Yochué 14:2 - Tupanaarü Ore

² Rü yema naane rü sortéuãcü nixĩ ga nüxü̃ yanuaxü̃ ga yema 9 tücumü ga Iraétanüxü̃ rü yema ngãxü̃tücumü ga Manachétanüxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Yochué 14:2 Referans Kwoze

Iraétanüxü̃arü muxchiga 34:13

Rü nüma ga Moiché rü Iraétanüxü̃xü̃ naxuxcu̱xẽ, rü ñanagürü nüxü̃: —Ngẽma nixĩ i naane i sortéuãcü tá pegü pinuxü̃, yema Cori ya Tupana nüxü̃ ixuxü̃rüxü̃ naxca̱x i ngẽma 9 tücumü i Iraétanüxü̃ rü ñu̱xũchi ngẽma ngãxü̃tücumü i Manachétanüxü̃.

Iraétanüxü̃arü muxchiga 33:54

Natürü ngẽxguma pegü peyanuxgu i ngẽma naane rü wüxitücumüwachigü tá nanayaxu i ngẽma nagu nanguxü̃. Rü ngẽma natücumü i rümumaexü̃ rü tá nanayauxgü i rütamaexü̃ i naane. Rü ngẽma natücumü i rünoxremaexü̃ rü tá nanayauxgü i ngẽma rüxíramaexü̃ i naane. Rü ngẽmaãcü wüxitücumüwachigü tá nanayaxu i ngẽma naane i nagu nanguxü̃.

Ucu̱xẽgüchiga 16:33

Nüma ya yatü rü nümatama nagu naxĩnüxü̃ãcüma nanaxü i ngẽma naxüxchaü̃xü̃, natürü ngẽma Cori ya Tupana naxwa̱xexü̃ãcü tá nixĩ i ínanguxuchixü̃.

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!

Ucu̱xẽgüchiga 18:18

Ngẽma guxchaxü̃gü rü name nixĩ i Tupaname̱xẽgu tanaxǘ, rü ngẽmaãcü tá inarüxo nax duü̃xü̃gü nügü choxü̃gagüxü̃.

Ngechuchuarü ngúexü̃gü ga yamugüxü̃arü puracüchiga 1:26

Rü wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x ga ngexü̃rüüxü̃ ga yema taxre tá nax ixücuxü̃. Rü Matíagu nangu nax yaxücuxü̃. Rü yexgumatama rü yema 11 ga ngúexü̃gü ga Ngechuchu imugüxü̃tanügu naxã ga Matía.

Yochué 18:6

Rü ngẽxguma marü 7 gu yayauxyegüãgu i ngẽma naane rü chanaxwa̱xe i chauxü̃tawa nanangegü i ngẽma 7 i naanegüchiga. Rü choma rü tá Tupanape̱xewa sortéuãcü ichayanu i ngẽma naane.

Iraétanüxü̃arü muxchiga 26:52

Rü Cori ya Tupana rü Moichémaxã nidexa rü ñanagürü:

Yochué 13:7

¡Rü yanu i ngẽma naane nüxü̃ i ngẽma 9 tücumü i Iraétanüxü̃, rü ñu̱xũchi ngẽma ngãxü̃tücumü i Manachétanüxü̃! —ñanagürü ga Tupana.

Yochué 18:10

Rü nüma ga Yochué rü yexguma Chilówa Tupanape̱xewa sortéuãcü inayanu ga yema naane nüxü̃ ga yema Iraétücumügü.

Echequié 45:1

—Rü ngẽxguma sortéuãcü pegü peyanuxgu i naane nax wüxichigü i natücumü i Iraétanüxü̃ nüxü̃́ ngẽxmaxü̃ca̱x i norü naane, rü Cori ya Tupanaca̱x tá ípenaxüxüchi i wüxi i naane i 12 quirumétruarü ngãxü̃ i norü ma̱x rü 10 quirumétru i norü tatachinü. Rü ngẽma naane rü wüxi i naane i üünexü̃ tá nixĩ.