Yochué 12:6 - Tupanaarü Ore

⁶ Rü nüma ga Moiché rü namaxã ga Iraétanüxü̃ rü yema taxre ga ãẽ̱xgacügüxü̃ narüporamae rü nanadai. Rü nüma ga Moiché rü yema naane rü Rubéü̃tanüxü̃na nanaxã, rü Gáxtanüxü̃na nanaxã, rü ngãxü̃tücumü ga Manachétanüxü̃na rü ta nanaxã.

Yochué 12:6 Referans Kwoze

Iraétanüxü̃arü muxchiga 32:33

Rü yemaacü ga Moiché rü yema Gáxtanüxü̃na, rü Rubéü̃tanüxü̃na, rü Yúche nane ga Manachétanüxü̃arü ngãxü̃tücumüna nanaxã ga yema naane ga Amoréugüarü ãẽ̱xgacü ga Chióü̃arü naane rü yema Bacháü̃arü ãẽ̱xgacü ga Óxarü naane. Rü yema naanemaxã nüxna nanaxã ga guma ĩanegü ga nawa yexmagüne rü ñu̱xũchi yema wocachitaü̃gü ga guma ĩanegüna ügüxü̃.

Iraétanüxü̃arü muxchiga 32:29

—Rü ngẽxguma aixcüma ãxneãcüma natü i Yudáü̃ wüxigu pemaxã yachoü̃gu i guxü̃ma i ngẽma Gáxtanüxü̃ rü Rubéü̃tanüxü̃ nax Cori ya Tupana pexü̃ rüngü̃xẽẽãcüma pemaxã daiwa naxĩxü̃ca̱x ñu̱xmata peyapugü i ngẽma nachixü̃ane, rü ñu̱xũchi i pema rü tá nüxna penaxã i ñaa Garaáxarü naane nax noxrügü yaxĩxü̃ca̱x.

Iraétanüxü̃arü muxchiga 32:32

Rü Cori ya Tupanaga taxĩnüeãcüma ãxneãcüma tá nagu tachocu i ngẽma Canaáü̃chiane. Natürü ñaa naane i Yudáü̃arü éstewaama ngẽxmaxü̃ rü toxna tá naxü nax ngẽmaãcü tóxrü yixĩxü̃ca̱x —ñanagürügü.

Yochué 14:3

Natürü nüma ga Moiché rü natü ga Yudáü̃arü tocutüwa rü marü ü̃pa nüxíra nüxü̃ nayanu ga norü naane ga Rubéü̃tücumü rü Gáxtücumü rü ngãxü̃tücumü ga Manachétanüxü̃. Natürü ga Lebítanüxü̃ rü taxuxü̃ma ga naane nüxna naxã.

Yochué 18:7

Natürü ngẽma Lebítanüxü̃ rü taxuxü̃táma naane nayauxgü, erü nümagü rü Tupana nayadexechi nax norü chacherdótegü yixĩgüxü̃ca̱x. Rü ngẽma Gáxarü duü̃xü̃gü, rü Rubéü̃arü duü̃xü̃gü, rü ngãxü̃tücumü i Manachéarü duü̃xü̃gü rü marü nanayauxgü i norü naane i natü i Yudáü̃arü éstewaama. Rü yema nixĩ ga naane ga Moiché ga Tupanaarü duü̃ nüxna ãxü̃ —ñanagürü.

Yochué 22:4

Rü ngẽmaca̱x i ñu̱xma nax Tupana marü yanguxẽẽxü̃ i norü uneta rü ngẽma peenexẽgü rü marü taxuxü̃ma i guxchaxü̃wa nangẽxmagü, rü marü name nax naxca̱x pewoeguxü̃ i pepatagü rü perü naanegü ga Moiché ga Tupanaarü duü̃ pexna ãxü̃ ga natü ga Yudáü̃arü éstewaama.

Nüxíraxü̃xü̃ ga popera ga ãẽ̱xgacügüchiga 4:19

Rü Guebé ga Urí nane rü ãẽ̱xgacü nixĩ nawa ga Gáxarü naane ga nũxcüma Amoréugüarü ãẽ̱xgacü ga Chióü̃anearü ixĩxü̃ rü Óx ga Bacháü̃anearü ãẽ̱xgacüarü ixĩxü̃. Rü ñu̱xũchi yema 12 ga Iraéanearü ãẽ̱xgacügüétüwa nayexma ga wüxi ga namaxã icuáxü̃ ga guxü̃ma ga Iraéane.