Yochué 14:4 - Tupanaarü Ore

⁴ Rü yema Yúchetaagü rü taxretücumü nixĩ, rü yema nixĩ ga Manachétanüxü̃ rü Efraíü̃tanüxü̃. Natürü ga Lebítanüxü̃ rü taxuxü̃ma ga naane nüxna naxã. Rü ĩanegüxica nüxna naxãgü nax nawa namaxẽxü̃ca̱x. Rü guma ĩanegü rü nüxü̃́ nayexmagü ga norü naanegü nax nawa nayaexẽẽãxü̃ca̱x ga norü wocagü rü carnérugü.

Yochué 14:4 Referans Kwoze

Naanearü ügüchiga 48:5

Rü ngẽmaca̱x i ñu̱xmax i ngẽma cunegü i Efraíü̃, rü Manaché ga nuxã Equítuanegu buexü̃ naxü̃pa nax nua Equítuanewa chaxũxü̃, rü chaunegürüxü̃ nixĩgü naxrüxü̃ i Rubéü̃ rü Chimeóü̃.

Naanearü ügüchiga 41:51

Rü gumá yacü ga nane rü Manachégu nanaxüéga yerü ñanagürü: —Tupana rü choxü̃ nüxü̃ inayarüngümaxẽxẽ i guxü̃ma ga yema guxchaxü̃gü ga choxü̃ ngupetüxü̃, rü ñu̱xma rü marü tama chautanüxü̃ca̱x changechaü̃ —ñanagürü.

Naanearü ügüchiga 46:20

Rü Yúche nanegü ga naxma̱x ga Achenáwáü̃güxü̃ nixĩ ga Manaché rü Efraíü̃. Rü yema taxre rü Equítuanegu nixĩ ga nabuexü̃. Rü Achená rü Potiféraxacü iyixĩ. Rü nüma ga Potífera rü Óü̃arü chacherdóte nixĩ.

Naanearü ügüchiga 48:1

Rü nawena ga ñuxre ga ngunexü̃ rü Yúchemaxã nüxü̃ nixugü ga nax tida̱xawexü̃ ga nanatü. Rü yexguma nüma ga Yúche rü tüxü̃ ínayadau. Rü ínayagagü ta ga yema taxre ga nanegü ga Manaché rü Efraíü̃.

Iraétanüxü̃arü muxchiga 26:28

Rü yema Yúche nanegü nixĩ ga Manaché, rü Efraíü̃. Rü yema Yúche nanegüwa nixĩ ga nangóexü̃ ga Manachétanüxü̃ rü Efraíü̃tanüxü̃.

Norü taxre ga to ga popera ga ãẽ̱xgacügüchiga ümatüxü̃ 30:1

Echequía rü norü orearü ngeruxü̃güxü̃ namu nax guxü̃wama ga Iraéanewa rü Yudáanewa nüxü̃ yanaxugüxü̃ca̱x nax Tupanapata ga taxü̃newa naxĩxü̃ca̱x ga duü̃xü̃gü nax naxüchigagüãxü̃ca̱x ga Üpetüchigaarü peta. Rü yexgumarüxü̃ ta Efraíü̃tanüxü̃ca̱x rü Manachétanüxü̃ca̱x yéma nanamu ga wüxi ga popera ga nawa nüxna naxuxü̃ nax Tupanapata ga taxü̃newa naxĩxü̃ca̱x ga Yerucharéü̃wa nax yemaacü naxüchigagüãxü̃ca̱x ga yema Cori ya Iraétanüxü̃arü Tupanaarü Üpetüchigaarü peta.

Naanearü ügüchiga 41:52

Rü guma rübumaecü ga nane rü Efraíü̃gu nanaxüéga, yerü ñanagürü: —Tupana rü ñaa nachixü̃ane i nawa ngúxü̃ chingexü̃wa choxna nanamu ya chaune —ñanagürü.

Naanearü ügüchiga 48:6

Natürü ngẽma cunegü i tá naweama buexü̃ rü tá cuxrü nixĩgü. Natürü ngẽma nax Efraíü̃enexẽgü rü Manachéenexẽgü yaxĩgüxü̃ca̱x, rü ngẽmaca̱x tá nanayauxgü i norü naane i Manachéna rü Efraíü̃na üxü̃wa.

Yochué 16:4

Rü yema nixĩ ga naanegü ga nayauxgüxü̃ ga Manachétücumü rü Efraíü̃tücumü ga Yúchetaagü ixĩgüxü̃.