Yochué 13:7 - Tupanaarü Ore

⁷ ¡Rü yanu i ngẽma naane nüxü̃ i ngẽma 9 tücumü i Iraétanüxü̃, rü ñu̱xũchi ngẽma ngãxü̃tücumü i Manachétanüxü̃! —ñanagürü ga Tupana.

Yochué 13:7 Referans Kwoze

Iraétanüxü̃arü muxchiga 33:54

Natürü ngẽxguma pegü peyanuxgu i ngẽma naane rü wüxitücumüwachigü tá nanayaxu i ngẽma nagu nanguxü̃. Rü ngẽma natücumü i rümumaexü̃ rü tá nanayauxgü i rütamaexü̃ i naane. Rü ngẽma natücumü i rünoxremaexü̃ rü tá nanayauxgü i ngẽma rüxíramaexü̃ i naane. Rü ngẽmaãcü wüxitücumüwachigü tá nanayaxu i ngẽma naane i nagu nanguxü̃.

Yochué 13:6

Rü Iraétanüxü̃pe̱xewa tá íchanawoxü̃ i Chidóü̃cüã̱xgü rü guxü̃ma i ngẽma duü̃xü̃gü i ngẽma máxpü̱xanexü̃gu ãchiü̃güxü̃. Rü Líbanuwa tá ichanaxügü nax íchanawoxü̃xü̃ ñu̱xmatáta Mirepóx-maíü̃wa nangu. Natürü i cuma rü tá ngẽma Iraétanüxü̃xü̃ cuyanu i ngẽma naane yema cumaxã nüxü̃ chixuxü̃ãcü.

Yochué 13:8

Rü yexguma Moiché namaxã nuegu ga yema naane ga Yudáü̃arü éstewaama yexmaxü̃ rü Rubéü̃arü duü̃xü̃gü rü Gáxarü duü̃xü̃gü, rü ngãxü̃tücumü ga Manachéarü duü̃xü̃gü rü marü nanayauxgü ga norü naane ga nüxna ixüchigüxü̃.

Wiyaegü 105:44

Rü togü ga duü̃xü̃güarü naane nüxna naxã. Rü nabü ga togüarü puracüwa ne ũxü̃maxã nanachibüexẽxẽ.

Echequié 45:1

—Rü ngẽxguma sortéuãcü pegü peyanuxgu i naane nax wüxichigü i natücumü i Iraétanüxü̃ nüxü̃́ ngẽxmaxü̃ca̱x i norü naane, rü Cori ya Tupanaca̱x tá ípenaxüxüchi i wüxi i naane i 12 quirumétruarü ngãxü̃ i norü ma̱x rü 10 quirumétru i norü tatachinü. Rü ngẽma naane rü wüxi i naane i üünexü̃ tá nixĩ.

Iraétanüxü̃arü muxchiga 34:13

Rü nüma ga Moiché rü Iraétanüxü̃xü̃ naxuxcu̱xẽ, rü ñanagürü nüxü̃: —Ngẽma nixĩ i naane i sortéuãcü tá pegü pinuxü̃, yema Cori ya Tupana nüxü̃ ixuxü̃rüxü̃ naxca̱x i ngẽma 9 tücumü i Iraétanüxü̃ rü ñu̱xũchi ngẽma ngãxü̃tücumü i Manachétanüxü̃.

Yochué 14:2

Rü yema naane rü sortéuãcü nixĩ ga nüxü̃ yanuaxü̃ ga yema 9 tücumü ga Iraétanüxü̃ rü yema ngãxü̃tücumü ga Manachétanüxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃.