Yochué 14:10 - Tupanaarü Ore

¹⁰ Rü ñu̱xma rü marü 45 ga taunecü nangupetü nax Cori ya Tupana rü Moichémaxã nüxü̃ yaxuxü̃ ga yema ore ga yexguma Iraétanüxü̃ ínachianexü̃wa iyexmagügu. Rü yema chomaxã inaxunetaxü̃ca̱x rü ñu̱xma rü ta chamaxü̃ woo 85 ya taunecü choxü̃́ ngẽxmaxü̃.

Yochué 14:10 Referans Kwoze

Iraétanüxü̃arü muxchiga 14:30

Rü bai tá i wüxi i ngẽma duü̃xü̃gü nagu nachocu i ngẽma naane i pemaxã nüxü̃ chixuxü̃. Rü Caréx rü Yochuéxicatama tá nixĩ i ngéma ngugüxü̃.

Yochué 13:1

Rü yexguma marü naya̱xgu ga Yochué rü Cori ya Tupana rü ñanagürü nüxü̃: —Cuma rü marü cuya rü muxü̃ma i naane ínayaxügüama nax penapuxü̃xü̃ca̱x.

Yochué 14:9

Rü yexguma ga nüma ga Moiché rü meama chomaxã naxüga rü ñanagürü choxü̃: “Ngẽma naane ga nawa cunguxü̃ rü cuxrütátama nixĩ rü cutaagüarü tá nixĩ, erü aixcüma naga cuxĩnü ya tórü Cori ya Tupana”, ñanagürü.

Yochué 14:11

Rü ñu̱xma rü ta chapora yexguma Moiché ñaa naanearü ngugüwa choxü̃ muxü̃rüü̃tama, rü yexgumarüü̃tama choxü̃́ natauxcha i ñu̱xma nax ichaxũãchixü̃ nax daiwa chaxũxü̃.

Wiyaegü 91:7

Rü woo curü to̱xoxwecüwagu tayuegu ya 1,000 rü curü tügünecüwagu tayuegu ya 10,000 natürü i cuxü̃ rü taxuxü̃táma nangupetü.

Wiyaegü 107:4

Rü nümagü rü ínachianexü̃wa ga ngextá taxúema íxãpataxü̃wa nachopetü nax naxca̱x nadaugüxü̃ca̱x ga wüxi ga ĩane ga nagu naxãchiü̃güne. Natürü ínatüe rü tama nüxü̃ inayangaugü ga nama ga wüxi ga ĩanewa nadaxü̃.

Iraétanüxü̃arü muxchiga 14:38

Rü guxü̃ma ga yemagütanüwa rü Yochué ga Núü̃ nane rü Caréx ga Yeponé nanexicatama nixĩ ga maxẽxü̃.