Yochué 11:22 - Tupanaarü Ore

²² Rü yemaacü bai ga wüxi ga Anátanüxü̃ ga íyaxüxü̃ ga Iraétanüxü̃arü naanewa. Rü Gáchaarü naanewa, rü Gáxarü naanewa rü Adúxarü naanewaxicatama nixĩ ga íyaxüxü̃ ga Anátanüxü̃.

Yochué 11:22 Referans Kwoze

1 Chamué 17:4

Rü yema Firitéugütanüwa nixũxũ ga wüxi ga churara ga 3 metrugu ixüchanexü̃, rü yema doxonexü̃wa naxũ. Rü Goriáx nixĩ ga naéga, rü ĩane ga Gáxcüã̱x nixĩ.

Ichaía 20:1

Rü wüxi ga ngunexü̃gu rü nüma ga Chargóü̃ ga Achíriaanearü ãẽ̱xgacü rü inanamuãchi ga wüxi ga norü churaragüeru i poraxü̃ nax ĩane ga Adúxwa naxũxü̃ca̱x. Rü nüma ga yema churaragüeru rü naxca̱x ínayagoõchi rü nayapu ga guma ĩane.

Norü taxre ga to ga popera ga ãẽ̱xgacügüchiga ümatüxü̃ 26:6

Rü nüma ga Uchía rü Firitéugümaxã nügü nadai. Rü nayawa̱xgüxẽxẽ ga ĩane ga Gáxarü poxeguxü̃, rü ĩane ga Yaníaarü poxeguxü̃, rü ĩane ga Adúxarü poxeguxü̃. Rü yemawena rü Firitéugüarü ĩane ga Adúxarü naanegu nanaxü ga ñuxre ga ĩanegü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:1

Rü yemawena nüma ga Dabí rü Firitéugüxü̃ narüporamae. Rü Firitéugüna nanapu ga ĩane ga Gáx namaxã ga norü ĩanexacügü. Rü yemaacü Dabíme̱xẽwa nayexmagü ga yema Firitéugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 8:13

Rü yema to ga Epáa nanegü rü Beriá rü Chéma nixĩgü. Rü nümagü nixĩ ga natanüxü̃ ga Ayaróü̃wa maxẽxü̃maxã inacua̱xgüxü̃. Rü nüma ga Beriá rü Chéma nixĩ ga ínawoxü̃xü̃ ga yema Firitéugü ga nüxíra Gáxwa maxẽxü̃.

Nüxíraxü̃xü̃ ga popera ga ãẽ̱xgacügüchiga 2:39

Natürü tomaepü̱x ga taunecüwena rü taxre ga norü puracütanüxü̃ rü nüxna nibuxmü nax Gáxarü ãẽ̱xgacü ga Aquí ga Maacá nanexü̃tawa nayexmagüxü̃ca̱x. Rü yexguma Chimímaxã nüxü̃ yaxugügu nax yema norü puracütanüxü̃ rü Gáxwa nayexmagüxü̃ rü nüma ga Chimí rü inachi rü nanamexẽxẽ ga norü búru rü Gáxwa naxũ ga Aquí íyexmaxü̃wa nax norü puracütanüxü̃ca̱x yadauxü̃. Rü yexguma marü Gáxwa nataeguxgu ga Chimí namaxã ga norü puracütanüxü̃, rü nüxü̃ nacuáchiga ga Charomóü̃ nax Chimí rü Yerucharéü̃wa ínaxũxũxü̃ nax Gáxwa naxũxü̃ rü marü ínanguxü̃.

1 Chamué 5:1

Rü yexguma marü yapugüãgu ga yema baú ga Tupanaarü mugüchixü̃, rü nüma ga Firitéugü rü ĩane ga Ebéü̃-échewa nanayauxgü rü norü ĩane ga Adúxwa nanangegü.

Ãẽ̱xgacügü ga guxchaxü̃güarü mexẽxẽruü̃gü 3:3

Rü yéma nayaxügü ga 5 ga Firitéugüarü ãẽ̱xgacügü, rü guxü̃ma ga yema Canaáü̃tanüxü̃ ga taxũta napuarü ĩaneã̱xgüxü̃, rü yema Chidóü̃tanüxü̃, rü yema Ebéutanüxü̃ ga máxpü̱xanexü̃ ga Líbanuanewa maxẽxü̃. Rü norü naane ga nawa nayexmagüxü̃ ga yema Ebéutanüxü̃ rü Baá-emóü̃wa inaxügü ñu̱xmata Amáwa nangu.

Ngechuchuarü ngúexü̃gü ga yamugüxü̃arü puracüchiga 8:40

Natürü Achótuwa nayango̱x ga Ferípe. Rü yema ĩanewa inaxũãchi, rü nüxü̃ nixuchigü ga ore i mexü̃ ga guxü̃ma ga ĩanewa ñu̱xmata Checharéawa nangu.

Wenaxarü naxümatü ga Tupanaarü mugü 9:2

Rü ngẽma duü̃xü̃gü i ngéma maxẽxü̃ rü nipora rü nimáchane yema máchanecü ga Anáxtaagürüxü̃. Pemax rü marü nüxü̃ pecua̱x ga yema ore ga ñaxü̃: “Rü texé tapora nax ngẽma Anáxtanüxü̃ imáchanexü̃ daixe”, ñaxü̃.

Yochué 15:14

Rü nüma ga Caréx rü guma ĩanewa nixĩ ga ínawoxü̃ãxü̃ ga nataagü ga yema tomaepü̱x ga Anáx nanegü. Rü wüxi nixĩ ga Chechái, rü to nixĩ ga Aimáü̃, rü to nixĩ ga Tarmái.

Ãẽ̱xgacügü ga guxchaxü̃güarü mexẽxẽruü̃gü 1:18

Rü nanapugü ga guma ĩanegü ga Gácha rü Acharóü̃ rü Ecróü̃ namaxã ga norü naanegü.

Wenaxarü naxümatü ga Tupanaarü mugü 2:23

Rü yematama nüxü̃ nangupetü ga yema Ebéutanüxü̃ ga Gáchaarü ngaicamana yexmagüne ga ĩanexacügüwa maxẽxü̃. Rü yema Firitéugü ga capaxũ ga Crétawa ne ĩxü̃ nixĩ ga yema Ebéutanüxü̃xü̃ daixü̃. Rü yexma norü naanegu naxãchiü̃gü.

Yochué 10:41

Rü yemaacü wüxicana guxü̃ma ga yema ãẽ̱xgacügüxü̃ nadai rü nanapu ga guxü̃ma ga norü naanegü ga Cadé-banéawa inaxügü rü ñu̱xmata Gáchawa nangu, rü Gochéü̃wa inaxügü rü ñu̱xmata Gabaóü̃wa nangu. Yerü woetama Iraétanüxü̃étüwa naxü ga Tupana.

Yochué 15:47

Rü yexgumarüxü̃ ta nüxna naxǘ ga guma ĩane ga Adúx namaxã ga norü ĩanexacügü rü guma ĩane ga Gácha namaxã ga norü ĩanexacügü. Rü yema Yudátanüxü̃arü naane rü yema natüxacü ga Equítuanewa yexmaxü̃wa nangu, rü namaxã nangau ga naxpechinü ga Már Mediteráneu.