Yochué 12:1 - Tupanaarü Ore

¹ Rü nüma ga Iraétanüxü̃ rü taxre ga ãẽ̱xgacügüxü̃ narüporamae ga natü ga Yudáü̃arü éstewaama. Rü ñaagü nixĩ ga norü naane ga napugüxü̃: Rü natü ga Arnóü̃wa inaxügü ñu̱xmata ma̱xpǘne ga Ermóü̃wa nangu. Rü namaxã nanangauxẽxẽ ga yema naane ga Yudáü̃arü doxonexü̃ ga éstewaama yexmaxü̃.

Yochué 12:1 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 11:18

Rü yemawena rü chianexü̃gu taxĩ rü Edóü̃tanüxü̃arü rü Moátanüxü̃arü naanexü̃ ítachoegu, rü ñu̱xmata Moátanüxü̃arü éstewaama tangugü. Rü natü i Arnóü̃arü to̱xma̱xtagu tapegü. Natürü tama yema natü tichoü̃ yerü yéma inaxügü ga Moátanüxü̃arü naane.

Yochué 1:15

Rü ñu̱xmatáta nüma ya Cori ya Tupana peenexẽgüna naxã i norü naane i nagu tá taãẽãcüma naxãchiü̃güxü̃, yema pexna naxããgurüxü̃, rü ñu̱xmatáta nümagü rü norü yora yaxĩgüxü̃ i ngẽma naane i Cori ya Tupana tá nüxna ãxü̃, rü tá nüxü̃ perüngü̃xẽxẽ. Rü ngẽmawena i pemax rü tá naxca̱x pewoegu i ñaa perü naane i Yudáü̃cutüarü éstewaama üxü̃, nax ngẽmaãcü penayaxuchixü̃ca̱x i ñaa naane ga gumá Tupanaarü duü̃ ga Moiché pexna ãxü̃ —ñanagürü.

Iraétanüxü̃arü muxchiga 21:24

Natürü ga Iraétanüxü̃ rü nügü ínapoxü̃güama rü nüxü̃ narüporamaegü, rü Chióü̃arü churaragüxü̃ nadai. Rü noxrüxü̃ nanayauxgü ga yema naane ga natü i Arnóü̃wa ixügüxü̃ rü ñu̱xmata natü i Yabóxgu yacuá. Rü yemaacü nanayauxgü ga guxü̃ma ga yema naane ñu̱xmata Amóü̃tanüxü̃anearü üyewa nangu. Rü yema üyeane rü meama ínapoxegu.

Iraétanüxü̃arü muxchiga 21:13

Rü moxü̃ãcü rü yéma inaxĩãchi rü inaxĩ. Rü natü i Arnóü̃arü tocutüguama nayapegü. Rü yema natü rü chianexü̃wa nayexma, rü Amoréutanüxü̃anewa ne nada. Rü yema natü nixĩ ga norü üyeane ga Moátanüxü̃ rü Amoréutanüxü̃.

Ichaía 16:2

Rü ngẽma Moátanüxü̃arü ngexü̃gü rü natü i Arnóü̃wa nichoü̃ nax yabuxmüxü̃ca̱x ñoma werigü i baixãchiexü̃ rü naxchiãü̃güna ibuxmüxü̃rüxü̃.

Wiyaegü 133:3

Rü ñoma cherena ya ma̱xpǘne ya Ermóü̃étügu nguxü̃rüxü̃ rü ma̱xpǘne ya Chióü̃étügu nguxü̃rüxü̃ tüxü̃ nataãẽxẽxẽ. Rü Chióü̃wa nixĩ i ne naxũxü̃ i Tupanaarü ngü̃xẽxẽ nax namáxü̃ca̱x i norü maxü̃ i norü duü̃xü̃gü.

Yochué 22:4

Rü ngẽmaca̱x i ñu̱xma nax Tupana marü yanguxẽẽxü̃ i norü uneta rü ngẽma peenexẽgü rü marü taxuxü̃ma i guxchaxü̃wa nangẽxmagü, rü marü name nax naxca̱x pewoeguxü̃ i pepatagü rü perü naanegü ga Moiché ga Tupanaarü duü̃ pexna ãxü̃ ga natü ga Yudáü̃arü éstewaama.

Yochué 11:17

Rü yema norü naane ga Iraétanüxü̃, rü inaxügü ga ma̱xpǘne ga Aráxwa rü ínadaãchi ga Cheíwaama rü ñu̱xmata Baá-gáxwa nangu ga Líbanuarü doxonexü̃wa ga ma̱xpǘne ga Ermóü̃pechinüwa. Rü mucü ga taunecü ningegü nax nügü nada̱i̱xü̃ namaxã ga yema ãẽ̱xgacügü ga yema naanewa yexmagüxü̃. Rü nüma ga Yochué rü düxwa nüxü̃ narüporamae rü ínanayauxü̃ rü nanadai ga guxü̃ma ga yema ãẽ̱xgacügü.

Wenaxarü naxümatü ga Tupanaarü mugü 4:48

Rü yema norü naanegü rü nataxüchi. Rü Aroéwa inaxügü ga natü ga Arnóü̃cutüwa rü ñu̱xmata ma̱xpǘne ga Chirióü̃wa nangu. Rü guma ma̱xpǘne rü to i naéga rü Ermóü̃ nixĩ. Rü norü naane rü guxü̃ma ga Arabáanewa nada ga Yudáü̃arü éstewaama ñu̱xmata Már i Ngearü Maxü̃ã́xü̃wa nangu ga ma̱xpǘne ga Picháarü tuãchiwa.

Wenaxarü naxümatü ga Tupanaarü mugü 2:24

Rü yemawena rü nüma ga Cori ya Tupana rü ñanagürü: “¡Ipexĩãchi, rü natüacü i Arnóü̃ pichoü̃! Choma rü wüxigu norü naanemaxã tá pexme̱xgu chananguxẽxẽ i ngẽma Amoréu i Chióü̃ i ĩane ya Ebóü̃arü ãẽ̱xgacü. ¡Rü norü naanegu pechocu rü Chióü̃maxã pegü peda̱i̱x!

Iraétanüxü̃arü muxchiga 32:19

Rü ngẽma naane i Yudáü̃arü tocutüwa ngẽxmaxü̃ rü ñu̱xũchi ngẽma naane i yéamaxü̃ra ngẽxmaxü̃ rü toma rü tama tanaxwa̱xe, erü ngẽma toxrü naane rü nuxã Yudáü̃arü éstecutüwaama nangẽxma —ñanagürügü.

Iraétanüxü̃arü muxchiga 32:33

Rü yemaacü ga Moiché rü yema Gáxtanüxü̃na, rü Rubéü̃tanüxü̃na, rü Yúche nane ga Manachétanüxü̃arü ngãxü̃tücumüna nanaxã ga yema naane ga Amoréugüarü ãẽ̱xgacü ga Chióü̃arü naane rü yema Bacháü̃arü ãẽ̱xgacü ga Óxarü naane. Rü yema naanemaxã nüxna nanaxã ga guma ĩanegü ga nawa yexmagüne rü ñu̱xũchi yema wocachitaü̃gü ga guma ĩanegüna ügüxü̃.

Yochué 13:8

Rü yexguma Moiché namaxã nuegu ga yema naane ga Yudáü̃arü éstewaama yexmaxü̃ rü Rubéü̃arü duü̃xü̃gü rü Gáxarü duü̃xü̃gü, rü ngãxü̃tücumü ga Manachéarü duü̃xü̃gü rü marü nanayauxgü ga norü naane ga nüxna ixüchigüxü̃.

Wiyaegü 89:12

Rü cuma nixĩ i cunango̱xẽẽxü̃ i nórte rü súr. Rü yima ma̱xpǘnegü ya Tabóx rü Ermóü̃ rü ngẽma cuéga taãẽãcü nagu nicagüxü̃.

Wiyaegü 136:21

Rü Tupana nixĩ ga nüxü̃ yanucü ga yema ãẽ̱xgacügüarü naane nüxü̃ ga Iraétanüxü̃. Erü ngẽma norü ngechaü̃ i Iraétanüxü̃ca̱x rü taguma inayagu̱x.

Iraétanüxü̃arü muxchiga 21:21

Rü Iraétanüxü̃ rü Amoréutanüxü̃arü ãẽ̱xgacü ga Chióü̃xü̃tawa nanamugü ga ñuxre ga orearü ngeruü̃gü. Rü ñanagürügü nüxü̃:

Iraétanüxü̃arü muxchiga 32:32

Rü Cori ya Tupanaga taxĩnüeãcüma ãxneãcüma tá nagu tachocu i ngẽma Canaáü̃chiane. Natürü ñaa naane i Yudáü̃arü éstewaama ngẽxmaxü̃ rü toxna tá naxü nax ngẽmaãcü tóxrü yixĩxü̃ca̱x —ñanagürügü.

Wenaxarü naxümatü ga Tupanaarü mugü 2:32

Rü yexguma ga Chióü̃ rü guxü̃ma ga norü churaragümaxã toxca̱x naxĩ nax yemaacü Yaáchagu tamaxã nügü nada̱i̱xü̃ca̱x. Natürü nüma ga Cori ya tórü Tupana rü taxme̱xgu nanayixẽxẽ. Rü yemaacü tayama̱x ga Chióü̃, rü tanadai ga yema nanegü rü ñu̱xũchi guxü̃ma ga yema norü churaragü.

Wenaxarü naxümatü ga Tupanaarü mugü 3:1

Rü yemawena rü to ga namagu taxĩ, rü Bacháü̃anewaama taxĩ. Natürü ga Óx ga yema nachixü̃anearü ãẽ̱xgacü ixĩxü̃ rü guxü̃ma ga norü churaragümaxã taxca̱x naxĩ rü Edréigu tamaxã nügü nadai.

Wenaxarü naxümatü ga Tupanaarü mugü 4:44

Ñaagü nixĩ ga yema Tupanaarü mugü ga Iraétanüxü̃xü̃ namaxã nangúexẽẽxü̃ ga Moiché.

Nüxíraxü̃xü̃ ga popera ga ãẽ̱xgacügüchiga 4:19

Rü Guebé ga Urí nane rü ãẽ̱xgacü nixĩ nawa ga Gáxarü naane ga nũxcüma Amoréugüarü ãẽ̱xgacü ga Chióü̃anearü ixĩxü̃ rü Óx ga Bacháü̃anearü ãẽ̱xgacüarü ixĩxü̃. Rü ñu̱xũchi yema 12 ga Iraéanearü ãẽ̱xgacügüétüwa nayexma ga wüxi ga namaxã icuáxü̃ ga guxü̃ma ga Iraéane.