Yochué 11:23 - Tupanaarü Ore

²³ Rü yemaacü nixĩ ga Yochué ga napuxü̃ãxü̃ ga yema naanegü yema Cori ya Tupana Moichémaxã nüxü̃ ixuxü̃rüxü̃. Rü ñu̱xũchi yema Iraétücumügüxü̃ nayanu ga yema naane nax wüxitücumüchigü nüxü̃́ yexmaxü̃ca̱x ga noxrütama naane. Rü yemawena rü marü nataxuma ga dai ga yema naanewa.

Yochué 11:23 Referans Kwoze

Wiyaegü 46:9

Yerü guxü̃wama ga ñoma i naanewa rü marü inayanaxoxẽxẽ nax nügü nada̱i̱xü̃ ga duü̃xü̃gü. Rü nüxü̃́ nayachixegüxẽxẽ ga norü würagü rü wocaxegü. Rü ínanagu ga naweü̃gü ga daiwa namaxã naxĩxü̃ne.

Yochué 23:1

Rü mucüma ga taunecü marü ningegü nax Tupana rü Iraétanüxü̃xü̃ nangü̃xẽẽxü̃ nax norü uanügümaxã nangüxmüexü̃ca̱x. Rü nüma ga Yochué rü marü naya.

Yochué 22:4

Rü ngẽmaca̱x i ñu̱xma nax Tupana marü yanguxẽẽxü̃ i norü uneta rü ngẽma peenexẽgü rü marü taxuxü̃ma i guxchaxü̃wa nangẽxmagü, rü marü name nax naxca̱x pewoeguxü̃ i pepatagü rü perü naanegü ga Moiché ga Tupanaarü duü̃ pexna ãxü̃ ga natü ga Yudáü̃arü éstewaama.

Yochué 18:10

Rü nüma ga Yochué rü yexguma Chilówa Tupanape̱xewa sortéuãcü inayanu ga yema naane nüxü̃ ga yema Iraétücumügü.

Wenaxarü naxümatü ga Tupanaarü mugü 25:19

Rü ngẽxguma nüma ya Cori ya Tupana rü ngẽma naane i tá pexna naxãxü̃wa nüxü̃ pexü̃ naporamaexẽẽgu i guxü̃ma i ngẽma perü uanügü i ngẽma naanearü ngaicamawa ngẽxmagüxü̃, rü ngẽxguma daiwa perüngü̃gügu, rü ñu̱xũchi tá peyanaxoxẽxẽ i naéga i guxü̃ma i ngẽma duü̃xü̃gü i Amaréxtanüxü̃ nax taxuwama nüxna nacua̱xãchiexü̃ca̱x i ngẽma duü̃xü̃gü. ¡Rü taxṹ i nüxü̃ iperüngümaexü̃ i ngẽma!

Wenaxarü naxümatü ga Tupanaarü mugü 1:38

Rü cuchicüxü tá ngéma nangu ya yimá curü ngü̃xẽẽruxü̃ ya Yochué ya Núü̃ nane. ¡Rü nüxü̃́ nangúchaü̃xẽxẽ erü nüma tá nixĩ i Iraétanüxü̃na naxããxü̃ i ngẽma naane!

Ínachoxü̃xü̃chiga 34:11

Rü ngẽxguma tá naga pexĩnüegu i ngẽma ñu̱xma pexü̃ chamuxü̃, rü tá pepe̱xewa íchanawoxü̃ i ngẽma Amoréutanüxü̃ rü Canaáü̃tanüxü̃, rü Itítanüxü̃, rü Ferechéutanüxü̃, rü Ebéutanüxü̃, rü Yebuchéutanüxü̃ nax norü naanegü pexna chaxãxü̃ca̱x.

Neemía 9:24

Rü nüma ga torü o̱xigü rü nagu nachocu ga yema Canaáü̃ane rü nanapugü. Rü nape̱xegu cunamaachitanüxẽxẽ ga yema duü̃xü̃gü ga yema naanegu ãchiü̃güxü̃. Rü yema norü ãẽ̱xgacügü rü wüxigu namaxã ga yema duü̃xü̃gü ga yema naanewa maxẽxü̃ rü torü o̱xigüme̱xẽwa cunayexmagüxẽxẽ nax nüma nanaxwa̱xegüxü̃ namaxã naxügüxü̃ca̱x.

Echequié 45:8

Rü ngẽmaãcü i ngẽma Iraétanüxü̃arü ãẽ̱xgacü rü tá nüxü̃́ nangẽxma i noxrütama naane. Rü ngẽmaãcü taxũtáma texéna naane nanapugü. Rü wüxitücumüchigü i ngẽma Iraétanüxü̃ rü tá nüxü̃́ nangẽxma i noxrütama naane —ñanagürü.

Yochué 12:7

Rü nüma ga Yochué namaxã ga yema Iraétanüxü̃ rü nanadai ga guxü̃ma ga yema ãẽ̱xgacügü ga Yudáü̃arü oéstewaama yexmagüxü̃. Rü ĩane ga Baá-gáxwa ga Líbanuarü doxonexü̃wa inaxügü rü guxü̃xü̃ma nadai ñu̱xmata guma ma̱xpǘne ga Aráxwa nangugü nax nadaiaxü̃. Rü guma ma̱xpǘne rü Cheíanearü ügüwa nayexma. Rü yema ãẽ̱xgacügü ga nada̱i̱xü̃arü naane nixĩ ga Yochué rü wüxichigü ga Iraétücumügüxü̃ yanuxü̃ nax noxrü yaxĩgüxü̃ca̱x.