Yochué 14:6 - Tupanaarü Ore

⁶ Rü yema Iraétanüxü̃ ga Yudátanüxü̃wa ügüxü̃ rü Guirigáwa naxĩ nax Yochuémaxã yanadexagüxü̃ca̱x. Rü nüma ga Caréx ga Quenétanüwa ücü ga Yeponé nane, rü Yochuéxü̃ ñanagürü: —¡Nüxna nacua̱xãchi ga yema ore ga Cori ya Tupana norü duü̃ ga Moichémaxã nüxü̃ ixuxü̃ ga tachiga ga chianexü̃ ga Cadé-banéawa!

Yochué 14:6 Referans Kwoze

Iraétanüxü̃arü muxchiga 14:30

Rü bai tá i wüxi i ngẽma duü̃xü̃gü nagu nachocu i ngẽma naane i pemaxã nüxü̃ chixuxü̃. Rü Caréx rü Yochuéxicatama tá nixĩ i ngéma ngugüxü̃.

Iraétanüxü̃arü muxchiga 14:24

Rü yimá chorü duü̃ ya Caréxicatama nixĩ ya mexü̃gu rüxĩnücü rü aixcüma chauga ĩnücü. Rü ngẽmaca̱x yimáxü̃xicatatama nixĩ i ngẽxma chaxücuxẽẽxü̃ nawa i ngẽma naane ga yangugüxü̃. Rü ngẽma nataagü rü ngẽxma tá naxãchiü̃gü.

Iraétanüxü̃arü muxchiga 13:6

rü Yudátanüxü̃wa inamuãchi ga Caréx ga Yeponé nane,

Yochué 14:14

Rü yemaacü nixĩ ga Ebróü̃arü naane ga Caréxarü yixĩxü̃, rü ñu̱xma rü ta rü nataagüarü yixĩxü̃. Yerü nüma ga Caréx rü aixcüma Cori ya Iraétanüxü̃arü Tupanaga naxĩnü.

Iraétanüxü̃arü muxchiga 14:6

Rü nüma ga Yochué rü Caréx ga yema naane ngugügüxü̃ rü norü ngechaü̃maxã nügü narügáutechirugü.

Yochué 15:17

Rü gumá naxca̱x íyagoõchicü rü nüxü̃ rüporamaecü ga yema duü̃xü̃gü ga guma ĩane ga Debíxwa maxẽxü̃, rü Caréxmágü ga Otonié ga Quená nane nixĩ. Rü nümax ga Caréx rü nüxna ngĩxü̃ namu ga naxacü ga Áxcha.

Iraétanüxü̃arü muxchiga 32:12

Rü yemaca̱x ga Tupana rü nüxü̃ nixu rü Yeponé ga Quenétanüxü̃ nane ga Caréxicatama, rü Núü̃ nane ga Yochuéxicatama tá nixĩ i nawa ngugüxü̃ i ngẽma naane, yerü nümagü nixĩ ga aixcüma mea Cori ga Tupanaga naxĩnüexü̃.

Wiyaegü 90:1

Pa Cori Pa Tupanax, cuma rü woetama torü poxü̃ruxü̃ quixĩ rü guxü̃guma toma rü torü o̱xigüarü o̱xigü rü cuxme̱xwa tangexmagü.

Norü taxre ga popera ga Timutéuca̱x naxümatüxü̃ ga Pauru 3:17

Rü ngẽma ore rü Tupanaarü duü̃xü̃na nanaxã i cua̱x nax mea naxüaxü̃ca̱x i ngẽma Tupana naxwa̱xexü̃ rü ínamemarexü̃ nax naxüaxü̃ i naguxü̃raü̃xü̃ i mexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:11

Natürü cumax, Pa Timutéux, rü wüxi ya yatü ya Tupanaaxü̃́ yaxõcü quixĩ. ¡Rü ngẽmaca̱x nüxna ixũgachi i guxü̃ma i chixexü̃! ¡Rü mea Tupanape̱xewa namaxü̃, rü norü ngúchaü̃ naxü, rü mea nüxü̃́ yaxõ, rü nüxü̃ nangechaxü̃ i duü̃xü̃gü, rü cugü naporaxẽxẽ i ngẽxguma guxchaxü̃ cuxca̱x ínguxgu! Rü tama name i cugü quicua̱xüxü̃.

Norü taxre ga popera ga ãẽ̱xgacügüchiga 8:11

Rü ñu̱xũchi nüma ga Erichéu rü meama Achaéxü̃ nadawenüecha, rü yemaca̱x nüma ga Achaé rü naba̱i̱xãchiãxẽ. Rü nüma ga Tupanaarü orearü uruxü̃ ga Erichéu rü naxaxu.

Norü taxre ga popera ga ãẽ̱xgacügüchiga 8:7

Rü yemawena ga nüma ga Erichéu rü ĩane ga Damácuwa naxũ. Rü yexguma ga Chíriaanearü ãẽ̱xgacü ga Ben-adáxü̃ rü nida̱xawe. Rü namaxã nüxü̃ nixugüe ga nax yéma nanguxü̃ ga Tupanaarü orearü uruxü̃.

Norü taxre ga popera ga ãẽ̱xgacügüchiga 4:42

Yemawena rü wüxi ga yatü ga Baá-charichácüã̱x rü Erichéuxü̃tawa nanana ga 20 ga paũ ga chebádawa üxü̃ ga yexwaca̱x íguxü̃ rü ñu̱xũchi norü chocagu trigute̱xe ga yexwaca̱xüxü̃ yéma nange. Rü nüma ga Erichéu rü norü ngü̃xẽẽruü̃xü̃ namu nax duü̃xü̃güna naxããxü̃ca̱x nax nangõ̱xgüãxü̃ca̱x ga yema paũ.

Norü taxre ga popera ga ãẽ̱xgacügüchiga 4:16

Rü yexguma nüma ga Erichéu rü ñanagürü ngĩxü̃: —Yimá nai ya taunecüarü ñúxgumaãcü rü tá marü cunaga ya wüxi ya cune —ñanagürü. Rü ngĩma rü inangãxü̃ rü ngĩgürügü: —Pa Tupanaarü Duü̃xü̃x, tama name i ngẽmaãcü choxü̃ cuwomüxẽxẽ —ngĩgürügü.

Norü taxre ga popera ga ãẽ̱xgacügüchiga 4:9

Rü ngĩma rü ngĩtexü̃ ngĩgürügü: —Choma nüxü̃ chacua̱x i ñaa yatü i nuxã taxü̃tagu ídauuxü̃ rü wüxi i Tupanaarü orearü uruxü̃ nixĩ.

Nüxíraxü̃xü̃ ga popera ga ãẽ̱xgacügüchiga 13:14

Rü nüma rü gumá orearü uruxü̃ ga Yudáanecüã̱xwe nangẽ. Rü nüxü̃ inayangau nax wüxi ga castañatüü̃wa natoxü̃. Rü nüxna naca rü ñanagürü: —¿Cuma quixĩxü̃ i orearü uruxü̃ i Yudáanewa ne cuxũxü̃? —ñanagürü. Rü nüma nanangãxü̃ rü ñanagürü: —Choma chixĩ —ñanagürü.

Nüxíraxü̃xü̃ ga popera ga ãẽ̱xgacügüchiga 13:1

Rü yexguma Betéwa Yeruboáü̃ pumarate̱xe íguyane nawa ga ãmaregüarü guruxü̃, rü yéma nangu ga wüxi ga orearü uruxü̃ ga Yudáanewa ne ũxü̃ ga Cori ya Tupana yéma Yeruboáü̃xü̃tawa muxü̃.

Yochué 10:43

Rü yemawena ga Yochué rü guxü̃ma ga Iraétanüxü̃arü churaragümaxã Guirigáca̱x nawoegu ga ínapegüxü̃wa.

Yochué 4:19

Rü nüma ga Iraétanüxü̃ rü meama nüxíraü̃cü ga tauemacüarü 10 ga ngunexü̃gu nixĩ ga nawa yachoü̃xü̃ ga natü ga Yudáü̃. Rü ĩane ga Guirigáarü ngaicamagu nayapexgü ga Yericúarü éstewaama.

Wenaxarü naxümatü ga Tupanaarü mugü 34:10

Rü Moichéwena rü Iraétanüxü̃tanüwa taguma nayexma ga to ga orearü uruxü̃ ga Moichérüxü̃ ixĩcü ga Cori ya Tupana namaxãxü̃chi idexacü.

Wenaxarü naxümatü ga Tupanaarü mugü 34:5

Rü yemawena ga Moiché ga Tupanaarü duü̃ rü nayu nagu ga yema Moáane, yema Cori ya Tupana namaxã naxueguxü̃rüxü̃.

Wenaxarü naxümatü ga Tupanaarü mugü 33:1

Rü naxü̃pa ga nax nayuxü̃ ga Moiché ga Tupanaarü duü̃ ixĩcü, rü Iraétanüxü̃maxã mexü̃ naxuegu, rü ñanagürü ga Moiché:

Iraétanüxü̃arü muxchiga 13:30

Rü yexguma yema ngugütaeruxü̃ ga Caréx rü nanachianexẽxẽ ga yema duü̃xü̃gü ga Moichépe̱xewa yexmagüxü̃ rü ñanagürü: —¡Ngĩxã tóxrüxü̃ tayaxĩxẽxẽ i ngẽma naane, erü yixema rü tüxü̃́ natauxcha nax tóxrüxü̃ yaxĩxẽẽxü̃! —ñanagürü.

Iraétanüxü̃arü muxchiga 26:65

Yerü Cori ya Tupana rü nanaxuegu nax guxü̃táma ga yema duü̃xü̃gü rü tá yema chianexü̃gu nayuexü̃. Rü yema Caréx ga Yeponé nane, rü Yochué ga Núü̃ nanexicatama nixĩ ga íyaxüxü̃, rü nataxuma ga wüxi ga to ga íyaxüxü̃.

Yeremía 35:4

Rü Tupanapatawa chanagagü nawa ga yema Anáü̃ nanegüarü ucapu. Rü nüma ga Anáü̃ ga Idalía nane rü Tupanaarü duü̃xü̃ nixĩ. Rü yema ucapu rü yema Tupanapataarü ãẽ̱xgacügüarü ucapucüwawa nayexma. Rü Tupanapataarü ĩã̱xgüarü dauruxü̃ ga Maacheíaarü ucapuétüwa nayexma. Rü nüma ga Maachía rü Charúü̃ nane nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:14

Rü Moiché ga Cori ya Tupanaarü duü̃ rü ñu̱xũchi nataagü rü Lebítanüxü̃tanüwa nanaxǘgüxẽxẽ.