Yochué 13:13 - Tupanaarü Ore

¹³ Natürü yema Guechúxanecüã̱xgü rü Maacáanecüã̱xgü rü tama ínawoxü̃ nawa ga yema naane, rü Iraétanüwatama namaxẽ. Rü ñu̱xma rü ta Iraétanüwatama nangẽxmagü.

Yochué 13:13 Referans Kwoze

Yochué 13:11

Rü nanayauxgü ta ga Garaáxane, rü Guechuréuane, rü Maacáane, rü naétü ga guma ma̱xpǘne ga Ermóü̃, rü guxü̃ma ga Bacháü̃ane ñu̱xmata Chacáwa nangu. Rü namaxã nangau ga yema naanegü ga Bacháü̃anearü ãẽ̱xgacü ga Óx namaxã icuáxü̃. Rü nüma ga Óx rü Atarúwa rü Edréiwa ãẽ̱xgacü nixĩ. Rü yexguma Moiché yema Refátanüxü̃xü̃ rüporamaegu rü ínawoxü̃ãgu ga yema naanewa rü nüma ga Óx nixĩ ga Refátanüxü̃ ga nawa iyacuáxü̃.

Iraétanüxü̃arü muxchiga 33:55

Natürü ngẽxguma ngẽma naane peyauxgügu i pema rü tama nawa ípenawoxü̃gu i guxü̃ma i ngẽma duü̃xü̃gü i ngẽma naanegu ãchiü̃güxü̃, rü ngẽma ngéma yaxǘgüxü̃ rü tá pexü̃ ngéma nachixewe ñoma wüxi i naixtüchi i pexetügu nguxgurüxü̃, rü ñoma wüxi ya tuxugu pengu̱xgurüxü̃ tá nixĩ.

2 Chamué 3:3

Rü gumá norü taxre ga nane rü Quiráx nixĩ, rü Abigái iyixĩ ga naé. Rü ngĩma ga Abigái rü Nabáx ga yucüma̱xchire̱x iyixĩ. Rü nüma ga Nabáx rü Carméxcüã̱x nixĩ. Rü norü tomaepü̱x ga Dabí nane rü Acharóü̃ nixĩ, rü naé rü Maacá iyixĩ. Rü ngĩma rü Tarmáixacü iyixĩ. Rü nüma ga Tarmái rü Yechúxarü ãẽ̱xgacü nixĩ.

Wenaxarü naxümatü ga Tupanaarü mugü 3:14

Rü Yaí ga Manachétaxa rü nanayaxu ga guxü̃ma ga Argóxane rü ñu̱xmata Guechúxarü üyeanewa rü Maacáarü üyeanewa nangu. Rü yema naane ga noxri Bacháü̃gu ãégaxü̃ rü nüma ga Yaí rü nügüégagu nanaxüéga, rü Abóx-yaígu nanaxüéga. Rü woo i ñu̱xma rü ngẽmatama nixĩ i naéga.

Yochué 12:5

Rü yema naane ga namaxã inacuáxü̃ ga Óx rü inaxügü ga ma̱xpǘne ga Ermóü̃wa rü Chacáwa, rü guxü̃ma ga Bacháü̃arü naanewa nada ñu̱xmata nawa nangu ga üyeane ga Guechúx rü Maacá. Rü yéma rü nadapetü ñu̱xmata Garaáxarü naanearü ngãxü̃wa nangu ga ngextá iyacuáxü̃wa ga yema naane ga gumá Ebóü̃arü ãẽ̱xgacü ga Chióü̃ namaxã icuáxü̃.

Yochué 13:14

Rü yema Lebítanüxü̃, rü nüma ga Moiché rü taxuxü̃ma ga naane nüxna naxã, yerü nüxna naxü ga yema ãmaregü ga Iraétanüxü̃ Tupanaca̱x íguxü̃. Yerü yemaacü nixĩ ga Tupana namaxã naxueguxü̃.

1 Chamué 27:8

Rü yexguma yema naanewa nayexmagu ga Dabí rü norü duü̃xü̃gümaxã ínaxũxũãxü̃ nax ngĩ́xwa naxũxü̃ca̱x natanüwa ga Guechúxtanüxü̃, rü Guéchetanüxü̃, rü Amaréxtanüxü̃ ga yema naanewa yexmagüxü̃. Rü yema duü̃xü̃güarü naane rü Teraíü̃wa inanaxügü rü Chúxwaama nadaxüchi ñu̱xmata Equítuanewa nangu.

Naanearü ügüchiga 35:22

Rü yexguma marü yéma nayexmagu ga Iraé, rü nane ga Rubéü̃ rü nanatüma̱x ga Birámaxã ínape. Rü yexguma yemaxü̃ nacua̱xgu ga Iraé rü nanu.

2 Chamué 10:6

Rü yexguma nüma ga Amóü̃tanüxü̃ nüxü̃ cua̱xgügu nax poraãcü Dabíxü̃ nanuxẽẽgüxü̃, rü yemaca̱x nüxü̃́ nanaxütanü ga 20,000 ga Chíriaanearü churaragü ga Bex-reóxcüã̱x, rü Chobácüã̱x, rü ñu̱xũchi 1,000 ga yatügü ga ãẽ̱xgacü ga Maacáarü churaragü rü 12,000 ga Ix-tóxarü churaragü nax nüxü̃ nangü̃xẽẽgüxü̃ca̱x.