Yochué 11:6 - Tupanaarü Ore

⁶ Natürü nüma ga Cori ya Tupana rü ñanagürü Yochuéxü̃: —¡Taxṹ i nüxü̃ cumuü̃xü̃ erü choma rü tá cuxü̃ charüngü̃xẽxẽ! Erü moxü̃arü ngunexü̃ i ñaatama oragu rü cuxme̱xgu tá chanayixẽxẽ rü guxü̃xü̃táma cudai. ¡Rü ngẽma norü cowarugü rü inapoepara, rü yima naweü̃gü ya daiwa namaxã naxĩxü̃ne rü ínagu! —ñanagürü.

Yochué 11:6 Referans Kwoze

Yochué 10:8

Rü nüma ga Cori ya Tupana rü ñanagürü nüxü̃: —¡Taxṹ i nüxü̃ cumuü̃xü̃! Erü choma rü tá cuxme̱xgu chanayixẽxẽ i ngẽma Amoréutanüxü̃. Rü bai tá i wüxi i cuxü̃ rüporamaexü̃ —ñanagürü.

2 Chamué 8:4

Rü yema daiwa rü nüma ga Dabí rü ínanayauxü̃ ga 1,700 ya churaragü ga cowarugu ĩxü̃, rü 20,000 ga churaragü ga ixĩmarexü̃. Rü nanawíü̃arü tarumametüxüã̱x ga guxü̃ma ga yema cowarugü ga caru ga dairuxü̃ itúgüxü̃. Rü guma 100 ga carue̱xpü̱xicatama ga cowarugü ínayaxüxẽxẽ.

1 Chamué 11:9

Rü yemawena rü yema duü̃xü̃gü ga Yabécüã̱xgü ga orearü ngeruü̃güxü̃ ñanagürü: —¡Namaxã nüxü̃ pixu i duü̃xü̃gü i Yabécüã̱xgü rü moxü̃ tocuchigu tá ngéma tangugü nax ítanapoxü̃xü̃ca̱x! —ñanagürü. Rü yema duü̃xü̃gü rü natanüxü̃ ga Yabécüã̱xgümaxã nüxü̃ narüxugüe ga yema ore. Rü nümagü rü poraãcü nataãẽgüxüchi.

Yochué 11:9

Rü nüma ga Yochué rü nayanguxẽxẽ ga yema Cori ya Tupana namaxã nüxü̃ ixuxü̃. Rü inanapoepara ga norü uanüarü cowarugü rü ínanagu ga naweü̃gü.

Ochéa 14:3

Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Ucu̱xẽgüchiga 20:7

Tupanape̱xewa tame ya yíxema ngearü chixexü̃ã́xe. Rü ngẽma tümaxacügü i tümacümagu ĩxü̃ rü nataãẽgü.

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Wiyaegü 46:9

Yerü guxü̃wama ga ñoma i naanewa rü marü inayanaxoxẽxẽ nax nügü nada̱i̱xü̃ ga duü̃xü̃gü. Rü nüxü̃́ nayachixegüxẽxẽ ga norü würagü rü wocaxegü. Rü ínanagu ga naweü̃gü ga daiwa namaxã naxĩxü̃ne.

Norü taxre ga to ga popera ga ãẽ̱xgacügüchiga ümatüxü̃ 20:16

Rü moxü̃arü ngunexü̃gu rü tá perüchoxü̃ nax naxca̱x ípeyaxüãchixü̃ca̱x. Rü nümagü rü tá Chixarü ma̱xpǘnewa ínachoõchi. Rü pemax rü Yeruéxarü naxnecüanearü to̱xma̱xtawa ngẽxmaxü̃ i natügu tá nüxü̃ ipeyangau.

Yochué 3:5

Rü yexguma ga Yochué rü yema Iraétanüxü̃xü̃ ñanagürü: —¡Tupanape̱xewa pegü pimexẽxẽgü! Erü moxü̃ rü nüma ya Cori ya Tupana rü tá pexü̃ nüxü̃ nadauxẽxẽ i wüxi i mexü̃ i taxü̃ i norü poramaxã naxüxü̃ —ñanagürü.

Wenaxarü naxümatü ga Tupanaarü mugü 7:16

Natürü penaxwa̱xe nax penadaixü̃ i guxü̃ma i ngẽma duü̃xü̃gü i Cori ya Tupana pexme̱xwa ngẽxmaxẽẽgüxü̃. ¡Rü taxṹ i pexü̃́ nangechaü̃tümüxü̃güxü̃! ¡Rü taxṹ i norü tupanagüxü̃ picua̱xüü̃güxü̃! Erü ngẽxguma ngẽma pexü̱xgu rü tá ipeyarütauxe.

Yochué 11:5

Rü guxü̃ma ga yema ãẽ̱xgacügü rü natü ga Merúü̃cutügu nangutaque̱xegü. Rü yexma nayapexgü nax yéma Iraétanüxü̃ca̱x íyaxü̃ãchixü̃ca̱x.

Yochué 11:7

Rü yexguma nüma ga Yochué rü guxü̃ma ga norü churaragümaxã naxca̱x ínayaxüãchi. Rü ínayabaixgü rü natü ga Merúü̃cutügu namaxã nügü nadai.

Ãẽ̱xgacügü ga guxchaxü̃güarü mexẽxẽruü̃gü 7:9

Rü yema ga chütaxü̃gu rü nüma ga Cori ya Tupana rü Yedeóü̃xü̃ namu rü ñanagürü: —¡Ẽcü curü churaragümaxã Madiáü̃tanüxü̃ca̱x ípeyaxüãchi! Rü choma rü tá pexü̃ charüngü̃xẽxẽxü̃ nax nüxü̃ perüporamaegüxü̃ca̱x.

Echequié 39:9

Rü ngẽma duü̃xü̃gü i Iraéanearü ĩanegücüã̱x rü tá cuxca̱x ínachoxü̃, Pa Góx, rü tá nanade ya cuxnegü, rü curü poxü̃ruü̃gü, rü curü würagü, rü curü chuxchigü, rü curü wocaegü rü tá ínanagu. Rü ngẽmaãcü cuxnegümaxã tá 7 ya taunecüca̱x nüxü̃́ nangẽxma i norü üxü.

Naúü̃ 2:13

Rü Cori ya Tupana ya Guxãxétüwa Ngẽxmacü rü ĩane ya Nínibemaxã nanaxuegu rü ñanagürü: —Daxe chixĩ i choma rü cuxca̱x nua chaxũ. Rü tá íchanagu i curü carugü i dairuxü̃, rü tanimacaxü̃ tá chayaxĩxẽẽgü. Rü tá chanadai i cuxacügü rü ngẽxma tá nixĩ i yanaxoxü̃ nax curü naanewa nangĩ́xta̱xagüxü̃. Rü taxũtáma texé nüxü̃ taxĩnü i curü ãẽ̱xgacüarü orearü ngeruü̃gü —ñanagürü.

Norü taxre ga popera ga ãẽ̱xgacügüchiga 6:16

Rü nüma ga Erichéu rü nanangãxü̃ rü ñanagürü: —¡Taxṹ i cumuü̃xü̃! Erü ngẽma Tupanaarü churaragü i dauxü̃cüã̱x i tamaxã ngẽxmagüxü̃ rü ngẽma Chíriaanecüã̱xarü churaragüarü yexera narümumae —ñanagürü.

Wiyaegü 46:10

Rü nüma ya Tupana rü ñanagürü: —Pa Nachixü̃anegüarü Ãẽ̱xgacügüx ¡choxü̃́ iperüxĩnüe! ¡Rü nagu perüxĩnüe nax choma rü Tupana chixĩxü̃! Rü choma nixĩ i namaxã ichacuáxü̃ i guxü̃ma i nachixü̃anegü. Rü choma nixĩ i guxü̃ma i ñoma i naaneétüwa changexmaxü̃ —ñanagürü.