Yochué 13:8 - Tupanaarü Ore

⁸ Rü yexguma Moiché namaxã nuegu ga yema naane ga Yudáü̃arü éstewaama yexmaxü̃ rü Rubéü̃arü duü̃xü̃gü rü Gáxarü duü̃xü̃gü, rü ngãxü̃tücumü ga Manachéarü duü̃xü̃gü rü marü nanayauxgü ga norü naane ga nüxna ixüchigüxü̃.

Yochué 13:8 Referans Kwoze

Yochué 12:6

Rü nüma ga Moiché rü namaxã ga Iraétanüxü̃ rü yema taxre ga ãẽ̱xgacügüxü̃ narüporamae rü nanadai. Rü nüma ga Moiché rü yema naane rü Rubéü̃tanüxü̃na nanaxã, rü Gáxtanüxü̃na nanaxã, rü ngãxü̃tücumü ga Manachétanüxü̃na rü ta nanaxã.

Yochué 22:4

Rü ngẽmaca̱x i ñu̱xma nax Tupana marü yanguxẽẽxü̃ i norü uneta rü ngẽma peenexẽgü rü marü taxuxü̃ma i guxchaxü̃wa nangẽxmagü, rü marü name nax naxca̱x pewoeguxü̃ i pepatagü rü perü naanegü ga Moiché ga Tupanaarü duü̃ pexna ãxü̃ ga natü ga Yudáü̃arü éstewaama.

Yochué 4:12

Rü yexgumarüxü̃ ta naxnemaxã Yudáü̃wa nichoü̃ ga yema daiwa ĩxü̃ ga Rubéü̃tanüxü̃, rü Gáxtanüxü̃, rü ngãxü̃tücumü ga Manachétanüxü̃. Rü nüma rü yema togü ga Iraétanüxü̃pe̱xe naxĩ, yema Moiché namaxã nüxü̃ ixuxü̃rüxü̃.

Iraétanüxü̃arü muxchiga 32:19

Rü ngẽma naane i Yudáü̃arü tocutüwa ngẽxmaxü̃ rü ñu̱xũchi ngẽma naane i yéamaxü̃ra ngẽxmaxü̃ rü toma rü tama tanaxwa̱xe, erü ngẽma toxrü naane rü nuxã Yudáü̃arü éstecutüwaama nangẽxma —ñanagürügü.

Wenaxarü naxümatü ga Tupanaarü mugü 3:8

Rü yemaacü ga yema ngunexü̃gügu rü taxme̱xgu nayi ga norü naanegü ga yema taxre ga ãẽ̱xgacügü ga Amoréutanüxü̃ ga natü ga Yudáü̃arü éstewa maxẽxü̃. Rü yema naane ga ipuxü̃xü̃ rü natü ga Arnóü̃wa inaxügü rü ñu̱xmata ma̱xpǘne ga Ermóü̃wa nangu.

Yochué 12:1

Rü nüma ga Iraétanüxü̃ rü taxre ga ãẽ̱xgacügüxü̃ narüporamae ga natü ga Yudáü̃arü éstewaama. Rü ñaagü nixĩ ga norü naane ga napugüxü̃: Rü natü ga Arnóü̃wa inaxügü ñu̱xmata ma̱xpǘne ga Ermóü̃wa nangu. Rü namaxã nanangauxẽxẽ ga yema naane ga Yudáü̃arü doxonexü̃ ga éstewaama yexmaxü̃.

Yochué 13:7

¡Rü yanu i ngẽma naane nüxü̃ i ngẽma 9 tücumü i Iraétanüxü̃, rü ñu̱xũchi ngẽma ngãxü̃tücumü i Manachétanüxü̃! —ñanagürü ga Tupana.

Yochué 13:9

Rü yema naane ga nüxna üxü̃ rü inaxügü nawa ga guma ĩane ga Aroé ga natü ga Arnóü̃cutüwa yexmane. Rü namaxã nangau ga guma ĩane ga yema doxonexü̃arü ngãxü̃wa yexmane. Rü ma̱xpǘne ga Medebáarü metachinüxü̃wa nada ga yema naane ñu̱xmata ĩane ga Dibóü̃wa nangu. Rü namaxã nanangau ga guxü̃nema ga norü ĩanegü ga Chióü̃ ga Amoréutanüxü̃arü ãẽ̱xgacü ga Ebóü̃gu ãchiü̃cü. Rü yemaacü ga yema naane ga Iraétanüxü̃na üxü̃ rü Amóü̃tanüxü̃arü üyeanewa nangu.

1 Chamué 13:7

Rü muxü̃ma rü nichoü̃ ga natü ga Yudáü̃. Rü Gáxanewaama rü Garaáxanewaama nabuxmü. Natürü nüma ga Chaú rü ĩane ga Guirigáwatama nayexma, rü guxü̃ma ga norü churaragü rü poraãcü namuü̃eãcüma nawe narüxĩ.