Yochué 13:5 - Tupanaarü Ore

⁵ Rü ngẽxgumarüxü̃ ta ínayaxü i Guebácüã̱xgüarü naane rü guxü̃ma i Líbanuarü naane i éstewaama. Rü ngẽma naane rü yima ma̱xpǘne ya Ermóü̃pechinüwa ngẽxmane i Baá-gáxwa inaxügü, rü nida ñu̱xmata ĩane i Amáca̱x íxücuxü̃wa nangu.

Yochué 13:5 Referans Kwoze

Nüxíraxü̃xü̃ ga popera ga ãẽ̱xgacügüchiga 5:18

Rü yema Charomóü̃arü puracütanüxü̃ rü Iráü̃arü puracütanüxü̃ rü ñu̱xũchi guma ĩane ga Guebácüã̱x ga duü̃xü̃gü rü mürapewa naxügü nawa ga yema naixpütagü rü nayamexẽẽcüwagü ga nutagü nax naxügüã̱xü̃ca̱x ga Tupanapata ga taxü̃ne.

Yochué 12:7

Rü nüma ga Yochué namaxã ga yema Iraétanüxü̃ rü nanadai ga guxü̃ma ga yema ãẽ̱xgacügü ga Yudáü̃arü oéstewaama yexmagüxü̃. Rü ĩane ga Baá-gáxwa ga Líbanuarü doxonexü̃wa inaxügü rü guxü̃xü̃ma nadai ñu̱xmata guma ma̱xpǘne ga Aráxwa nangugü nax nadaiaxü̃. Rü guma ma̱xpǘne rü Cheíanearü ügüwa nayexma. Rü yema ãẽ̱xgacügü ga nada̱i̱xü̃arü naane nixĩ ga Yochué rü wüxichigü ga Iraétücumügüxü̃ yanuxü̃ nax noxrü yaxĩgüxü̃ca̱x.

Echequié 27:9

Rü yexguma cuchixexgu rü duü̃xü̃gü ga Guebácüã̱x ga nüxü̃ icua̱xüchixü̃ nixĩ ga cuxü̃ mexẽẽgüxü̃. Rü yema curü türewa rü namaxã nayapa ga wapuruarü ũxẽẽruü̃gü ga guxü̃ ga naanewa ne ĩxü̃ rü naxca̱x taxegüxü̃ ga curü yemaxü̃gü.

Yochué 11:17

Rü yema norü naane ga Iraétanüxü̃, rü inaxügü ga ma̱xpǘne ga Aráxwa rü ínadaãchi ga Cheíwaama rü ñu̱xmata Baá-gáxwa nangu ga Líbanuarü doxonexü̃wa ga ma̱xpǘne ga Ermóü̃pechinüwa. Rü mucü ga taunecü ningegü nax nügü nada̱i̱xü̃ namaxã ga yema ãẽ̱xgacügü ga yema naanewa yexmagüxü̃. Rü nüma ga Yochué rü düxwa nüxü̃ narüporamae rü ínanayauxü̃ rü nanadai ga guxü̃ma ga yema ãẽ̱xgacügü.

Iraétanüxü̃arü muxchiga 34:8

Rü ma̱xpǘne ya Óxwa tá peyadaxẽxẽ i ngẽma üyeane ñu̱xmatáta Amáca̱x íxücuxü̃wa nangu. Rü ngéma tá peyadaxẽxẽ ñu̱xmatáta Chedáxwa nangu.

Amúx 6:2

¡Rü ĩane ya Canéxwa pexĩ, rü ngéma nüxü̃ peda̱u̱x i ngẽma ngéma ngupetüxü̃! ¡Rü ĩane ya taxü̃ne ya Amáwa pexĩ rü ñu̱xũchi yima Firitéugüarü ĩane ya Gáxca̱x perüchoü̃! ¿Ẽ̱xna pema nagu perüxĩnüegu rü ngẽma nachixü̃anecüã̱xgüxü̃ perüporamaegü? ¿Ẽ̱xna pema nagu perüxĩnüegu rü ngẽma nachixü̃anegüxü̃ narütamae i perü naane?

Ichaía 10:9

Rü guxü̃nema ya ĩanegü ga nüxü̃ charüporamaene rü cho̱xme̱xwa nangẽxmagü, rü ngẽxgumarüxü̃ ya ĩane ya Canú, rü ĩane ya Caquemí, rü ĩane ya Amá, rü ĩane ya Arpáx, rü ĩane ya Chamária, rü ĩane ya Damácu. Rü guxü̃nema ya yima rü cho̱xme̱xwa nangẽxmagü.

Wenaxarü naxümatü ga Tupanaarü mugü 3:25

Rü cuxna naxca̱x chaca nax natü i Yudáü̃arü tocutüwa choxü̃ cumuxü̃, erü nüxü̃ chadauxchaxü̃ i ngẽma naane i nanetügü mea nawa yaexü̃, rü ngẽma máxpü̱xanexü̃ i mexü̃ rü ñu̱xũchi ngẽma Líbanuarü ma̱xpǘnegü”, ñachagürü.

Wenaxarü naxümatü ga Tupanaarü mugü 1:7

¡Rü penade i perü ngẽmaxü̃gü rü ipexĩãchi nax ngẽma Amoréutanüxü̃arü máxpü̱xanexü̃wa pexĩxü̃! ¡Rü nawa pexĩ i guxü̃ma i ngẽma naanegü i norü ngaicamana ngẽxmagüxü̃! ¡Rü ngẽxgumarüxü̃ ta Arabáanewa, rü máxpü̱xanexü̃wa, rü doxonexü̃wa, rü Négueanewa, rü Már i Mediteráneupechinüwa, rü Canaáü̃tanüxü̃arü naanewa, rü Líbanuanewa rü ñu̱xmata taxtü i Eufrátewa pexĩ!

Iraétanüxü̃arü muxchiga 13:21

Rü yema yatügü rü yéma naxĩ rü nayangugügü ga yema nachixü̃ane. Rü súrwaama ga chianexü̃ ga Chíü̃ íyexmaxü̃wa inanaxügüe ga nax nangugügüãxü̃ ga yema naane rü ñu̱xmata ĩane ga Reóxwa nangugü ga nórtewaama ga ĩane ga Amáarü ngaicamana.

Nüxíraxü̃xü̃ ga popera ga ãẽ̱xgacügüchiga 8:65

Yexguma nixĩ ga yexma Charomóü̃maxã nangutaque̱xegü ga muxũchixü̃ma ga duü̃xü̃gü ga guxü̃wama ga Iraéanewa ne ĩxü̃. Rü Amáwa inaxügü ga nórtewaama ne ĩxü̃ rü ñu̱xmata Equítuarü natüwa nangu ga súrwaama ne ĩxü̃. Rü yexguma naxüchigagüãgu ga guma Tupanapata ga taxü̃ne, rü 7 ga ngunexü̃ nagu ningegü. Rü yexgumarüxü̃ ta Tupanaarü cua̱xüü̃xü̃ca̱x nanaxüchigagü ga düxenüchiga ga to ga 7 ga ngunexü̃ nagu yangegüxü̃. Rü yemaacü guxü̃wama 14 ga ngunexü̃wa nangu nax naxüchigagüãxü̃.

Yeremía 52:9

Rü yema Cadéugü rü ãẽ̱xgacü ga Chedequíaxü̃ niyauxgü rü Amáanewa yexmane ga ĩane ga Ribáwa nanagagü, yerü yéma nayexma ga ãẽ̱xgacü ga Nabucudonochó. Rü nüma ga Nabucudonochó rü yéma poxcu Chedequíamaxã naxuegu.