Yochué 13:25 - Tupanaarü Ore

^25-26 Rü yema naane ga Gáxarü duü̃xü̃güna üxü̃ rü Yachéxwa inaxügü, rü namaxã nanangauxẽxẽ ga guxü̃nema ga ĩanegü ga Garaáxanewa yexmagüne. Rü naétü nüxna nanaxã ga ngãxü̃gu ga Amóü̃tanüxü̃arü naane rü ñu̱xmata nawa nangu ga guma ĩane ga Aroé ga Rabáarü to̱xma̱xtawa yexmane. Rü naétü nüxna nanaxã ga yema naane ga Ebóü̃, rü Ramáx-mispé, rü Betoníü̃arü ngãxü̃wa yexmaxü̃. Rü yexgumarüxü̃ ta nüxna nanaxã ga yema naane ga Maanaíü̃ rü Debíxwa yexmaxü̃ ga üyeanearü ngãxü̃wa.

Yochué 13:25 Referans Kwoze

2 Chamué 12:26

Yoxni nüma ga Yoá rü guma Amóü̃tanüxü̃arü ĩane ga Rabáca̱x ínayagoõchi. Rü yexguma marü yapugüchaü̃ãgu ga guma ĩane ga Amóü̃anearü ãẽ̱xgacü nawa yexmane, rü Dabíca̱x yéma namuga ga Yoá rü ñanagürü: —Marü Rabáca̱x íchayagoõchi rü ngẽma marü nüxna chayapuxü̃ nixĩ i ngẽma norü ĩanexacü i nüxna dauxü̃ i ngẽma nachica i dexá nawa nayauxgüxü̃.

2 Chamué 11:1

Rü gumá tauemacügu ga yexguma taunecüwa nanguxchaü̃gu, rü yexguma nixĩ ga ãẽ̱xgacügü ga ínachoxü̃xü̃ ga daiwa nax naxĩxü̃ca̱x. Rü nüma ga Dabí rü nanamu ga Yoá rü norü churaragüarü ãẽ̱xgacügü nax guxü̃ma ga Iraéarü churaragümaxã yema Amóü̃tanüxü̃arü churaragümaxã nügü nada̱i̱xü̃ca̱x. Rü guma Amóü̃tanüxü̃arü ĩane ga Rabáxü̃ ínachoeguãchi. Natürü nüma ga Dabí rü Yerucharéü̃gu narüxã̱ũ̱x.

Wenaxarü naxümatü ga Tupanaarü mugü 3:11

(Rü gumá ãẽ̱xgacü ga Óxicatama nixĩ ga íyaxücü ga Refátanüxü̃tanüwa. Rü yema norü pechicaxü̃ rü fierumünaxca̱x nixĩ, rü 4 metruarü ngãxü̃ nixĩ ga norü ma̱x rü wixgutaa̱x taxre ga metru nixĩ ga norü tatachinü. Rü ñu̱xma rü ta rü Amóü̃tanüxü̃arü ĩane ya Rabáwa nangẽxma.)

Amúx 1:14

Rü ngẽmaca̱x tá üxümaxã chayagu i Rabáarü poxeguxü̃gü. Rü wüxi i ngunexü̃ i nagu yaduruanexü̃ rü nagu nawaanexü̃ rü ngẽxguma nügü ínadaiyane tá nixĩ i üxüemamaxã íchanaguxü̃ ya yima norü ãẽ̱xgacüpatagü.

Echequié 21:20

¡Rü naxüxchicüna̱xã i ngẽma nama i nagu tá yaxũxü̃ i Babiróniaanearü ãẽ̱xgacü norü taramaxã! ¡Rü naxümatü i naéga i ngẽma nama i Amóü̃tanüxü̃arü ĩane ya Rabáwaama nadaxü̃! ¡Rü ngẽxgumarüxü̃ ta naxümatü i naéga i ngẽma to i nama i Yudáanearü ĩane ya ípoxegune ya Yerucharéü̃waama nadaxü̃!

Iraétanüxü̃arü muxchiga 21:32

Rü Moiché rü nanamuãchitanü ga ñuxre ga yatügü nax ĩane ga Yachéxwa ngugütaewa naxĩxü̃ca̱x. Rü yexguma ga Iraétanüxü̃ rü nanapugü ga guma ĩanegü ga Yachéna ngaicamagüne. Rü ínanawoxü̃ ga yema Amoréutanüxü̃ ga guma ĩanegügu ãpatagüxü̃.

Yochué 13:11

Rü nanayauxgü ta ga Garaáxane, rü Guechuréuane, rü Maacáane, rü naétü ga guma ma̱xpǘne ga Ermóü̃, rü guxü̃ma ga Bacháü̃ane ñu̱xmata Chacáwa nangu. Rü namaxã nangau ga yema naanegü ga Bacháü̃anearü ãẽ̱xgacü ga Óx namaxã icuáxü̃. Rü nüma ga Óx rü Atarúwa rü Edréiwa ãẽ̱xgacü nixĩ. Rü yexguma Moiché yema Refátanüxü̃xü̃ rüporamaegu rü ínawoxü̃ãgu ga yema naanewa rü nüma ga Óx nixĩ ga Refátanüxü̃ ga nawa iyacuáxü̃.

Yochué 13:24

Rü nüma ga Moiché rü yexgumarüxü̃ ta Gáxtücumüxü̃ nayanu ga norü naane nae̱xpü̱x nax ñuxre yixĩxü̃ ga norü mu ga natanüxü̃ ga Gáx.

2 Chamué 24:5

Rü nichoü̃ ga natü ga Yudáü̃. Rü ĩane ga Aroéwa rü ñu̱xũchi guma ĩane ga doxonexü̃arü ngãxü̃wa yexmanewa inanaxügüe nax tüxü̃ yaxugügüxü̃ ya duü̃xẽgü. Rü yemawena rü Gáxarü naanewa nachopetü rü ñu̱xũchi ĩane ga Yachéxwa nangugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:31

Rü yexguma marü 40 ga taunecü ãẽ̱xgacü yixĩxgu ga Dabí rü popera ga Ebróü̃tanüxü̃ nagu iwǘgüégaxü̃gu nadaugü. Rü yéma namaxã inarüxĩ nax Garaáxanewa yexmane ga ĩane ga Yachéxwa nayexmaxü̃ ga yatügü ga poraexü̃ rü tama muü̃wa̱xegüxü̃. Rü Yería nixĩ ga yema Ebróü̃tanüxü̃maxã icuáxü̃.

Ichaía 16:8

Rü ngẽma úbanecü ya Ebóü̃wa rü Chibáwa ngẽxmagüxü̃ rü narüñẽẽxgü yerü Achíriaanecüã̱xgü nayachexe. Rü yema úbanecügu rü nitachitaxü̃xüchichire̱x, rü nanecüanewa rü ĩane ya Yachéxwa inaxügü rü chianexü̃wa nada rü ñu̱xmata Már i Ngearü Maxü̃ã́xü̃gu nayacua̱x ga nanecü.

Yeremía 48:32

Rü cuxca̱x tá chaxaxu, Pa Chibáarü Úbanecüx, yema Yachéxca̱x chaxaxuxü̃arü yexera. Rü cuchacüügü rü márwa nangugü ñu̱xmata Yachéxwa nangugü. Natürü i ñu̱xma rü ngẽma curü úbagü rü curü uanüme̱xẽwa nangẽxmagü.

Ãẽ̱xgacügü ga guxchaxü̃güarü mexẽxẽruü̃gü 5:17

Natürü yema natü ga Yudáü̃arü tocutüwa yexmagüxü̃ ga duü̃xü̃gü rü Garaáxanegu narüchomare. Rü yema Dáü̃tanüxü̃ rü Achétanüxü̃ rü türewatama norü wapurugüna nadaugü rü tama daiwa naxĩ.

Ichaía 17:2

Rü yima ĩane rü ngéma nata̱xmare rü maxẽnecüxü̃ tá nixĩ i nachitaxü̃. Rü naxü̃nagü rü ngéma tá mea nayachibüe rü taxúema tá tanachixewe.