Yochué 10:40 - Tupanaarü Ore

⁴⁰ Rü Yochué rü norü churaragümaxã nanadaiãcu ga guxü̃ma ga yema ĩanegü ga yema naanewa yexmagüxü̃. Rü nüxü̃ narüporamae ga yema ãẽ̱xgacügü ga máxpü̱xanexü̃wa yexmagüxü̃, rü yema naxnücüane ga Néguewa yexmagüxü̃, rü yema ínadoxonexü̃wa yexmagüxü̃, rü yema ma̱xpǘnepechinü̃güwa yexmagüxü̃. Rü yemaacü nanadai ga guxü̃ma ga yema ãẽ̱xgacügü namaxã ga norü duü̃xü̃gü. Rü bai ga wüxi ga íyaxüxü̃ yema Cori ya Iraétanüxü̃arü Tupana namaxã nüxü̃ ixuxü̃rüxü̃.

Yochué 10:40 Referans Kwoze

Wiyaegü 9:17

Rü ngẽma chixexü̃gu maxẽxü̃, rü guxü̃ma i ngẽma tama Tupanaxü̃ cua̱xgüchaü̃xü̃ rü tá nayue rü naxmaxü̃wa tá naxĩ.

Nüxíraxü̃xü̃ ga popera ga ãẽ̱xgacügüchiga 15:29

Rü yexguma noxritama yangucuchigu ga Baachá nax ãẽ̱xgacü yixĩxü̃ rü tüxü̃ nadai ga guxãma ga Yeruboáü̃tanüxü̃. Rü yema Cori ya Tupana norü orearü uruxü̃ ga Aía ga ĩane ga Chilócüã̱xwa nüxü̃ yaxuxü̃rüxü̃, rü nüma ga Baachá rü guxü̃ma ga Yeruboáü̃tanüxü̃ tüxü̃ nadai rü tüxü̃ nagu̱xẽxẽ. Rü taxúema tüxü̃ ínayaxǘxẽxẽ.

Yochué 10:37

Rü yexguma marü yapugüãgu ga guma ĩane ga Ebróü̃ rü nagu napogüe rü taramaxã nayama̱xgü ga norü ãẽ̱xgacü. Rü taramaxã nanadai ga guxü̃ma ga duü̃xü̃gü rü naxü̃nagü ga yéma maxẽxü̃. Rü naigü ga ĩanegü ga norü ngaicamana yexmagüne rü nanadaiãcu yematama Egróü̃maxã naxügüxü̃rüxü̃.

Yochué 10:35

Rü yematama ga ngunexü̃gu rü nayapugü rü taramaxã nanadaiãcu ga guma ĩane rü nagu napogüe, guma ĩane ga Láquimaxã naxügüxü̃rüü̃tama.

Yochué 9:24

Rü nümagü rü Yochuéxü̃ nangãxü̃gü rü ñanagürügü: —Rü ngẽmaãcü pemaxã nüxü̃ tixu erü poraãcü pexü̃ tamuü̃e erü nagu tarüxĩnüe nax toxü̃ pedaixü̃. Yerü nüxü̃ tacuáchigagü ya yimá perü Cori ya Tupana rü norü duü̃ ga Moichéxü̃ namu nax pexna naxããxü̃ i guxü̃ma i ñaa naane rü nadaiaxü̃ i guxü̃ma i duü̃xü̃gü i ñaa naanegu ãchiü̃güxü̃.

Yochué 8:27

Rü nüma ga Iraétanüxü̃ rü nanade ga yema naxü̃nagü rü yemaxü̃gü ga guma ĩanewa yexmagüxü̃. Yerü yemaacü nixĩ ga Cori ya Tupana rü Yochuémaxã nüxü̃ yaxuxü̃.

Yochué 8:2

Rü guma Yericúmaxã rü norü ãẽ̱xgacümaxã cuxüxü̃rüxü̃ tátama cunaxü namaxã ya yima ĩane ya Ái rü norü ãẽ̱xgacü. Natürü i ñu̱xmagu rü marü name i pegüxü̃́ penade i norü ngẽmaxü̃gü rü naxü̃nagü. Rü tá ípenabaixgü, rü norü ĩaneca̱xwenaama tá pixĩĩchi —ñanagürü.

Yochué 6:17

Rü tá peyanaxoxẽxẽ i daa ĩane namaxã i guxü̃ma i ta̱xacü i nawa ngẽxmaxü̃, erü ngẽmaãcü nixĩ i Cori ya Tupana nüxü̃ ixuxü̃. Rü ngẽma Raá i naxü̃nemaxã taxexü̃xica tátama iyixĩ i taxũtáma ngĩxü̃ pima̱xcü rü woo i ngẽma duü̃xü̃gü i ngĩpatawa ngẽxmagüxü̃. Yerü ngĩma nixĩ ga iyacu̱xgüãxü̃ ga yema taxre ga yatügü ga ngugütaewa yéma imugüxü̃.

Wenaxarü naxümatü ga Tupanaarü mugü 7:24

Rü ngẽma norü ãẽ̱xgacügü rü Tupana rü tá pexme̱xgu nanayixẽxẽ. Rü pema rü tá ngẽxma peyanaxoxẽxẽ rü ñu̱xmatáta ñoma i naanewa taxúema wena nüxna cua̱xãchigü. Rü taxuxü̃táma i nümagü rü pexü̃ narüporamaegü, rü ngẽmaãcü i pema rü guxü̃xü̃táma ipeyarüxoxẽẽgü.

Yochué 18:21

Rü guma ĩanegü ga Bẽyamíü̃tanüxü̃na ügüne rü daagü nixĩ: Yericú, Bex-orá, rü Eme-quéchi, rü Bex-arabá, rü Chemaraíü̃, rü Beté, rü Abíü̃, rü Pará, rü Ofá, rü Quéfa-aamuní, rü Oxní, rü Guéba. Rü guxü̃wama rü 12 ga ĩanegü nixĩ rü naétü ga norü ĩanexacügü.

Yochué 12:8

Rü yema naane ga napuxü̃xü̃ rü ma̱xpǘxanexü̃ nixĩ, rü yema ma̱xpǘnegüarü doxonexü̃ nixĩ, rü natü ga Yudáü̃arü metachinüanexü̃ nixĩ, rü ma̱xpǘanepechinügü nixĩ, rü yema naxnücüanexü̃ ga súrwaama üxü̃ nixĩ, rü yema Négue nixĩ. Rü yema naanegü rü noxri rü Itítanüxü̃güarü, rü Amoréutanüxü̃güarü, rü Cananéugüarü, rü Ferechéugüarü, rü Ebéugüarü, rü Yebuchéugüarüchire̱x nixĩgü.

Wenaxarü naxümatü ga Tupanaarü mugü 1:7

¡Rü penade i perü ngẽmaxü̃gü rü ipexĩãchi nax ngẽma Amoréutanüxü̃arü máxpü̱xanexü̃wa pexĩxü̃! ¡Rü nawa pexĩ i guxü̃ma i ngẽma naanegü i norü ngaicamana ngẽxmagüxü̃! ¡Rü ngẽxgumarüxü̃ ta Arabáanewa, rü máxpü̱xanexü̃wa, rü doxonexü̃wa, rü Négueanewa, rü Már i Mediteráneupechinüwa, rü Canaáü̃tanüxü̃arü naanewa, rü Líbanuanewa rü ñu̱xmata taxtü i Eufrátewa pexĩ!

Ínachoxü̃xü̃chiga 34:12

Rü ngẽma naanegü i nagu tá pichocuxü̃arü duü̃xü̃gü i ngéma maxẽxü̃ rü tama name i ta̱xacürü uneta namaxã pexü nax tama nacümagü i chixexü̃gu peyixü̃ca̱x.

Yochué 11:16

Rü nüma ga Yochué rü nayapu ga guxü̃ma ga yema naane ga máxpü̱xanexü̃ rü guxü̃ma ga yema naane ga Négue, rü guxü̃ma ga yema naane ga Gochéü̃, rü yema naane ga natü ga Yudáü̃arü metachinüxü̃. Rü yemaacü nayapu ga guxü̃ma ga yema máxpü̱xanexü̃, rü yema doxonexü̃ nax Iraétanüxü̃arü yixĩxüca̱x.

Iraétanüxü̃arü muxchiga 13:17

Rü nüma ga Moiché rü nayamugü ga yema yatügü nax Canaáü̃anewa naxĩxü̃ca̱x rü yéma yangugütaegüxü̃ca̱x. Rü ñanagürü nüxü̃: —¡Ngẽma chianexü̃ i Négueguama pexĩ rü ínamáxpüxanexü̃wa pechopetü!

Wenaxarü naxümatü ga Tupanaarü mugü 2:34

Rü guxü̃nema ga guma norü ĩanegü rü taxme̱xwa nayexmagü rü yemaacü tanadai ga guxü̃ma ga yatüxü̃gü rü ngexü̃gü rü buxü̃gü. Rü taxuxü̃ma ga maxü̃xü̃ ítayaxüxẽxẽ.

Neemía 9:24

Rü nüma ga torü o̱xigü rü nagu nachocu ga yema Canaáü̃ane rü nanapugü. Rü nape̱xegu cunamaachitanüxẽxẽ ga yema duü̃xü̃gü ga yema naanegu ãchiü̃güxü̃. Rü yema norü ãẽ̱xgacügü rü wüxigu namaxã ga yema duü̃xü̃gü ga yema naanewa maxẽxü̃ rü torü o̱xigüme̱xẽwa cunayexmagüxẽxẽ nax nüma nanaxwa̱xegüxü̃ namaxã naxügüxü̃ca̱x.