Yochué 10:41 - Tupanaarü Ore

^41-42 Rü yemaacü wüxicana guxü̃ma ga yema ãẽ̱xgacügüxü̃ nadai rü nanapu ga guxü̃ma ga norü naanegü ga Cadé-banéawa inaxügü rü ñu̱xmata Gáchawa nangu, rü Gochéü̃wa inaxügü rü ñu̱xmata Gabaóü̃wa nangu. Yerü woetama Iraétanüxü̃étüwa naxü ga Tupana.

Yochué 10:41 Referans Kwoze

Yochué 11:16

Rü nüma ga Yochué rü nayapu ga guxü̃ma ga yema naane ga máxpü̱xanexü̃ rü guxü̃ma ga yema naane ga Négue, rü guxü̃ma ga yema naane ga Gochéü̃, rü yema naane ga natü ga Yudáü̃arü metachinüxü̃. Rü yemaacü nayapu ga guxü̃ma ga yema máxpü̱xanexü̃, rü yema doxonexü̃ nax Iraétanüxü̃arü yixĩxüca̱x.

Wenaxarü naxümatü ga Tupanaarü mugü 9:23

Rü yexguma Cadé-banéawa Cori ya Tupana pexü̃ imuãchitanügu nax peyapuxü̃ca̱x ga yema naane ga nüma pexna naxãxü̃, rü tama naga pexĩnüechaü̃. Rü tama nüxü̃́ peyaxõgü rü tama peyangu̱xẽxẽ ga yema nüma pexü̃ namuxü̃.

Ngechuchuarü ngúexü̃gü ga yamugüxü̃arü puracüchiga 8:26

Rü yemawena, rü Tupanaarü orearü ngeruxü̃ ga daxũcüã̱x rü Ferípemaxã nüxü̃ nixu, rü ñanagürü: —¡Paxa inaxũãchi rü súrwaama naxũ nawa i ngẽma nama i Yerucharéü̃wa ne daxü̃ rü Gáchawa iyarügoxü̃! —ñanagürü. Rü ngẽma nixĩ i nama i chianexü̃wa dapetüxü̃ i ngextá taxúema íxãpataxü̃wa.

Chacaría 9:5

Rü ngẽxguma ngẽmaxü̃ nadaugügu ya yima ĩane ya Acharóü̃cüã̱xgü rü tá naba̱i̱xãchie. Rü yima ĩane ya Gáchacüã̱xgü rü tá poraãcü ngúxü̃ ningegü. Rü ngẽma duü̃xü̃gü i Ecróü̃cüã̱xgü rü poraãcü tá nanaxĩ̱xãchiãẽgü. Rü yima ĩane ya Gácha rü tá nangearü ãẽ̱xgacüã̱x rü yima ĩane ya Acharóü̃ rü tá nangearü duü̃xü̃güã̱x.

Nüxíraxü̃xü̃ ga popera ga ãẽ̱xgacügüchiga 3:5

Rü wüxi ga chütaxü̃gu rü Gabóü̃wa rü Cori ya Tupana rü Charomóü̃ca̱x nango̱x ga nanegüwa, rü ñanagürü nüxü̃: —¡Choxna naxca̱x naca i ngẽma cunaxwa̱xexü̃ rü choma rü tá cuxna chanaxã! —ñanagürü.

1 Chamué 6:17

Rü yema 5 ga taixnachicüna̱xãgü ga úirunaxca̱x ga Firitéugü Cori ya Tupanana naxuaxü̃güxü̃ norü ngüxmüxẽẽruxü̃, rü yema rü guma ĩanegü ga Adúx, rü Gácha, rü Acharóü̃, rü Gáx, rü Ecróü̃arü ãmaregü nixĩ.

Ãẽ̱xgacügü ga guxchaxü̃güarü mexẽxẽruü̃gü 16:21

Rü yexguma ga nümagü ga Firitéugü rü nayayauxgü rü nanacaxü̃xetügü. Rü ĩane ga Gáchawa nanagagü ga ngextá cadéna ga bróũchenaxca̱xmaxã ínangaxü̃güaxü̃wa. Rü poxcupataü̃arü caerúxü̃arü dixeguwa nanapuracüxẽẽgü.

Ãẽ̱xgacügü ga guxchaxü̃güarü mexẽxẽruü̃gü 16:1

Wüxi ga ngunexü̃gu ga Chanchóü̃ rü ĩane ya Gáchawa naxũ. Yéma nüxü̃ nadau ga wüxi ga ngexü̃ ga naxü̃nemaxã taxexü̃ rü yemapatagu naxücu nax yexma napexü̃ca̱x.

Yochué 10:12

Rü yexguma nüma ga Cori ya Tupana rü Iraétanüxü̃me̱xẽgu nayixẽẽãgu ga yema Amoréutanüxü̃. Rü nüma ga Yochué rü duü̃xü̃güpe̱xewa Cori ya Tupanamaxã nidexa rü ñanagürü: —Pa Tupanax, chanaxwa̱xe i ícuyachaxãchixẽẽxü̃ ya üa̱xcü Gabaóü̃étüwa. ¡Rü ngẽxgumarüxü̃ ta ya tauemacü rü íyachaxãchixẽxẽ naétüwa i Ayaróü̃arü doxonexü̃! —ñanagürü.

Iraétanüxü̃arü muxchiga 34:4

Rü súrwaama tá nada rü ñu̱xmatáta Acabíü̃arü tuãchixü̃wa nangu. Rü ngéma rü Chíü̃wa tá nadapetü ñu̱xmatáta Cadé-banéawa nangu. Rü ngéma rü Achá-adáwaama tá nidachigü ñu̱xmatáta Amóü̃wa nangu.

Iraétanüxü̃arü muxchiga 32:8

Rü yematama nixĩ ga guxchaxü̃ ga naxügüxü̃ ga yema penatügü ga yexguma Cadé-banéawa chanamugügu nax yangugügüãxü̃ca̱x ga yema naane.

Wenaxarü naxümatü ga Tupanaarü mugü 1:19

Rü nüma ga Moiché rü ñanagürü: —Yexguma ma̱xpǘne ga Oréxwa ixĩãchigu, rü guma ma̱xpǘnegü ga Amoréutanüxü̃ nagu ãchiü̃günewaama taxĩ, yerü yemaacü nixĩ ga tórü Cori ya Tupana tüxü̃ muxü̃. Rü nagu taxĩ ga yema chianexü̃ ga taxü̃ rü ãũcümaxü̃ ga pema marü nüxü̃ pedauxü̃, rü ñu̱xmata nawa tangugü ga Cadé-banéa.

Wenaxarü naxümatü ga Tupanaarü mugü 2:23

Rü yematama nüxü̃ nangupetü ga yema Ebéutanüxü̃ ga Gáchaarü ngaicamana yexmagüne ga ĩanexacügüwa maxẽxü̃. Rü yema Firitéugü ga capaxũ ga Crétawa ne ĩxü̃ nixĩ ga yema Ebéutanüxü̃xü̃ daixü̃. Rü yexma norü naanegu naxãchiü̃gü.

Yochué 11:22

Rü yemaacü bai ga wüxi ga Anátanüxü̃ ga íyaxüxü̃ ga Iraétanüxü̃arü naanewa. Rü Gáchaarü naanewa, rü Gáxarü naanewa rü Adúxarü naanewaxicatama nixĩ ga íyaxüxü̃ ga Anátanüxü̃.