüxoexü̃ nax Tupanaaxü̃́ yaxõgüãxü̃. Rü nümagü rü yimá Carnéruxacüwe narüxĩ i ngextá ínaxũxü̃wa. Rü yemagü nixĩ ga ñoma ga naanecüã̱xtanüwa nüxíra Tupanaaxü̃́ yaxõgüxü̃ rü gumá Carnéruxacüaxü̃́ yaxõgüxü̃ rü nayauxgüxü̃ i maxü̃ i taguma gúxü̃.

Iraétanüxü̃arü muxchiga 32:12

Rü yemaca̱x ga Tupana rü nüxü̃ nixu rü Yeponé ga Quenétanüxü̃ nane ga Caréxicatama, rü Núü̃ nane ga Yochuéxicatama tá nixĩ i nawa ngugüxü̃ i ngẽma naane, yerü nümagü nixĩ ga aixcüma mea Cori ga Tupanaga naxĩnüexü̃.

Iraétanüxü̃arü muxchiga 14:1

Rü yexguma yema ngugütaewa ne ĩxü̃arü orexü̃ naxĩnüegu ga yema Iraétanüxü̃ rü aita naxüe, rü yema chütaxü̃ rü axugu ningunexü̃gü.

Wenaxarü naxümatü ga Tupanaarü mugü 1:28

Rü ñaperügügü ta: “Rü ñu̱xma ¿rü ngextá tá taxĩ? Rü tatanüxü̃ i ngugüwa ĩxü̃ rü nüxü̃ nixugügü rü ngéma nax nangemaxü̃ i duü̃xü̃gü i tüxü̃ rüporamaegüxü̃ rü tüxü̃ rümáchanemaegüxü̃, rü nangẽxmaxü̃ ya ĩanegü ya itaxü̃ne ya imáchanearü poxeguã̱xgüne, rü nüxü̃ nadaugüxü̃ ga Anáxtanüxü̃ ga imáchanexü̃chixü̃. Rü guxü̃ma ga yema nixĩ ga toxü̃ íyaxoetanüãchixẽẽxü̃”, ñaperügügü.